عنوان الموضوع : ÷ خليه يشتاق ، ليه إنتي المشتاقـة ÷ رعاية الاطفال
مقدم من طرف منتديات الضمير العربي

السلام عليـكم ورحمـة الله
صباحكم ورد و فل و ياسميــن



الموضوع هو من الموضوعات الهامة في حياتنا ، ويهم كل بنت مخطوبة / مالجـة أو متزوجة
و متعلقة ف ريلها لدرجة تزعج و تنفر الريال من حرمته

أتمنـى من الله أن ينال إعجابكم ؛ ويحوز على رضاكم و يفيدكم


" خليه يحتاجلـك "

" خليه يشتاقلك "

" خليه يفتقدك "

؛ لا تلحقينه ولا تدشين ف أخلاقـه ؛

: بإلحاحك الدايم الرجال ينتقدك :

÷ خليه يشتاق ، ليه إنتي المشتاقـة ÷

{ صمتك ، هدوئك ، جمالك ، ملبسـك ، عقدك ، غيبتك عنه }

هي اللي تفجر أشواقه

إعفيه من لهفتك ، و إعفيه من حقدك

حبك و صده ؛؛ يحدونك على إحراقه

مقطع من القصيدة



وايد مواضيع و مشاكل تستوي بسبة الخطيب أو الزوج كان ف البداية مهتم و عقب بدأ يقل هالإهتمام
لأسباب كثيرة ( إنشغاله ف دوامه ، مع أهله )
و اللي متعودة على هالإهتمام بتحس ف مشاعر و اشيا غلط ومب ف محلها

بتفكر انه ما عاد يحبني مثل قبل، و يبدأ الشيطان يوسوس أكثر

طبعا" المتزوجات ينصحون ( خلي ريلج على راحته ولاتزعجينه ف كل شي )
( عطيه مساحة يتنفس و يشتاقلج )

وفعلا" كلامهم صح، لكن وين اللي تطبق هالشي او تقدر تسويه !!

نبا دعم المتزوجات الخبيرات ف هالشي يساعدن المخطوبات او المالجات او المعرسات يديد
شو يسون ف هالحالـة

كان يهتم و كان يعبـر ف كلام حلو
كان يرمسني وايد
كان يطرش مسجات غزل
كان يتصل و يطمن
كان
وكان
وكان

و احين انشغل ونسانـــي

المالجة / المتزوجة شو تسوي
كيف تمنع نفسها تزعل و تضايج و تستحمل
كيف تغير من نفسيها لأنه هالشي صعب وايد عليها اذاتعودت عليه من البداية و تغير الريال عقب

واكيد ينفر الريال اذا تمت تحن ( ليش ما تتصل مثل قبل تطمني عنك ، ليش ما تهتم فيني مثل قبل )

كيف تخلي ريلها يرد مثل قبل بدون حنه و مشاكل و زعل ؟؟

نترياكن يا خبيرات

الموضوع إجتهادي الخاص ومب منقول، أتمنى عند النقل ذكر المصدر


وهكذا لكل بداية نهاية ، وخير العمل ما حسن آخره وخير الكلام ما قل ودل

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا اختي.. موضوع مهم فعلا..
من خلاال اللي اشوفه حوالي من المتزوجات.. اللي اشوفها واثقة من نفسها وعندها حياتها الاجتماعية ما تهتم وايد بانشغالات الزوج.. تلقينها حتى لو ما تشتغل.. تهتم بنفسها وبيتها وبالعلاقات الاجتماعية.. هي طبعا مهتمة بزوجها.. بس مش تكرس حياتها ليل ونهار حقه..
انا بعدني ما تزوجت.. بس احب يكون لي حرية شوي.. واحس اختنق لو حد ضغط علي اكثر من اللازم.. فأمل من الشخص .. كيف الريال.. اللي اصلا حريته اكبر.. وطبيعته غير..
اكيد بيختنق من وحدة مجابلتنه 24 ساعة.. سواء في بيته او على التليفون..
الزوجة لازم تعطيه مجال يشتاقلها.. واذا هي واثقة فيه.. بتعرف انه مهما يروح او يشوف.. محد في قلبه غيرها..
بس مش تهمله بعد.. فيروح يدور الاهتمام برع البيت..
لازم فيه موازنة.. والزوجة الذكية هي اللي تعرف طبيعة زوجها.. و"كمية" الحرية اللي يحتاجها

__________________________________________________ __________

>>>> الرد الثاني :
مشكورة عالطرح عزيزتي

__________________________________________________ __________

>>>> الرد الثالث :
انا عجبني كلام الكتور طارق الحبيب في هالمجال. و طلعت مقابلاته من اليو تيوب و استفدت الكثير
لازم من فترة الخطوبه ( او المفروض) انه الطرفين يدرسون بعض و يعرفون شخصيات بعض.
لانه في شخصيات ممكن تتماشى مع بعض و ممكن لا

و نفسية الزوج كيف الزوجه تفهمها و نفسية الزوجه كيف الزوج يفهمها


كيف اتخلين الزوج يعيش عزوبيته في حياته الزوجيه و انتي بعد يكون عندج مساحتك الخاصه فيج...

انا بديت الحين اقرا الكتب و اتابع المحاضرات عن الحياة الاسريه و الزوجيه و بديت اتفهم كثير من المواقف و كيف كان ممكن احلها باسلوب افضل.

__________________________________________________ __________

>>>> الرد الرابع :
مشكورة على الكلام الرائع

__________________________________________________ __________

>>>> الرد الخامس :
حلووو كتيررر مشكورات خواتي .....