عنوان الموضوع : السلام عليكم بنات ..........ابى رايكم فى مشكلتى بدون تجريح رعاية الاطفال
مقدم من طرف منتديات الضمير العربي

السلام عليكم ورحمه الله وبركاته


انا ريلى طبعه صعب وانا متحمله وساكته بسبه اولادى لانهم اغلى شئ عندى وهو مب الانسان السئ بس لو زعل خلاص هد البيت فوق حدر ويجلس ممكن شهرين ما يكلمنى وينتظر انى اراضيه وانا انجبر لانه اولادى يكونون مقهورين من الوضع ويضغط عليهم حتى يقهرنى ويقسى عليهم عنادا فينى لكن انا ما اقول انا اسفه بس اكلمه واخلص اى مشكله واعاتبه ويوعد ولا اشوف شى ومتحمله ومااقول غير الله يحفظ لى اولادى


هى نبذه مختصره .........من فتره كنت اكلمه جتله انت ليش ما تشل اللحيه يعنى تحلقها لانها طولت وشكلها مهب غاوى لانه ما يتركها تدين لالالا لو هالسبب والله ماكنت اكلمه ولا كنت طلبت هالشى المهم هاوش وانتى شو تبين انا مااريد احلقها ما عندى مزاج
جتله انا اريدك تحلقها طلب منى لها الدرجه ماعندى خاطر عندج انا دوم اسوى كل الى تباه وشعرى اخترب من الصبغات بس عشان ترضى عصب وسواها سالفه هو بعدة كمن يوم مسافر عنده شغل فى اوروبا جتله انت لزوم بتحلقها يوم تسافر ليش عشانى ماتسويها طبعا استهبل وقال لالا ما بحلقها جتلها لا تقول كلام ماتقدر تنفذه وكنت اكلم عادى وابتسم ومو معصبه موليه

جان يقلب انتى تقصدين انى مهب ريال وارجع فكلامى وووووو وما خلصت بذمتكم انا غلطت بشى بس اريد الصراحه بدون تجريح

لانه حسسنى انه سويت الى ماحد يسويه وانا بخبر ابوج بالى تسويه جتله خبره والله مابيسكت لك انا ماغلطت ومن سعاتها مول ما يكلمنى انا خلاص تعودت على الهجر مليت بس هل انا غلطانه ؟؟؟؟؟؟؟؟؟؟؟؟؟؟؟؟؟؟؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يهديه

و يعينج

ما أقدر افيدج لأني هب معرسة الحريم إن شاء الله بيساعدونج (:

__________________________________________________ __________

>>>> الرد الثاني :
"لا تقول كلام ما تقدر تنفذه" عادي عندنا نحن البنات أما الريال يفهمها غلط وان انتقاص من رجولته انه ما يسوي اللي يقوله

زوجج عنيد وما يحب الأوامر مع انه حياة الرجل والمرأة مشاركة وأخذ وعطا
انتي تنصحين وهو يسمع والعكس هو ينصح وإنتي تسمعين

حاولي ما تطلبين شي منه بأسلوب الطلب أو الأمر

مثلا بخصوص اللحية مستحيييييل بيسافر وهو مو مرتبهم كنتي تقولين له بتلحق اترتب لحيتك؟ بيكون عندك وقت عسب يحط في باله انه لازم يسوي هالشي

اعرف في اللحظة نفسها ما يخطر في بالنا انكلمهم بالأسلوب اللي يناسبهم
لكن حاولي
وهالمشاكل تستوي بنفسج قلتي ها طبعه بس حاولي انج تتغلبين على طبعه
والله يحفظكم ويوفقكم ويخلي لكم عيالكم ان شاء الله

__________________________________________________ __________

>>>> الرد الثالث :
اسمحيلي فديتج اكيد غلطتي.. يعني ريلج من سنين وتعرفين طبعه اول كلمة كتبتيها بالموضوع ( انا ريلى طبعه صعب).. كيف تقولين له : ( لا تقول كلام ماتقدر تنفذه)... حتى لو قلتيها وانتي تعطينه هدية والا تحضنينه.. مستحيل يطوفها...
يقولون نحن الحريم وايد حساسات.. بس والله انا من تزوجت اكتشفت انه الريال لو عقيتي عليه كلمة وانتي تمزحين وهيه اصلا في باله على طول يفسرها جد.. ولو كنتي جادة يعتبره مزاح..

اعتقد انتي فاهمة شخصية ريلج حاولي تتجنبين الكلام اللي فيه عناد وفيه شي يضايجه.. يعني مثلا هالموقف اللي صار بينكم: كان المفروض تقولين له اللي بخاطرج انج تبين تشوفينه واللحية مرتبة.. ( ما تقولين شكلها مب غاوي - هاي الكلمة اكيد استفزته مع الاسلوب).. ووقتها اذا حسيتي انه ما يبا يرتبها.. خلاص قولي له: اصلا انت شو ما سويت حلو .. وبعيوني انت الاحلى .. وانتهى الموضوع..

حاولي مرات تصلحين اخطائج بنفس الوقت.. والله يهدي بالكم

__________________________________________________ __________

>>>> الرد الرابع :
خلاص ااي شي فيه لاتقوليله ولاتبدين رايج دامه ما طلب منج طنشي حبيبتي في رياييل ما يبالهم الا التطنيش

القرب منهم هلاك ونار انا اعرف وحده شيه ريلها يدور اي مشكله عشان يسوي حشره ,,,,

ادي واجبج كزوجة بكل مافيها واستغفري ربج ومصيره يوم يهدا واذا هو معصب لاتناقشينه

وربي يهديه لج

__________________________________________________ __________

>>>> الرد الخامس :
الله يعينج ختيه