ابي جوابكم وارائكم بصراحه بلييييييز المومة و الطفل

[salima]

عنوان الموضوع : ابي جوابكم وارائكم بصراحه بلييييييز المومة و الطفل
مقدم من طرف منتديات الضمير العربي

هلا بنات

بدش فالموضوع على طول انا عرست تاريخ 31 1 هالسنه يعني صارلي ها خامس شهر لي بس شهرين تميت عند ريلي ما اعرف شو قاعد يصير لي الصراحه ريلي يحبني وايد يدلعني يعني يراعي افكاري وعاداتي الخبله وايد بس اهم شي اني اطيعه عنده وما اعانده بس انا كنت اخبر امي سوالفنا لاني شوي ما اعرف اتصرف فصارت مشاكل وطوينا هاي الصفحه رد من الدوام وانا كان عندي فيس بوك بس ودرته من زمان من يوم ما ملجت فبطلت اربيعتي هاليوم يوم كنه فالجامعه اتجيك وجي لاني عطيتها اياه وانا من النوع الي اعق فوني فاي مكام عادي يوم يقولي ريلي بجوف صور وجي اعطيه احيانا يتمخر على خواتي ويكلمهم انا عادي عندي علاقتنا فريه المهم قلتله فوني ما فيه ارسال مادري شو السالفه وانا ناسيه الفيس بوك اصلن انه مفتوح ولا انتبهت يعني لو انا عندي فغيس بوك وقاصده مستحيل اخليه يمسك فوني المهم جافه وكنت حاطه باسوورد فالفون ويسالنس شو باسج مال الفون وانا اعلمه واقوله جفا الفيس شليت الفون قالي هاتيه عطيته اياه واتصل فاخوي ويا اخوي شلني وهو لحقه ييا البيت واحتشر والمهم انا قلتله كان مالي وما استخدمه الحين لبو ما اتصدق ما في حرامي بيقول انا صرقت اسالو البنت امي وابوي قالوله لو مب مقتنع خل البنيه واتوكل على الله هو قال حق ابوي انا مثل ولد وانا اباها بس ما يكون عندها بيبي 0بلاك بيري) المهم ابوي قال لا تعطيها فون عسبت تتادب وامي كوم ثاني اتقول لا تخليها تلبس بناطلين المهم ردينا البيت نفس اليوم ما تكلمنا ثاني يوم عادي بس اخته طاحت انا اهني اتضيجت من اخته طايحه متشنجه من السكري وهو يالس يعدل الليت يت عمتي اتقوله راح جافها بس شعرها لحق كندورته قعد متجزز ومادري كيف ويوم انا اطيح عادي بيسوي حادث فالطريج عسبت اي ويجوفني ولا يركض اي عندي المهم تاخر وانا ما عندي فون انا واختي ماخذين اخوان اتصله من فون اختي متى بتي اخبار اختك وجي يا الساعه ثلاث يا ورقدنا انا كنت اتكلم وانا راقده ما ادري شو كنت اقول المهم تكلم قال انزين وبعد جان انا اقوم قلتله اتكلم منو حضني وتقرب مني ...........
المهم رحنا بوظبي وياه ورحت شقته كان مستانس ما مصدق اني ييت وياه تراه هو بس ايي ويكند العين كان لدرجت يداوم يرد اييب ريوق يتريق وياي ويرد الدوام مره ثانيه ونطلع فليل كنا عادي المهم ردينا من بوظبي مرت ايام صارت مشكله بين اختي واخوه كبيره لدرجة اخوه مد ايده على ابوي واستوت ضرابه فبيتهم وامي واخواني كانو مسافرين تايلاند ووصلت السالفه اشرطه وانحلت اهناك عاساس ودي واخوي قال حق يوسف لو بتسسوي شؤات اخوك انا اختي اباها مب عيزان عنها قال انا ما يخصني باخوي المهم فليل اتصل باخوي قاله اعتبرني مثل اخوك انا اخاف ياخذون حرمتي مني انا اباها واحبها اخاف اهلك يشلونها قاله اخوي محد بيشلها دامك ما مسوي شي حتى ابوي قالي يلسي ولا تخافين ريلج ريال ولا تعاندين ولا شي المهم يوم ردت قوم امي من تايلاند زرناهم وقعدنا نسولف وجي ورحنا حتى اجز يومين عسبت يقعد معاي المهم راح يوم الاثنين قلتله بروح عند امي قالي روحي هو يكره سالفة المبيت وانا مره رحت من دون شوره عند امي وخلاني عشر ايام وطرشت امه اخوه العود وجي وصلح امينا ومكسن بعد سامحني المهم يوم رحت عند ماما قالتلي باتي عندي قلت حق ريلي ببات قالي لا لو تباتين باتي فالويكند المهم انا رديت يعني ما يباني ابات ما تكلمت وياه فالموضوع رديت فاليوم الثاني اتصل فيه مايرد امسج مايرد المهم اتصلت لي امي عطاني فون نوكيا هو المهم قالتلي شوفيج قلتلها يوسف ما يرد علي قالتلي انا كلمته اليوم حسبالي رقم اربيعيت طلع ريلج وقلتله ليش ما تخلي اميره تبات وجي قال يصير خير المهم يتحسب اني انا قايله حق امي المهم ما رد علي لين الخميس وكنت متحنيه عشانه بعد يا يوم الخميس الصبح طرشتله مسج ما كان ياييني رقاد قالي بييج رقاد رد تم يدق الباب وانا ما سمعت اتصل قالي بطلي الباب بطلت الباب ما كنت كاشخه لاني رقدت وهو باعاده اكشخ له وجي ما سلم علي رديت رقدت ويا هو ورقد نشيت تسبحت طلعت جفته محد طرشت له مسج وينك تعال ولهت عليك المهم طرشلي مسج جان تبيت تباتين بيت هلج اتزهبي انا تضيجت قلت اوك جم يوم ابات يقول كيفج اقوله كيفك انت يقولي يله بسرعه المهم تلبست وطلعت وقعدت فسياره قلتله جوف حناي قالي حلو وتم ساكت ما يتكلم المهم هاليوم انحبس