عنوان الموضوع : ابا نصائحكم لتربية طفلك
مقدم من طرف منتديات الضمير العربي

امممم انا متزوجه من ثلاث سنين وعندي ولد عمره سنتين وولد عمره 18يوم
قبل حملي بولدي سقطت مرتين فاضطررت أجيب لي خدامه لان كنت ممنوعه من الحركة
الموهم انه خدامتي الحين بتسافر وأفكر مااجيب غيرها لان ابا اعتمد ع نفسي وأخذ راحتي فبيتي بس محد مشجعني الكل يقول مأبتقدرين اولهم زوجي وأمي وانا مدري شو. اسوي ولدي الكبير يغار ويطق اخوه يعني شايله هم كيف اقدر اقوم بشغل بيتي وانتبه لهم واطبخ وارتب
وزوجي أخاف يتملل لان تعود أني فاضيه له فأخاف اقصر معاه واخاف اصلا ما تحمل الشغل والعيال




فلبيز شورن علي اجيب غيرها او لا واذا لا وساعدوني بجداولكم وكيف تتصرفون فبيوتكم وترتيبها ادري صكيت روسكم وتكلم واجد بس من جد شايله هم وع فكره هي بسافر عقب شهرين او ثلاث وانا فدوله وأهلي فدوله وأهل زوجي بمنطقه ثانيه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انتي جربي فتره بدون اذا ما قدرتي ايبي خدامه
ان شاء الله الحريم يفيدونج ... وبالتوفييييييق ...

__________________________________________________ __________

>>>> الرد الثاني :
يعتمد عليج ،، هل انتي حركيه ام اعتماديه ع الخدامة مثلا هل كنتي تطبخين غدا وعشا يوميا ام الخدامة هل كنتي انتي ترتبين الكلابس ف الكبت ام الخدامة هل انتي تشرفين ع ل شي ف البيت وتدققين والا مخليه الخدامة تنظف ع راحتها ..

عيالهم جم ساعه تخلينهم عند الخدامة؟


هالاساله اذا كانت اكثر شي الخدامة تسويهم فانا اقولج من احين اكفلي الخدامة خخ.، لان من تعود ع الراحة ما بيتحمل الكرف

انا مع ان الحرمة تشتغل ف بيتها بالعكس احسها نعم الحرمه واهي اللي يصلح نطلق عليها ربه بيت بس صدق اذا انتي ما تعودتي من البدايه ما بتقدرين تتعودين عقب..

عقب ما بتوفقين وتهملين ريلج بحجة شغل البيت عليج ،، وانتي ما تبين تفتحين لريللج ابواب انتي في غنا عنها،،


انا فلت رايي وانتي جربي اذا صبرتي حلو واذا لا اكفلي ثانيه

__________________________________________________ __________

>>>> الرد الثالث :
ولدج اللي عمره سنتين وديه حضانه.ونظمي وقتك واعمالك.يعني سوي برنامج يومي.ومثل ماقالت الاخت شوفي نفسج فتره.بتقدرين ولا؟

__________________________________________________ __________

>>>> الرد الرابع :
اذا انتي حابة تعيشين بدون بشكارة بتقدرين
لان الراحة النفسية بدون البشاكير كم تسوى
بالتوفيق

__________________________________________________ __________

>>>> الرد الخامس :
احس ما تقدرين لان شغل البيت مو شوية انصحج اتيبين خدامة