عنوان الموضوع : تكملة موضوعي انه ريلي متزوج وعنده ولدين المومة و الطفل
مقدم من طرف منتديات الضمير العربي

سلام عليكم

هذا موضوعي الجديم عن ريلي طلع متزوج وعنده ولدين
https://forum.uaewomen.net/showthread.php?t=812801


اشكر كل اللي راسلوني .. وكل اللي قرت موضوعي وتأثرت .. وكل اللي نصحن سواء بأني أردله أو ما أردله ...


في بنآآت قالت خير يا طير انه معرس ؟
وفيه بنات قالن لي انتي الثانية ولازم الاولى هي اللي تحتر حليلها وتعصب وتقوم الدنيا عليج ؟

بنات انا ماكنت أدري انه معرس !
ولو كنت ادري انه معرس كنت ما بتزوجه اصلا ولا برتبط فيه بالاساس !!!

بس احين صار اللي صاااار ومايفيد " ليت " ؟

بخصوص حرمته الاولية ... هيه كانت تدري انه بيعرس وبياخذني ... واناااا ماعمري شفتهاا اصلا
انا ساكنه ف أمارة وحرمته من أمارة ثانيه .. ماقد شفتها او تصادفت معاها خير شر

...
خلاصة الموضوع :
ريلي ياني بيت أهلي .... وتكلمناااا بالهدوووء وهو عارف انا منجرحه .. و كلمة منهارة شوية علي!
بس كنت أصلي وأدعي الله بالراحة النفسية ..
تتخيلون انه حرمته دقتلي ؟
وكانت واااااااااايد طيبة .. وايد والله حبيتها من كل قلبي ... وانا ارمسها كنت اصيح وجان اسمع عبرتها انه فيها صيحه ..
قالت لي واااايد كلام ... وانا سألتهااا اذا في يوم ريلي "وريلها بعد" قصر معاها ؟
قالت والله يشهد انه ماعمره قصر معانا يعطينا حقوقنا وزود بعد وحلفتها على القران ما تجذب علي وكانت كل شي تقوله صج ...


انا ابببدا مااا انهرت بسبة انه متزوج .؟؟؟
بنات الله يخليكم انا انهرت بسبة انه صدددمه .. تتخيلووووون الصدمه انه فجأة ريلي طلع معرس؟
بس هاللي انصدمت منه

وبالنسبة لزوجته الاولى والله اني حبيتها واعتبرتها مثل اختي .. وامس ضيفتهااا بيتنااا ...
ويوم رحت شقتي بعد يتني ..
شفت عيالها بغيت اموووت فيهم .. ماشالله عليهم نسسسخه من أبو العيال
وصدق حبييتهم واعتبرتهم مثل عيالي بالضبط ...

عقب كلمت ريلي وقتله اعرف انك تحبني أكثر بس كل شي ولا الظلم .. !
والله انا اخاف ربي واايد ..
بنات انا ما خذت مهر من ريلي تدرون شو كان مهري ؟
انه يوديني بيت الله ... يوديني أحج والله يغفر ذنوبي ...

واول ما تزوجناااا شهر عسلناا كان حق بيت الله حجينااا وردينااا والله يغفر ذنوبنا يارب ..

وبغيت ابشركم بعد ..


أحس مادري احساااااااااس ..
>>> أني حامل ^_*

بس بعدني اتريااااا اسوي فحص دم عسب أتاكد عدل .. ^^


تدرون انه ريلي قالي اذا يبتي بنت ... بنسميهااا على اسم حرمتي الأولى
وحرمتي الاولى حامل فـ بنت بسميهااا على اسمج " روضة "

تميت مستاانسة خاصة انه اسمهاااا حصة .. على اسم الوالده

كل وحده عندهاا بنت ومسمايه على الثانية

والله يا بنات انا ابدا مافيني حقد ولا كراهية .. والحمدالله على هذه النعمه .
ولاحظتها بعد على حرمته انها واايد طيبة وعلى نياتهااا وخاصة انهاا يتيمه وبنت عمته وصدق حبيتها واحبهاا .. ونحن تقرييييبا نفس الااعمار
وريلي واااااااااااااايد طيب يا بنات والله واايد


في بنات سألني عالخاص لازم هيه تعصب حرمته انه ماخذنج عليهااا وانه عرفج 7 شهور قبل الزواج يعني خيانه !!
بنات انااا صح حبيته قبل الزواج ... بس كانت علاقتنااا مب علاقة حب وصخه
كانت علاقة اعجاب .. طووول هالمده .. وحب ومكالمات تعارف وكل حد يعرف الثاني لين خطبني ..

وحرمته كانت تدري انه بيتزوج وصدق انها عاقل قالت يتزوج ولا يروح للحرام




سمحولي طولت عليكن بس حبيت اطمنكم علي اني بخير

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يسعدج يارب
اهم الشي القتاعه ولا عليج من حد
وربي يوووفقج
وان شاااء الله تكونين حامل

__________________________________________________ __________

>>>> الرد الثاني :
الحمد الله اختي
الله يوفقكم بحياتكم ويبعد عنكم الحسد

__________________________________________________ __________

>>>> الرد الثالث :
حلوووو والله نفس علاقتي مع حرمت ريلي الاولى
والله يااختي احساس وايد حلووو ومثل ماقلتلج في ردي لج في موضوعج الاول
محبــة أعيال ريلج من محبــتج له ..
والله يوفقج ويسعدج انتي وحرمة ريلج الاولى وريلج واعيالكم ..
صدقيني الحياة وايد حلوه ..

وادعيلي فديتج

__________________________________________________ __________

>>>> الرد الرابع :
قصة من القصص النادرة في مجتمعنا الحين

الله يوفقج ويوفقها ويسعدكم ويا أبو عيالكم


اللهم آآآآآآآآآآآآآمين

__________________________________________________ __________

>>>> الرد الخامس :
" اللهم اكفني بحلالك عن حرامك ، وأغنني بفضلك عن سواك "