اخوه اختي حبسته لانه ضربها وهي حامل ومد ايده على ابوي وطلقها وعق ملابسها فشارع المهم رحت عند امي اتصل فيه ما يرد علي امتحان الاحد مايرد رد علي السبت فليل يوم قلتله ابا ملابسي وكتبي دامك ما تبا اتشلني قالي لو تبين اتين بييج ولو تبين ملابسج بييب كيفج قلتله لوتباني تعال شلني اونا قررري بسرعه يله قلتله ييب اغراضي يابلي بيجام قمصان نوم المهم رديتهم انا ماباهم قلتله شل تلفونك دامك ما بترد على فوناتي شله قال ع راحتج وقلتله يوم برد البيت برد بكيفي وراح وقالي هاتي باس البيبي مالج ما عطيته المهم راح اتصلت فيه من فون اختي ما يرد اطرش له مسجات ما يرد قلتله اسفه ونحن ما يخصنا بغيرنا ومن هالكلام المهم طرش اكتشفت اشياء وايد عنج قلتله مثل قالي كل شي فوقته حلو قلتله انا صفحه بيضا من جدام وورا اوك طرشلي شخبار خالد عاد انا اهني قلتله جوف جدامك المحكمه واخواني فالبيت عندك شي تعال
مب خايفه وواثقه انا هني (من قبل اتصل فيني قبل ما تصير المشاكل حصلني اصيح وايد قلتله سالفه اني تدخلت بين اربيعتي الزلمه وحبيبتها البويه طبعا ما كنت بويه واحد يشتغل فالكوفي دي ارني بنات الجامعه يعرفونه المهم نحن نعطيهم بروجكتات وجي يجيكون عليهم ونعطيهم بيزات وجي وعندنا رقمه عسبت يوم نطلب طلبيه فهو خاطب هاي البنت من قبل كنت ارمسه بالبروجيكت قالي حلي مشسكلتي وياها انا ساعدتهم وهي اتضيجت ليش اتملمينه ومادري شو انتي معرسه وليش اتخبرين خالد خالد عاد اهني في خالدين الفلبيني الي فالكوفي اسلم وخله اسمه خالد وتوفى الحين ولا مال التوجيه الطلابي كان ينصحني وجي انه مستواي نازل ومن هالكلام المه انا رديت عليها جوفي انا وحده متزوجه ريلي واحبه وما عندي هالخرابيط انزين واتسرين اتخبرين البنات اقول سالي الخبل الي عندج ويخبرج السالفه وانتي وياه دليت من عندي )المهم تم ساكت اسبوع طرشت له مسج واتصلت له من فون غريب رد علي سلمت عليه كان بارد يوم قلتله اشتقت لك تم سااااااااااااااااكت قلتله مشغول قالي فالدوام قلتله ما تفضالي قالي فدوام سكرت المهم بعد يومين طرشت له مسج لين متى بنتم جي ما رد مره طرشت له مسج قلتله انا حلمت اني مريضه والكل عندي الا انت لو صج ما بتي عندي قالي مش كل الاحلام تتحقق عشان جي احلام ويوم اختي طرحت البيبي مسجت وياه تفاعل وياي وعادي حسيت انه صج لو زعلان اونه شاك فيني ما بيسكت بيتكلم او بيطلق على طول تم ساكت المهم مر اسبوع طرشت له ابا اتكلم معاك قالي كتبي كلامج فمسج انا مب فالامارات جذاب النغمه مال الفون عاديه كانت انا قللته واللله تروح وما تقولي قالي انتي تروحين بوظبي والشارجه ومادري وين وما تقولين انا طفرت ابا ملابس قلتله ابا ملابس قالي تعالي شلي رحت بيتهم سلمت عليه رد السلام المهم رحت غرفتي خذيت الملابس تم يدش اكثر من مره المهم كتبت فالمرايا احبك وتميت عند الباب اباه يقولي تمي ما قال ورحت المهم طرشت المسج فليل قلتله عندي رحله وبيسالونك اذا اروح اولا قالي كيفج انتي امبونج تتصرفين على هواج يت على هاذي تم يقولي بعطيهم رقم امج وشاوري امج ما رديت عليه بعدين طرشتله مسج لين متى بنتم جي لو عندك شي تعال اتكلم كلمت اخته كله تقول ساكت ما يتكلم وامه بعد انا بعدين سكت مر اسبوعين طرشت مسج قلتله لو يهمك تعرف عني ولا ما اتعب عمري رد علي قال شو عاد اهني ما عرفت شقول قلت ارتفع معدلي وانا مستانسه ما رد علي وساكت تقريبا كملت شهلاين والحين نص الثالث وانا عند اهلي اهلي ساكتين قالو عنده شي ايي يتكلم نحن ما ربطنا بينه وبين اخوه وما غلطنا هو قطع علاقتهياخواني ويطرش بيسيات سب من يوم ما حبسو اخوه سكتو عنه ومن ايام رافع علي قضيه دعوى طلاق هو هجرني لا مصروف ولا ملبس انا راس مالي زهبتي اهلي ما قصروو الصراحه ابوي عنده ثمان بنات واخواني ما قصرو بس نحن عادي عايشين حياتنا والي فخاطرنا اهلنا ايبون لنا طلعات وجي ويوم القضيه كانت امس جفته راحت وياي امي تريينا وكا ن عندي امتحان لازم اروح زقرته امي قالت له يوسقف قال هلا عمتي قالت له اجل القضيه بنتي عليها امتحان اجل واجل الحين انا احبه واباه الصراحه بس ما اعرف ظلمني هو ولا لا رد يفتش فالفون ماعد كان عنده طول الوقت وانا خبرته السالفه وكان عادي وفجاه رفع قضيه بعد ما كانن يرد على مسجاتي الحين ما اعرف والله شسوي اثر عدراستي وحالتي النفسه وكل الصراحه افيدوني بارائكم والصراحه والله يكتب الي فيه الخير احس انه هو مالي بموت و\لو اطلقنا انا احبه موت وايد بس الله كريم ............................................

