عنوان الموضوع : ليله رومنسيه فزعتكن ,,,,,,,, لتربية الطفل
مقدم من طرف منتديات الضمير العربي

بنات انا خااااطري من زمان اسوي ليله رومنسيه ابي اغير الروتين
بس كيف ومن وين ابدا
اول شي انا ما عندي جرائه ومستحيه وما كل لبست حقه لبس اغراء استحي منه وانا وهو بنكمل سنتين والله استحي حتاء ابس وافصخه قبل ما ايي
واعرف انه زوجي يموووووت في هاذي الاشياء وانا ما سويتله ابدا
ابي مساعدتكن اول شي انا في بيت اهل زوجي يعني في الغرفه وعندي بنوته الله يحفضها صغيره كيف وزوجي يروح بس يرجع بسرعه ما يطول
عطوني رايكن وكيف اسويها

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مع اني ما احب اتدخل في الاشياء الخاصة جدا
لان هذي اسرار لا يجب نشرها بس اقولج
اهتمي في كل شئ يحبه زوجج ولا تقولين استحي
اذا ما شاف عندج بدور مكان غير
اشبعي رغباته في حدود الدين لتحافظي عليه
الله يسعدج

__________________________________________________ __________

>>>> الرد الثاني :
وايد بتحصلين افكار رومانسيه في النت
احس اكثر حركه يسوونها الحريم انج تزينين المكان مثلا غرفتكم تحطين فيها ورد والاضاءه حلوه وشموع ومكان معطر و مدخن
ومثلا تسوين له عشا حلو من ايدج و تكشخين له بالشعر وباللبس البسي اللي يحبه ريلج من لون و موديل انتي ادرى بذوقه ، والحيا حلو بحدود وان زاد عن حده يطفش الريال
ولو قدرتي تشترين له هديه وتعطينه عقب العشا مثلا
او اذا متعشي تسوين كوبين قهوة ولا عصير على راحتج

وغيره من الامور باقي الاشياء الخاصه دوري بالنت



واذا قدرتي تحجزين فندق على يوم وتفاجئينه وتخليج بنتج عند اهلج بيكون اوكي

__________________________________________________ __________

>>>> الرد الثالث :
الله يسعدكم ..

__________________________________________________ __________

>>>> الرد الرابع :
خلي حميتج تساعدج اذا علاقتج اوكي وياها
يوم بتعدلين وترتبين قوليلها تتصل في ريلج يروح بيت أمه و تشغله بأي شي مثلا يطرشونه يخلص اي شي من برع ..
و عقب ما تخلصين خلي البييي عندها عسب تاخذين راحتج
خذي بتلات ورد جوري احمر و شموع كمية كبيرة و اتفنني بالورد سوي قلوب وحروفكم وهالسوالف واطلبي كيكة صغيرة من الحريم في الانستغرام بتحصلين و بوكيه ورد و حطي موسيقى رومانسية و عطري الغرفة و دخنيها و حطي فواحة و خذي لبس يحبه ريلج ..
الله يسعدكم ويهنيكم يارب

__________________________________________________ __________

>>>> الرد الخامس :
استخدمي بنتج اداة للرومانسية
مثلا اذا ما تمشي بعدها تحطينها ع السرير وبكم وردة تحطين كلمة احبك وهي تكون في النص
اذا تمشي خليها تمسك وردة وتعطيها ابوها اول ما يدخل الحجرة ..

في عندج الشموع اللي ع شكل اضاءة حق السيفتي بما ان بنتج صغيرة
مجرد عشا بسيط او سويت ع طاولة صغيرة وبزينة حلوة ..

او هدية تجهزينها ..