عنوان الموضوع : نبا نتزوج لكن المشآكل كثثيره ! " سسآعدوني ولو بكلمه * رعاية الاطفال
مقدم من طرف منتديات الضمير العربي

السلام عليكم ورحمة الله وبركاته ،

يسسعد صبآحكم / مسسآكم بَ كل خير وبركه
شحالككن خواتي ؟ ربكن الا بخير !

امم باختصار .. وبدون اطآله ،
انا عضوه يديده .. وعندي مشكله ابغي مساعدتكن خواتي
الكل نصحني بهذا المنتدى .. بما أن فيه حريم حكيمات ممكن يفيدني ..

..

بكل صراحه خوآتي !
انا كانت لي علاقة مع شخص .. من سنين
كنت صغيره يوم عرفته , صح اعتررف بدايتي غلط
كل شي سويته كان غلط من البدايه

والحمدلله على شعور اندم اللي احس به الحين ..
قطعت علاقتي معه من فتره , لانه زواجي منه شبه مسحيل

هو من اسرره بدوية محافظه جدا ..
وانا من اسرة عاديه يعني .. انا ماعندي مشكله مع اهلي الحمدلله اقدر احل موضوعي

لكن هو مشكلته كبيره !
تعرفون ،
في بعض الاسر الاخت والام هن اللي يختارن البنت ويشوفنها بدون لاياخذن راي الرريّال
وهو اهله كذا ..
يعني حتى انه مايقدر يقول لامه بان فباله وحده ويبيها
سبق ولمح لها , لكنها وخواته ضحكن عليه

حاول يرمس اخوه بس يابها بمزح ! تعرفون شقاله ؟

: خلاص برايك انته تزوجها وبيطردونك وانا باخذ جناحك حق عيالي !!!

السالفه كانت مزح صح ! بس هذا اللي بيصير ،
سبق وصارت مع هذا الاخو .. بحيث انه كان يبي وحده
ابوه سمعه وهو يكلمها
راح وخطب له وحده من قرايبهم ! بدون لايدري حتى !!
يوم راح الولد لابوه يقول له ابا فلانه , قاله خلاص انته خطبنالك فلانه وملجتك عقب كم يوم !
كيف وليش ...... ! خلاص

صار الي صار وانحط جدام الامرالواقع ..
انا مابغيه يعيش هالشي ، بالاخص وانه مايبيهن

احسس اني طولت عليكن بالهذربان ،،
عمموما ..

اللي ممكن تفيدني .. تنصحني ..
دخيلكن .. وربي بدعيلها .. بدعيلها ان شاء الله

فداعة الله

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اذا هو خير لك الله يقربه ويسهل الامور واذا شر لك الله يبعده عنك ..

__________________________________________________ __________

>>>> الرد الثاني :
لو هو يعرف إن أهله مآ رآح يزوجونه الا باختيارهم
ليش يحب ويعلق بنات الناس

صعبة الواحد يخسر اهله
فنصيحتي لج حاليا اقطعي علاقتج وياه نهائيا

وادعي ربج بأن لو كان خير لج يكتبه من نصيبج
والباقي في إيد الريال

لو يحبج صدق
بإذن الله بيآخذج

ولآ تحاتين شي مكتوب بإيد الله

حطي في بالج لو الريال من نصيبج فهو خيرة لج ولو مب من نصيبج فلآ تزعلين
فأكيد رب العآلمين صرفه عنج لأن مآ شآف خير لج في هالزواج
فقولي الحمدلله

وربي يوفقج

__________________________________________________ __________

>>>> الرد الثالث :
وضحى ،

أشكرج ع الرد اختي ..
وربي يعطيج العافيه

نونة ،

بخبرج شي .. فالبدآيه لا أنا ولا هو كننا متوقعين هالنهايه
كننا صغار وقتها ،
وحاطين فبالنا انها علاقه سطحيه لا اكثر ولا اقل .. مع الايام صار تعود وتطور الشي
بدون لا نحس

وأبشرج .. قطعت علاقتي به من فتره
صح اني احن ساعات بس الحمدلله ..

إن شاء الله .. تسلمين ع الرد
وربي يعطيج الصحه والعافيه

__________________________________________________ __________

>>>> الرد الرابع :
اقطعي علاقتج فيه واذا حابه تقربي من اهله وان شاء الله ربي يوفقج

__________________________________________________ __________

>>>> الرد الخامس :
سبحان الله وبحمده سبحان الله العظيم