عنوان الموضوع : اكره ربع ريلي ... المومة و الطفل
مقدم من طرف منتديات الضمير العربي

السلام عليكم

الصراحة خواتي ما اعرف شو اقولكن وكيف ابداء بالمشكلة ...

خواتي انا احب ريلي وهو بعد يحبني وايد ويحترمني وما يقصر فيني

بس اللي يعكر صو هالاجواء :

اولا انا احب الطلعات خارج العين احب التسوق احب اطلع وابات ويا ريلي برا البيت

بس هو الله يهدية مزاجي وايد ... يوم ابا اظهر لازم اقولة من فترة ... ولازم اذكرة ... ولازم يكون هدف للسيرة ... ونااااااااااااااااااااااااااادرا ما نبات برا البيت .

بس اذا قالوله ربعة انهم بيظهرون مكان او بيسيرون كشتة او ( بيسافرون )

يكون جاهز ومستانس ...و ييلس وياهم بالساعااااات

مع اني والله كل مرة اسويلة حركة في البيت وفي شكلي وفي حياتنا ...

اليوم كنت اصيح على هالسالفة ...

كيف اصارحة ... كيف اقولة اني انا ربيعتك مب هم .... ؟؟؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
نحن ما نظهر كل يوم

وحتى لو ظهرنا ... احس يكون مستعيل على الردة

__________________________________________________ __________

>>>> الرد الثاني :
انتي مثل حالتي ، ريلي ما يحب يبات برع البيت بس يطلعني بين فترة و الثانية ما يقصر، بس اللي مغصص عليي و مخرب حياتي ربعه العزابية، يتصلون اخر الليل و ريلي يرد عليهم و عادي يطلع و يسير عندهم مع اني اعرف وين ييلسون و منوا ربعه، بس هالسالفة وايد مأثرة فيني و اتم اصيح الليل بطوله و كلمته كذا مرة و وعدني بس ما في فايدة.

__________________________________________________ __________

>>>> الرد الثالث :
الغالية

أكره ما على الريال حد يضغط عليه...

حاولي تتفقين ويا ريلج على جدول خاص فيكم..

مثلاً ها الأيام يخصصها لج وأيام يخصصها لطلعاته ويا ربعه.. وأيام لهله ولهلج.. وشي..

واتفقوا فيما بينكم على ها الجدول ...

طبعاً بالطيب والدلع والحب.. واثقلي.. الريال إذا حس إنج مب مهتمة بيهتم بالأمر ، والعكس صحيح..

والله يوفق مبينكم ويسعدكم أجمعين

__________________________________________________ __________

>>>> الرد الرابع :
والله لو يدرون انه نحن اقرب لهم من ربعهم ... بس شو نسوي يختي

والله انا مرات اقول براية يقضي وقته ويا ربعة و خصوصا وقت الاجازات بس احسهم يستغلون طيبتنا

اتصدقين اني سمحت له ايسافر مرتين مع ربعة ... لاني احب اشوفة مستانس وسعيد ...لانه سعادتة من سعادتي

بس مرات اقول الريايل يستاهلون وحدة تظغط عليهم و اتظاربهم عشان يقدرون اللي نسوية حقهم

__________________________________________________ __________

>>>> الرد الخامس :
مشكورة اختي ام محمد

انا سويت هالشي وقال انتي تظغطين علية بهالجدول !!!

والله احترت

محد مثلي طيب و ما يحب يظغط علية