عنوان الموضوع : بنتي بعد الزواج المومة و الطفل
مقدم من طرف منتديات الضمير العربي

مرحبا الغاليات عندي مشكله متعبتني وايد حتى اني حاسه اني بتيني جلطه او السكري من كثر ما افكر بنتي ياطويلات العمر اللي معرسه من فتره بسيطه عاطني اكبر طاف مع اني كنت وياها اكثر من اخت كل تفاصيل حياتها ادق اسرارها عندي بس الحينه جان بسوي تيلفون على السريع تبا اسكر وبعض المرات ما اسوي حتى المرات اللي يتنا انا متاكده ان ريلها هوه اللي مقترح ايبها واحس انها تبا اتسير بسرعه بيت اهل ريلها ، بنتي ما عندها خوات جدها وهناك خوات ريلها وايد يحبونها ماشاء الله علشان جذيه عاطني اكبر لبسه ، وانا ماعندي الا الصياح و النكد ابوها يقول بتمل وعطيها الفرصه هي في مرحله انتقاليه ، شوه رايكم انتو الحينه هذا شىء عادي ان شخصيا ما مريت بهذي الفتره الوالده كانت متوفيه الله يرحمها يوم عرست . ابا ردكم منوه سوى جذيه بأمه المسكينه وشوه تبريراتكم افيدوني افادكم الله

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ياربي فديتج خليها براحتها ... يمكن صغيرة وعايبتنها حياتها اليديدة وملتهية فيها مثل المراهقة لما يتعرفون على ربع وكله معاهم ... ومدامها مرتاحة ويحبونها وشكلهم قراب من سنها وايد ... ادعي لها .... انتي لما تتصلين فيها سلمي عليها وتطمني عليها وبندي لا تطولين وايد ولا تعاتبينها ... بتمل مثل ما قال ابوها وبترد مثل ماكانت ...

الله يهدي سركم

__________________________________________________ __________

>>>> الرد الثاني :
فديتج الغاليه الله يعطيج العافيه انا مستويه حساسه و مفتقتنها وايد الله ييسر امور الجميع يزاج الله خير .

__________________________________________________ __________

>>>> الرد الثالث :
هي غلاطانه انتي امها بس بعد اعذريها ما تدرين شو ضروفها يمكن عندها مشاغل في بيتها ومجاملات اهل الريل وتراعي زوجها وقتها ضيق هي في بدايه الزواج تبغيلها وقت لين اتنسق امورها وانتي لا تاخذين الامور بهالحساسيه لانها بنتج الوحيده اتعودتي عليها وايد وصعب عليج اتفارقينها بس لازم تتعودين ان هاي سنة الحياه وانها بتنشغل في بيتها باجر بتيبلج الاحفاد بتتسلين وياهم وبتتراجاج اتساعدينها في تربيتهم هاي سنة الحياه

__________________________________________________ __________

>>>> الرد الرابع :
يا عمري عليج... الظاهر لانه هناك في بيت ريلها لقت بنات بنفس عمرها تقريبا وسوالف وضحك واندمجت وياهم عشان جيه تحب اليلسة وياهم.. بس مثل ما قال ريلج بييها وقت وبتمل وبتتعود على وجودهم بحياتها وبتمين انتي امها واكيد بترد لج بأصعب ظروفها وبتحس بغلطتها.. بس تحملي شوي ولا تضغطين عليها..

__________________________________________________ __________

>>>> الرد الخامس :
ما عليه غناتي.. هي بس السنه الأولى الوحده ما تدري عن هوا دارها.. كله تبي تعيب الريال
وأهله واتنسق مسؤولياتها لأنه كل شي يديد عليها وبعد تبا تحس بالاستقلالية وإنها حرمه ومسؤولة..
إنتي بس لا تحنين عليها عسب لا تكره تكلمج ولا تحكي لج شو لي يستوي معها..
بس إن شاء الله بتعدي ها المرحله وترجع مثل أول.. بس وانتي تعرفين لازم في اسرار بتبقى لأنه سنة الحياة
إنتي ادعيلها الله يوفقها ويستر عليها .. هي بس تحمل إن شاء الله وتحس بوجعك لي توجعتيه بتلاقيها عندج.ز
الله يسر أمورها وأمورك الغالية