عنوان الموضوع : عطوني حل وارائكم ف الموضوع رعاية الاطفال
مقدم من طرف منتديات الضمير العربي

صباح الخير والورد والفل والياسمين

والله مالي نفس حتى انتقي الكلام الحلو لكم وابدا موضوعي
المهم انا متزوجة من 7سنين وزوجي من العايلة
وتقريبا في ود وحب من بينا من فترة الخطبة ولحد الحين
وعشنا مع بعض ع الحلوة والمرة وهو كريم ومايقصر وياي ولا ويا غيري
بس شي واحد اللي مضايق فيني من اول ماعرسنا للحين
هالشي حاولت اني اغيره فيه لكن للاسف ماقدرت
الموضوع انه مايطلعني لا في اعياد او غيره
في بداية زواجنا كان ماعندنا سيارة وماكنت اطلب هالشي منه مراعاة لشعوره
وبعدها استوت عندنا سيارة قام يتحجج ان الراتب مايتم منه شي وفعلا لانه ديونه كانت وايد واقوله مب مشكلة مالازم نسير لمكان معين انا راضية نتمشى بالسيارة بس حتى مابطلب اشرب ماي
بعد ماصار اللي اباه
ويوم زادت الرواتب وخلصت الديون صار عندنا ولد وكنت اقوله طلعنا شوي
يقولي انا ماقدر اروح مولات وحدايق اذا تبين بنمشي لسوق اليمعةف مسافي ونرجع اتخيلوا كنت اوافق واقول احسن من لاشيء
المهم بطول فترة زواجنا
مرتين طلعني فيهم بتنا بفندق ...اربع مرات دبي
ورحنا الشارجة خمس مرات نسلم على الاهل
وطبعا كل هالطلعات لازم قبلها ضرابة وخناق وكلام وعلام ينتهي باني اتم اصيح ونفسيتي تدمر
ساعات افكر انا شو سويت عشان انه مايفكر يطلعني من نفسه
والله العظيم اخواني من النوع اللي يحبون الطلعات والجشتات ويروحون السينما ويودون عيالهم الالعاب ويقعدون برع البيت باليومين والثلاث ويسافرون
بس انا ليش حظي جي ماعرف يوم بفتح الموضوع بيقول انا ماحب اروح مولات ولاسيرات دبي وغيرها يكفيني الخط للدوام
بس يحب يطلع يشوف ربعه ويتجشت وياهم ويتمشى بالسيارة وياهم
انا عندي سيارة واطلع فيها اقضي مشاويري وعيالي بعد ماياست طلبت اتعلم السواقة بس بعد ابغي احس اني حرمة وعندي ريال يخفف عني ويطلعني
شو الحل كل عيد اقضيه بالبيت مع بنتي وولدي او فبيت اهلي او اهله
يعني من بيت الشاه لبيت الراعي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
أنا ما عندي حلول بس يتني فكره ، إذا يه يوم وطلعكم إمديحه وقوليله يالله اليوم إمطلعنا وإمونسنا شكلك تبانا نفرح ، كلام بسيط بس الرياييل يحبون تفخينهم ، لا تقولين خير بطلعنا ، أو ما صدقنا أو من وين طالعه الشمس ,,,,,,, بس مديح بس

__________________________________________________ __________

>>>> الرد الثاني :
والله الحال من بعضه حبيبتي انا ما اترياه ايودني مكان اشل بنتي وأسير ويا أهلي الفنادق أو أتمشى وياهم ف المولات جني مب معرسه صح اني اتضايج وما احس عمري معرسه بس شو اسوي ما اعرف كيف اخليه ايطلعني اذا لقيتي حل قوليلي

__________________________________________________ __________

>>>> الرد الثالث :
من رايي لو ما طلعتي ليسن كان أحسن
لأنه بيقول عندها سيارتها واي مكان تباه بتسير له
حسسيه انج بحاجته وان الطلعه من دونه مب. حلوة ومن هالكلام

__________________________________________________ __________

>>>> الرد الرابع :
هلا حبيبتي
انتي تقولين انه مو مقصر و اموره طيبة و هو جدا اوك وياج
انا صرااااحه. لو الريال كل هالشي فيه. ما بكبر سالفه انه ما نطلع ويا بعض ولكن بخلق طرق انه نطلع بدون ضرابة
اذا هو من النوع البيتوتي الي ما يحب الاختلاط و اكتشاف شغلات يديدة. مب لازم يتغير عشانج
اي شي فالحياة استعمليه بشكل ايجابي وليس سلبي
انا كنت احيانا احط في بالي انه لاااازم كل اسبوعين نطلع مع بعض. و نفس ماقلتي نطلع بعد ضرابه اذا انا اصريت
فاطلع وانا على اعصابي و مالي خاطر فالطلعه و كل الطريق. ساكته و اذا نزلنا مول. عدلي تغطي سوي افعلي
اكره الطلعه والي فيها
زاااايد اذا دخلت مكان ما يحب يطول فيه لين اختار براحتي

صرت اقول يوم يكون هو يبا يطلع بطلع و يوم ما يبا
فصرت استاذن يوصلني و ادووووور بروحي استااانس اكثر ادخل محلات و انا مو وراي حد يقرقر فوق راسي هههههه
اطلع من زوجه اخوي
نروح اي مكان.
يوم اطلع مع ريلي مااتم معاه الطلعه
اول ما ندخل المول نفترق هو يروح الرجالي او يجلس في كوفي وانا اعيييييش حياتي فالمول
وكل ما نتجابل فالمول فالصدفه اقول ياخي روح مناااااك ههههههه
و تكون الطلعه حلوة بدون ضرابات و مشاكل

__________________________________________________ __________

>>>> الرد الخامس :
انا ريلي لايكشتني ولايطلعني وحتي اغراض البيت اغراض العيد اغراض المدرسه لبنته بنتها مريضه للا يوديها العياده كل شي علي راسي بروحي ماادري شو انصحج ولا انصح عمري الله كريم بس