عنوان الموضوع : هل أنا غلطانه ؟ أم لاء لتربية الطفل
مقدم من طرف منتديات الضمير العربي

هلا بنات شحالكم عساكم طيبين ..
حبيت أقولكم موضوعي لأنه بصراحه ؤايد مضايقني لدرجه أني أكتب و فيني صيحه
ريلي مد ايده لي للمره الثانيه و أنا ما بي أرؤح بيت أهلي علشان ما أبي أكبر الموضوع جوفو سالفتي وجوفو هل أنا غلطانه أم لاء .. قبل أسبوع كان في عرس بنت عمي يعني أخته أنا ما خذه ولد عمي إلمهم قالي لا ترقصين ههههه و جي لأني أغار قلتله إوكيه و يوم العرس تشجعت و رقصت و يوم رديت البيت سالني رقصتي من الربكه قلت لاء و سألي مرتين ف نفس الوقت و جاوبت لاء أدري أني جذبت بس حبيت أقوله يوم يكون رأيق عل الآخر المهم بعد أسبوع كان راد من بيت عمي يعني أبوه و قالي لهدرجه خايفه مني قلتله ليش قالي أنا شو سألتج يوم رديتي من العرس قلتله ؤايد فأضي تراك مسك كتفي و قالي منو الفاضي أنا تميت منزله رأسي لأنه قبلها واعدني ما يمدها ف قلت له و شو صار الحين رقصت و خلص العرس لا تم تصدع ف راسي قالي إيوا شرايج أتيين و تصفعيني قلت لو زين تخيلو ظربني ظرب و ربي عورني حححيل و تميت إصارخ صوت عالي و أقوله اسفه من كثر ما ظربه يعور وهميته و هدني ..
و الصبح يا من الدوام على طول نام فهل اتجفون أنا إلي أعتذر و لا هو و هل أنا غلطانه و لا لا <3

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انتي غلطتي بانج جذبتي عليه
وهو غلط يوم كبر الموضوع ومد ايده عليج
عن موضوع الضرب مابعلق غير ان
الموضوع مايسوا
المفروض مايمد ايده عليج

__________________________________________________ __________

>>>> الرد الثاني :
اختي
الصراحة انت غلطانة اسمحيلي اني اقولج غلطانة ولاىتزعلين مني

ريلج قالج لا ترقصين ، المفروض لاترقصين . وثاني شي ردج عليه نرفزه . استفزيتيه

وانا اقولج استهدي بالله ، ومافي داعي انج تروحين لبيت اهلج واتكبرين السالفه ، بين الازواج يصير اكثر واكثر ومب لازم انخبر الاهل عن اسرار بيوتنا

اسمحيلي واتمنى ما اكون ضايقتج بكلامي

__________________________________________________ __________

>>>> الرد الثالث :
بس حاولي تقوين شخصيتج
ويوم يضربج ماتسمحين له
بس انتي كنتي تعتذرين وهو يضربج ..

لاتعطينه فرصه

__________________________________________________ __________

>>>> الرد الرابع :
اتوقع البنات والحريم بيقولون انتي غلطتي وانتي وانتي وانتي
ماعليج من هالكلام
مافي بني ادم مايغلط
بس ماتوصل للضرب

__________________________________________________ __________

>>>> الرد الخامس :
اعتذري منه من باب انه قالج لا ترقصين وانتي رقصتي ادري مب منج اكيد البنات خرشوج المهم اعتذري منه وخذي له هديه بسيطه مثلا باقة ورد وجي وقوليله انا صح غلطت بس لا تنسى انت واعدني ماتمد ايدك والموضوع ماكان يستاهل انك تمد ايدك اقل شي تبا تعاقبني على اللي سويتيه مثلا لا تكلمني 3 ايام ولا اي شي بس ماتمد ايدك وانا سكت مره ومرتين بس ماظنتي بسكت ع الثالثه وانا احبك واباك ومابا اخسرك في يوم والسبب مواضيع ماتسوى وانت تتصرف بتهور حاول تكون متفهم اكثر وحاول تناقش قبل لا تمد ايدك المهم انا آسفه وحقك عليه وحبيه على راسه .. ومن بعدها خلاص اللي يقولج عنه لا تسوينه وانا اغار لا تسوين عشان تتجنبين المشاكل لانج بتسكتين مره ومرتين وعقب صدقيني ما بتتحملين وعقب كل شي بينقلب ضدج واهلج بيقولون ليش ماتكلمتي من اول مره وليش وليش يعني بتفتحين لج باب انتي في غنى عنه .. ودامج ماتبين ادخلين اهلج في اللي يصير بينج وبين ريلج شي حلو .. ف اللي عليج تسوينه انج تسمعين كلامه وبس والامور طيبه باذن الله ..

الله يسخرلج زوجج ويحنن قلبه عليج ويوفقكم ويخليكم لبعض