عنوان الموضوع : تعبت رعاية الاطفال
مقدم من طرف منتديات الضمير العربي
ااسلام عليكم يالسة افضفض مب اكثر بنات انا توني والدة من شهر و عندي غير الرضيع 3 اطفال الكبيرة ست سنين و نص المهم بشكارتي سافرت تمت تصيح امها مريضة في المستشفي و قالت بترد انشالله تكون صادقة تخيلوا توني مربية و ايلس اراكض ورا اليهال و اغسلهم و البسهم و سهر مع رضيع و تعرفون اليهال يخيسون ما يخلون شي نظيف انهد حيلي و انا انظف وراهم حتي مب رايمة اسوق السيارة منو بيود الرضيع يزاه الله خير ريلي يساعد شوي لكن هو احازة و طبعا كل يوم لازم يطلع ما ينلام الريال ما يقدر ييلس في البيت من كثر الاجهاد و التعب التهبت الخياطة و سرت العيادة و للحين اتعالج و الاسبوع الياي بسوي عملية كي لان الخياطة التامت غلط و ما عندي خوات عسب يساعدوني يوم اسير العيادة تخيلوا انقع ريليي و اليهال في السيارة لين ما اخلص مافي حد يساعدني في الصغار انا تبهدلت والله ابغي اسير الصالون و ابغي اشتريلي اغراض مب ملحقة ادعولي الله يعيني ايلس اصيح من كثر الصغط اللي فوق راسي صدعتكم سامحوني
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يعينج يا اختي انا مريت بنفس ظروفج فعلا تعب عضوي ونفسي
ربي يعينج ويقويج
__________________________________________________ __________
>>>> الرد الثاني :
الله يعينج حبيبة قلبي انزين خذي لج خدامة مال البارات تايم نظام الساعات اتيي لج ٣ ساعات او ٤ ساعات في اليوم و العيال حطيهم عند حد من الأهل و سيري الصالون و ردي
انا لماربيت ريلي ما كان يظهر من البيت حليله لانه اول ياهل و كنت مسويه قيصرية و تميت تقريبا ٩ شهور عند امي
__________________________________________________ __________
>>>> الرد الثالث :
الله يعينج يا رب ويسهل امرج
وكله بأجره فديتج
__________________________________________________ __________
>>>> الرد الرابع :
الله يعينج اختي.انتي من وين ؟ انا بساعدج لاني حاسه ومريت بنفس الظروف.الله يعين؟
__________________________________________________ __________
>>>> الرد الخامس :
انا بعد عندي ولدين وتعبانه من غير خدااامه
رد مع اقتباس
