عنوان الموضوع : مليت والله
مقدم من طرف منتديات الضمير العربي

السلام عليكم و رحمة الله وبركاته

خواتي اشحالكم؟


عندي موضوع ومضايجني وااايد
اخو ريلي اليوم عازمنا على الغدى مع العلم انا موظفه اخص 2 ونص و ريلي بعد يداوم
يعني قلت له سالفه الغدى وايد صعبة نص الاسبوع مب راضي يقول اخوه عزمه يعني اخوك ما يعرف ولا ما يقدر نحن نرجع من دوامات
انزين يسويهاعشا ولا فواله يقولي هو ادرى بظروفه
قلت له سامحني انا ما بروح روح بروحك وانا تعبانه مع العلم انا حامل بالشهر الثالث


شو تنصحوني والله مليت كل هذا عشان اهله

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انا انصحج لا تعاندين ريلج وروحي وياه ..
وحرام اخوه مقدر منكم وعازمنكم ..
اضغطي على عمرج الا هو يوم واحد وبيطوف ..

بالتوفيق

__________________________________________________ __________

>>>> الرد الثاني :
حبيبتي ماعليه اضغطي ع عمرج وسيري. واذا دعيتم فاستجيبوا لاتكسرين بخاطر أهل ريلج قدري منهم شرا ماقدروا منج وعزموج. ماعليه اختي الاهو يوم وايد مابأثر استحملي. ?

__________________________________________________ __________

>>>> الرد الثالث :
وعليكم السلام ورحمة الله وبركاته

يعطيج العافية اختي والله يتمملج الحمال وانتي والبيبي بخير وسلامه
بس بغيت اقوووولج سيري العزيمه يعني هيه ساعه بالكثير تغدي واستأذنيهم انج تعبانه بتردين البيت صدقيني بيعذرونج وبتكبرين فعين ريلج
يعني لو حد من خوانج عازمنكم مابيعيبج تروحين بروحج وريلج يقولج انا ما بروح
في حريم ما شاء الله عليهم حوامل ويسون كل شي ونشيطات ويروحن ويردن
وفي حريم من اول شهر لين اخر شهر تعبانه وماقدر تعبانه وماقدر حتى الريال يطفر .. الغاليه لا تكونين من هالنوع
شدي حيلج اليوم حبتين وروحي وقولي لريلج "عم عيالي ومابنرده" شوفي كيف بيستانس منج وماجورة ان شاء الله

__________________________________________________ __________

>>>> الرد الرابع :
بس انا تعبانهو فيني لوعه ومب من النوع اللي يتغدى
وحرمتهوقت العزايم ما تسويلي سالفه و تعطيني ظهرها و تحقر فيني و تخلي الكل لصفها

__________________________________________________ __________

>>>> الرد الخامس :
برايه الغلا لا تعاندين ريلج تخيلي انتي بنفس موقفه يعني حد من اهلج عازمكم بيحز بخاطرج لو ريلج مالبى العزيمه وقدر راعي العزيمه صح اولا؟
بتحاولين تقنعينه انه يتحمل اهو اليوم بس وكمن ساعه بس ...مو كل يوم ومابيستوي به شي لا راح..

ترا اللي يعزمكم من معزتكم عنده لا تكسرون فيه و اخوج ينحرج جدامه وبيحس انج ماتقدرينه اهو ولا اهله ومب قادره تتنازلين شوي عشان كم ساعه عشان خاطره..بيحز بخاطره ويمكن يفكر انج اداومين عادي ومب قادره تستحملين كم ساعه ..
حتى لو قالج ماعليه لا اتيين ..

خلي يومج يمشي طبيعي ..انتي لا تسويلها سالفه وسولفي مع اللي ترتاحين لها..

روحي عشان خاطر ريلج واهله..نفس ماقالت وحده من الاخوات عم عيالي مابنرده..