عنوان الموضوع : ساعدوني بنات الله يخليكن ... المومة و الطفل
مقدم من طرف منتديات الضمير العربي
السلام عليكم و رحمه الله و بركاته..
اسمحولي خواتي بس حابه ادخل فالموضوع ع طول انا صارلي متزوجه سنه و شوي و اعاني من مشكله زوجي من يرجع من الدوام لين ما ينام و هو مجابل النت انا ماعرف هو وين يدخل او شو يسوي هلكثر
يعني اتخيلو يوميا من الساعه 3الظهر لين 2او 3او 6الفجر يكون مجابل النت بصراح الغيره ذابحتني وكل ما اكلمه بالموضوع يزعل اقوله خفف شوي و لا شي فايده
بغير رايكم بالموضوع و اتريااكم بفارغ الصبر
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يكون ف عووونج
حاولي تقعدين معاه وافتحي قلبج له وتتقربين منه
يمكن بكلامج يتغير ويحس بمسؤوليه
__________________________________________________ __________
>>>> الرد الثاني :
الحل بسيط قعدي يمه لما يكون قاعد على النت على اساس تسولفين وشفي وين يدخل وشو يسوي بدون ماتحسسينه انج تراقبين أما إذا رفض أو وغير مكانه احتمال في شي بس لاتاكلج الغيره حاولي تكلمينه بهدوء وقوليله أنا أحبك وماودي اخسرك بس بدون زعل وصراخ لاتخربين بيتج
__________________________________________________ __________
>>>> الرد الثالث :
الصراحه أهم شي
تكلموا بهدوء
وربي يوفقج حبوبه
__________________________________________________ __________
>>>> الرد الرابع :
وايد اشيا الواحد يسويها على النت.
كمثال: احتمال مدمن ألعاب اونلاين او منتديات و غيره
اما عن كيف اعرف شو يسوي اقعدي عنده وشوفي شو المواقع الى يدشها وشوفي سجل المواقع History وبتعرفين وين يدش
__________________________________________________ __________
>>>> الرد الخامس :
.
ترومين تعرفين من الـ History . . دقي control + H
وشوفي صفحة صفحة . . بدون ماتخبرينه .. إذا اطمنتي وكان مدمن ألعاب مثلا رمسيه بهدوؤء
أو حتى لو شفتي شي ماعيبج .. لا تصارخين وتزعلين ... بطريقة حلوة نبهيه انج شفتي وانغزيه
الله يهديه ويسخره لج حبيبتي
رد مع اقتباس
