عنوان الموضوع : قولولي شسوي تعبت لتربية الطفل
مقدم من طرف منتديات الضمير العربي

ما اعرف من وين ابدااول شي انا متزوجه من 5 شهور انا وحيدة امي وابوي بس هم انفصلو وكل واحد فيهم تزوج وريلي كل يوم انصدم فيه ندمت اني عرست يعني انا عرست عشان افتك من شر ابوي ومرته وايد عذبوني الصراحه ابوي كان معترني خدامه عنده وعند مرته وكله اهانات وتكفيخ وضرب ابوي ومرته بروحهم سالفه تعبت نفسيا من بيت ابوي يعني تخيلو انا كنت عايشه عند امي من صف 4لين ثاني ثنوي كنت مرتاحه مره باجازة الصيف كنت عند ابوي وبعد كمن يوم بتنفتح المدارس ثالث ثنوي وبنت ريل امي اعتبرها اختي وريلها كانو بيمرون علي ابوي عصب انه ليش هم يمرون علي عزكم الله انا كنت نايمه وجان احصل هاك الطراق وقالي خلاص انتي بتعيشين عندي يعني حرام اخر سنه وانا اعرف بيت ابوي كيف لاني يوم كنت صغيره كنت عنده والله انه كل البنات يستانسون انه بيًردون البيت من المدرسه وانا اصيح وانا فروضه كان يخليني اسوي جاي حليب وبالغلط حطيت ملح جان يصبه ع ايدي حار والله كان يعذبني بيتنا كبير كان يربطني بالشيره برع الحوي بنص اليل يقولي نامي واحيانا يفرشلي دوشك برع وكان عندنا ملحق مهجور وكنت تحت الحاف اسمع اسواط واموت من الزيغه والله كان حتى ايب ايدي ويطفي الجقاره ع اصابعي ويحرقني ويوم امي اتي صوب الباب خمس دقايق بس ويسحبني وامي كانت اتيبلي العاب هو كان ايمعها ويحرقها جدامي والله اشياء وايد كان يسوي استحي اكتب والقهر انه كل الي فالمدرسه يعرفون سالفتي انا كنت استحي بس كل يوم عيوني مورمه من الضرب وجسمي مقطع ومزرق يعني لما رجعت عنده رجع كل شي يخليني اذاكر لولده وكله شاله بنته واغسلها وانا مول ما اذاكر من نفسيتي وكنت علمي بس الحمد الله نجحت وفي الكليه يعطيني خمس مصروف تخيلو ابوي مب انه ما عنده عنده كل يشتري لبنته ومرته ماركات وحاله وذهب وانا ولااااااشي بس عمتي كانت تعطيني بيزات عيديه او زكاه 5 تالاف ابوي يخليني انا افصل واشتري ويحاسبني عليها بعد المهم عرفتو حالتي فبيت ابوي كل الي يخطبوني ابوي يرفضهم اخر شي خطبني ربيعه عمره26 ووافقت عشان افتك تخيلو لما ملجنا وخذه رقمي مول ما كان يتصل اول يومين وبعدين لو اتصل يكلمني 5 دقايق ويسكر يعني استغرب من ريايل الباجين كيف ويوم خذلي بلاك بيًري استغربت انه حاط حذال نكه حرف وقلب مب حرفي ولا حرفه جان اخبر اخوي من ام ثانيه يستوي ربيع ريلي بعد توقعو شو قال قالي انا احسه انه خذاج عشان مصلحه لان نحن عايله معروفه ولنا مكانه قلت ما عليه بيتغير او يمكن اخوي ما يعرف لما سالت ريلي تم يتعلث بشاء ما يخصها تميت هالحاله لين تزوجنا تخيلو ما سفرني ولا وداني مكان وداني بيته قلت ماعليه طول شهر العسل الي هو شهر البصل من العصر يطلع اي بليل ينام ع اساس يسير شركته وبعدين غير عن الريايل يعني تخيلو فشهر العسل تقرب مني بس 4 مرات يعني ما يحس ومول ما يكلمني بارد وكله طالع ويا ابوي وكل يوم نفس الحاله يتم نايم للظهر وبعدين يتغدى ويطلع لين الساعه 12 ومن عرسنا طلعني 6 مرات بس وانا حامل 4 شهور وتخبلو هو بفراش وانا بفراش يقول انه ما يحب وكله يشك فيني وحاط كيمرات بالبيت اونه ع اساس الخدامه بس ادري جاك فيني وامي باماره ثانيه ما يحب يوديني غير 3مرات بس وكل شي يصير بينا يخبر ابوي اونه يقوله انت كنت تودي بنتك الصالون وفكل شي مدخل ابوي حتى بعلاقتنا احم تعقت والله ما اعرف شو اسوي لو تكلمت ما بخلص انا وحيده ربعي ما يخليني اكلمهم قبل انتحرت 4 مرات تعبت من حياتي الي مالها

