عنوان الموضوع : اي نوع من الرجال تفضله النساء لتربية طفلك
مقدم من طرف منتديات الضمير العربي

السلام عليكم ورحمة الله وبركاته
مساء النور خواتي

لاحظت في الفترة الاخيرة كثرة المواضيع حول الرجال " كيف تكسبين قلبه " و من هي المراة التي يفضلها الرجال " , " تبين زوجج ما يخونج !! " والعديد من المواضيع , انا مع احترام الرجل وكسب عطفه وحنانه بس وين شو اللي تحبه الزوجة , شو هي احلامها , تضحياتها و صبرها , !!!
اممم ابي نفضض حتى لو كانت مجرد سوالف شو اللي تفضلينه متوفر في الريال سواء كانت صفات او اطباع او مهنة او مال او شو ما كان ؟ وهل هاي تعتبرينه مهمة وايد وليش ؟ وبالنسبة تقدرين تعيشين بسعادة لو توفرت كل شروطج ؟
ولو يرد فيج الزمن شو اللي بتغيرينه سواء كان قرار او طبع
ارجو التفاعل خواتي للاستفادة

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انا احس انه الامان تعيشين ويا انسان ملتزم دينيا وطموح ...........بس !

تعرفين ليش ؟
لانه هالصفتين بتجر وراهم كل الصفات الحلوة اللي انتي تتمنينها في الريال

يعني اذا كان ملتزم دينيا بيخاف الله فيج وفي عياله وفي اهله وفي اهلج
التزامه بيخليه امين في شغله وبياكلج من مال حلال
التزامه وخوفه من الله بيخليه ما يطالع برع ويخونج مهما كانت المغريات

الطموح بيخليه ريال يطالع دايما لبعيد
ويخطط لمستقبلكم مع بعض
وطموحه بيخليه يحصّل علم اكثر
ويرتقي السلم الوظيفي بالتدريج
وحتى لو حصل واستقال
طموحه ممكن يسوي له مشروع مثلا !
وبالتالي بيأمّن حياتج ماديا .

يعني هالصفتين بيحققون لج كللللللللللللل اللي تتمنينه

__________________________________________________ __________

>>>> الرد الثاني :

المشاركة الأصلية كتبت بواسطة ياقوتةخضرا
انا احس انه الامان تعيشين ويا انسان ملتزم دينيا وطموح ...........بس !

تعرفين ليش ؟
لانه هالصفتين بتجر وراهم كل الصفات الحلوة اللي انتي تتمنينها في الريال

يعني اذا كان ملتزم دينيا بيخاف الله فيج وفي عياله وفي اهله وفي اهلج
التزامه بيخليه امين في شغله وبياكلج من مال حلال
التزامه وخوفه من الله بيخليه ما يطالع برع ويخونج مهما كانت المغريات

الطموح بيخليه ريال يطالع دايما لبعيد
ويخطط لمستقبلكم مع بعض
وطموحه بيخليه يحصّل علم اكثر
ويرتقي السلم الوظيفي بالتدريج
وحتى لو حصل واستقال
طموحه ممكن يسوي له مشروع مثلا !
وبالتالي بيأمّن حياتج ماديا .

يعني هالصفتين بيحققون لج كللللللللللللل اللي تتمنينه



فديتج حبيبتي وجهة نظر خطيرة للامام

__________________________________________________ __________

>>>> الرد الثالث :
وين الخوات 105 مشاهدة بس مشاركة وحده
نبي تفاعل خواتي

__________________________________________________ __________

>>>> الرد الرابع :
صدقج الغاليه ،،
هي المعدله السهلة اللي الرياييل فهلزمن مستصعبينها !!

الحرمة تبا الاحترام الاهتمام الأمان
اللي خاف الله بيعطيها الاحترام والاهتمام
والطموح بيحقق لها الأمان ^^

تفلسفت شوي^^



سبحان الله وبحمده ،، سبحان الله العظيم

__________________________________________________ __________

>>>> الرد الخامس :
المدين والمتفهم هذه الكلمتين تغنيج عن التفاصيل في ذكر الرجل المناسب