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

والله مادري شقولج

مادري ليش ريلج سوى جي وشكله سالفة اخوه أثرت عليه

ويمكن يوم سرتي عند اهلج نفس الشي تضايق وكبر الموضوع

انا اشوف ان حد من اهلج ابوج او اخوانج يعزمونه فالبيت ويشوفون شو فيه

ويحاولون يصلحون الموضوع وان شاء الله تردون مثل قبل واحسن

الله يسعدج يارب

__________________________________________________ __________

>>>> الرد الثاني :

الله يعينج ويصبرج والله يهديه

__________________________________________________ __________

>>>> الرد الثالث :

احس يالغلا انتي بعد غلطانه كيف تروحين بيت اهلج كنتي مفروض ماتسيرين وعرفتي من رده يوم قال كيفج يعني زعلان
كنتي مفروض اتمين وياه وتاخذين بخاطره

السالفه مب هي سالفه اهلج عيزانين او لاا السالفه الطلاق مب هينه فكري بعقلج

مثل ما قالت الاخت ترانيم المحبه رمسي اخوج او ابوج خلهم يعزمونه البيت وقعدي وتكلمي وياه

ترا العناد مايفيد والحياه الزوجيه فيها تنازلات

واذا عن سب ترا هو بعد غلطان بس تعرفين مافي انسان يرضى اخوه ينحبس يمكن متضايج وزعلان كان

لازم تحلين المشكله واذا يا قعدي كلميه لين توصلون لحل وكلا ادعي الله يحنن قلبه عليج ويهديه والله يصخره لج يارب

__________________________________________________ __________

>>>> الرد الرابع :

امين الله يسمع منكم اهلي بعد ما خذينها اقوللهمسالفة كرامه ومادري شو واذا شافوني متضايجه ومادري كيف ما فييج كرامه وهو تايحنج كيف عيشي حياتج وانسيه انا توني دشيت العشرين واكون مطلقه والله حرام ويوم سالفة الفيس بوك قال اخوي لو انتي حرمتي بطلقج وريلج ما في منه ينشرى بفلوس والحين اطلقي ومادري كيف بس كيف الحين هو رافع قضيه ويوم جفته فالمحكمه كان كاشخ حسيته مرتاح تميت اصيح وتاجلت عسبت امتحاني ادعولي الله يوفقني فدراستي ويحن لي والله يهديه

__________________________________________________ __________

>>>> الرد الخامس :

حبيبتي اكثري من الاستغفار دائما فكثير من المشاكل والهموم بسبب ذنوبنا ومعاصينا وتقصيرنا في حق خالقنا اغسلي هذاكله بتوبه وكثرة الاستغفار
والحياة يبغالها تنازلات لاكن بلحد الي ما يهين وينزل من قدرك لان الطلاق صعب
الله يسخركم لبعض ويجمع بينكم على خير