عنوان الموضوع : اشووف عباتج ..... رعاية الاطفال
مقدم من طرف منتديات الضمير العربي

مرحباا
::
::
يالسه اقرى مشاكل الكل
شي يزعل وشي يضحك
::
::
بس بخبركم عن قصتي التي لن تنتهي مع ام زوجي
تطنز وتغايض و تتمصخر في نفس الوقت

المهم
كنت بطلع ويا ريلي ودايما اقول لريلي اذا بنطلع مب لازم نمر نسلم على امك
لان بيتي عدال بيت امه
المهم قال لا بنروح نسلم عقب بنطلع
قلت ع راحتك
رحنا ويلسنا وياها نسولف وجي شوي قال ريلي يلا ورانا بعد السوق ...الخ
اول شي قالت
وين وين بتروحون شو تبون من السوق شو بتاخذون عن الخساير ,,,الخ
قالها ريلي اغراض
المهم حبيتها ع راسها وانا طالعه ريلي كان واقف عند الباب يعني سمعها
جان تقول فلانه اشووف عباتج
جان ارويها جان تقول هييييييه فنانه
جان اقولها فلانه مسويتنها اذا تبين منهاا بسوي لج
جان تضحك وتقول انا ما البس جي
++
ماشي تراها تطنز
يوم طلعنا جان يقولي ريلي ترى امي تطنز
جان اقوله ادري
==========================
الغالياات انا مايهمني كلامهاا
بس على كل شي بتطنز
يعني لو لبست اي شي لو جلابيه بتطنز عليهاااا
لو لبست شيله بتطنز عليهاا
وبتسوي لي مشكله ويا ريلي
يعني انا من البيت طالعه جي وريلي شافني ... لا تقول شووف حرمتك شو لابسه ولابسه
ماتحبني اكشششششخه موووول


واغلب الاوقات يوم نروح عندهاا ونطلع لازم نضارب
يا ع شيله او جلابيه او فستان خفيف
يعنى على كل شي بتسوي سالفه

شوو اسوي وياهاا خبروني..؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
سويلهاااااااااااااااااااااااااا بجججججججججججج طااااااااااااااااااااااااااف
دخلي من اذن وطلعي من الثانيه

__________________________________________________ __________

>>>> الرد الثاني :
طنشيها،،، وعادي،،،

عديها حرمة عوده وما يعيبها شي وتنقم ،،،

ربي يعينج

__________________________________________________ __________

>>>> الرد الثالث :
و لا شي .. لووول .
كل ما تتطنز قوليلها شكرا و لا خلاص المرة اليايه سويلي على ذوقج حابة البس جي يعجبج

__________________________________________________ __________

>>>> الرد الرابع :
لو لبسج مب حلو مابتدقق ولا بتهتم وتعلق خخخخخخخخ

تقبلي تعليقاتها لانها حسبت امج

الله يهديهن هالعمات مادري شو ياهن بس طايحات تعليق بخلق الله خخخخخ

__________________________________________________ __________

>>>> الرد الخامس :
البسي اللي يعجبها يوم اتسيرين عندها وعقب ارجعي البيت و البسي اللي تبغين و اطلعي مع ريليج .. وبعد مب كل مره اتسيرون عندها و انتوا طالعين عقب بتتعود عليكم و بتقولكم انتو تتطلعون وما اتقولون لي وين سيرتو وين طلعتو.. يعني بتتحكم في الطلعة ..