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
يا حياتي الله يفك كربتج و يحنن قلب أبوج و ريلج و يعوضج خير بالبيبي

__________________________________________________ __________

>>>> الرد الثاني :
الله يعينج حبيبتي ويصبرج على ما بلاج
وخلي ايمانج بربج قوي ولاتفكرين تنتحرين عشان حد وتطلعين من رحمة الله
قوي علاقتج مع ربج لانه مافي سعاده ورضا وراحه بتحصلينها إلا برضا الله
والله يقول وبشر الصابرين الذين إذا إصابتهم مصيبه قالو انا لله وأنا اليه راجعون
وعسى الله يهدي ريلج ويسخره لج

__________________________________________________ __________

>>>> الرد الثالث :
حياتي والله عورتي قلبي صراحه ماتخيل كيف كنتي مستحمله هالشيء كنت اسمع عنه بالأفلام والقصص او الروايات بس بالواقع هو موجود ...... شوفي بقول لج شيء فوضي تخرج لربج وان شاء الله بتفرج .......لاتقولين انا او غيري بيفيدج صح نحن بنعطيج نصايح وان شغلي نفسج ودخلي منتديات وتسلي ودام انتي بعيده عن سيطرت أبوج حتى لو يخبره كل شيء خليه يقول ليما متى ؟؟؟؟؟؟؟؟ يعني انتي بهالريل تخلصتي من شيء اساسي الظلم والضرب والمعامله السيئه وبدأت معاناه ثانيه ريلج وتواصله ويا أبوج انتي حاولي تتحملين ريلج احس رغم عيوبه بس أهون عن أبوج وان شاء الله ربي بيرزقج بطفل بيشغلج عن ريلج ويمكن يقرب ريلج منج ويحنن قلبه عليج *

__________________________________________________ __________

>>>> الرد الرابع :
الله يفرج همج ويزيل غمج ويجعل ايامج كلها خير وسعادة ياربي وعليج بالدعاء والصبر ولا حول ولاقوة ألا بالله وحاولي تكونين لينة ويا ريلج يعني حاولي تتقربين منه بالكلمة الحلوة والاسلوب اللين والرفق تعرفين شو معنى الرفق يعني خليج دوم تتعاملين وياه بهدوء ورحمة وكل ما اساء لج حاولي تنسين وتذكر اي شيئ حلو وشوفي شو الاشياء اللي يحبها وسويها له بالبيت شوفي شو يحب ويهتم فية واقري وثقفي نفسج باللي يهمة وحاولي تناقشينة بكل مواضيعة مرة بعد مرة بيتغير الوضع وبتلاحظين انه بداء يرمسج ويتغير وحاولي قد ما تقدرين ما تكونين حنانه ابعدي عن هاي الصفة صت الحن والزن اهي اللي تنفر الريال وشيئ ثاني لا تحاولين مهما كان مقصر انج تقولين له في ويهه جية او حتى تحسسينة بالعكس دوم خليج قنوعة شاكرة لك لو غلط لو قصر واذا في قلبج شيئ رمسية بهدوء وبابتسامة وبدلع ودوم ودوم خليج هادية دلعية حتى لو صدج في بداية الامر صبري ومع الايام اذا صبرتي وصرتي انثى ايجابية كل شيئ سلبي في ريلج نسيتية وحطيتي قدام عيونج بيتي هو المهم واتخذتي طريق الرفق والرحمة والاسلوب اللين اللي مليان حنان مع زوجج صدقيني وماشاء ولا قوة لا با الله بيرد لج وبتتحسن احوالج وتذكري حتى لو عانيتي بداية هالاسلوب وحتى لو تعبتي وانت تعدلين نفسج واسلوبج وانج مع الوقت بتتغيرين للاحسن وبكتسبين ريلج وبيتج اللي ياج كفرج من الله سبحانة وتذكري انج عايشة مرتاحة بيتج ولا زم تحافظين علية

__________________________________________________ __________

>>>> الرد الخامس :
حبيبتي والله عورتي قلبي ان شاءالله الله بيعوضج خير في البيبي
بس انتي عودي عمرج اتقولين ( صبرا جميلا والله المستعان )
وربي يسر كل امورج نفس ما انتي تبين