عنوان الموضوع : ريلي يتحرطم ع اخواني رعاية الاطفال
مقدم من طرف منتديات الضمير العربي
بسم الله الرحمن الرحيم
بعد ما قريت مواضيع البنات قررت انزل موضوعي البسيط بس بسبب ضيقي وكتماني للموضوع قلت افضفض لكم
ريلي دايم يتحرطم ع اخواني ما عاجبه شي فيهم عندي اخوان 2 كبار واحد متزوج والثاني لا والباقي صغار فالمدارس
مايعجبه ان اخواني يعتمدو ع ابوي ف بعض الامور
مثل اخواني اذ ناقصنهم مبلغ يروحون ياخذون من الوالد واذ خربت سيايرهم يروحو للوالد لانه بدرايه اكثر وين الجراجات الي يشتغلوا زين بالسياير
وكلهم ساكنين فبيت ابوي الله يحفظه
ومره من المرات الوالد اخذ سياره ريلي لان سيارته اخذها اخوي المتزوج وزوجي معه سياره الدوام يقول ليش اخوانك مايتكلمون يوم يريدو السياره وليش يطيحونها ف ابوج احينه من الي يتمشكل فالنهايه ابوج الي يطيح فيها
المهم السياره رجعوها ضايعه من داخل مخربين الستاره الخلفيه والوالد مايعرف منو خربها لان السياره كانت معه
ومره 2 اخذها اخوي المتزوج السياره ورجعها مافيها بترول مصفره وعصب ريلي وقام يتحرطم وهو من اول ماعاجبه شي فاخواني
مرات يقول خلاص ماراح اعطيهم سيارتي
ودايم يقول لي زوجي اااااخ من اخوانك اااخ هذيلا اخوان ماينشد فيهم الظهر وهذيلا بدل مايساعدون ابوج ويوقفون وياه هم يزيدونه
واخواني معاشاتهم ع قدهم تمشي الحال والحمدلله
وامس طول الطريج وهو يرمس عنهم وهذا كذا وهذيلا كذا والله خلاص صرت ابا انفجر بويهه احس عمري خلاص
بس امسك عمري عن العصبيه ماشي رمسه غيرهم
لين وصلنا المكان الي رايحين له وهو يتحرطم وبالاخير قام يضحكني ويرمس ولا كانه مفجر قنابل من شوي ويعرفني اني مضايقه
وماعجبني بس ساكته وما اتكلم وقام يبوس ايدي وانا اصطنع الابتسامه والكلام ومن داخلي قهر ليش جيه يرمس عن اهليه
دايم اسمع واسكت وهو حتى مايخليني اتدخل بامور اهله حتى اتفاجى مرات من اشياء فبيت اهله اني معرف عنها شي
واتم ساكته مرات اقوله ليش ماتقول لي
يقول لي لا تدخلي نفسك مع حد مابيك تتمشكلي مع اي شخص خلك كذا بين و بين
ومراه راح يتكلم مع اخواني بروحهم كل شخص بروحه وتكلم معهم باسلوب حلوو انفرادي
وطلع الي بقلبه بس بعده يتحرطم ويقولي مامنهم فايده اخوانك
مايستحون ع وجوهم ابوج كبرهم وعلمهم وبدل ما يساعدونه هم يزيدونه والله فضيحه علي اسوي هالشي لوالدي
انزين شوبيدي انا اسوي
استحي ارمس اخواني وابوي عن هالموضوع
لان ابوي معودنا من يوم صغار كل شي يوفر لنا اياه الحمدلله وماناقصنا شي
ومافي مثله بالدنيا
انزين هذا ابوهم لازم بيالجون له اذ صار معهم اي شي احسن عن يروحون للغرب
احسه انه وايد مسوي عليهم لان شايف نفسه غير مع اهله ابوهم ماكان مسئول عنهم ومامهتم فيهم
وبروحهم الي وقفوا ويا بعض وساعدو انفسهم لين كبرو وصارو كل شخص يعتمد ع نفسه فبيتهم
يمكن يقارن نفسه باهلي
لكن قولو لي شاسوي وياه شو اقول لريلي ولاهلي؟
والله احس بضيق من ضيق ريلي لاخواني ومن ضيقي لاخواني....
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
قوليله دام انك نصحتهم وكلمتهم ماله داعي ترد تفتح الموضوع وياي
قوليله ان انتي ما بيدج شي وابوهم اذا مضايق من هالشي اكيد بيكلمهم وما بيسكت
عن اسلوبهم ...
الحين هو ليش مضايق عمره
الله يهديه ريلج بس
انا ريلي اذا ادخل وتم يتكلم اقوله انزين وانا شو اسوي
كل واحد حر والله يسكت ومرات اقوله لا تدخل ما يخصك
في نص الجبهه
__________________________________________________ __________
>>>> الرد الثاني :
هلا اختي, لا تضايجين بنفسج, ولا تيبيله اخبار بيت ابوج ولا تقوليله شو صار هناك وشو سوو اخوانج وشو سوا ابوج, يمكن هو جي لانه هو انحرم من حنان الاب ومثل ما قلتي ابوهم ماكان يسويلهم شي. واذا رمس عن اخوانج قوليله باسلوب حلو انج ما تحبين حد يتكلم عن اخوانج بهالطريقة واكيد بيقدر شعورج ان شا الله. الله يهديه.
__________________________________________________ __________
>>>> الرد الثالث :
المشاركة الأصلية كتبت بواسطة الأصالة
قوليله دام انك نصحتهم وكلمتهم ماله داعي ترد تفتح الموضوع وياي
قوليله ان انتي ما بيدج شي وابوهم اذا مضايق من هالشي اكيد بيكلمهم وما بيسكت
عن اسلوبهم ...
الحين هو ليش مضايق عمره
الله يهديه ريلج بس
انا ريلي اذا ادخل وتم يتكلم اقوله انزين وانا شو اسوي
كل واحد حر والله يسكت ومرات اقوله لا تدخل ما يخصك
في نص الجبهه
قويه صراحه خخخ انا احس عمري ما اقدر اقوله هالكلام اخاف يزعل علي
هلا اختي, لا تضايجين بنفسج, ولا تيبيله اخبار بيت ابوج ولا تقوليله شو صار هناك وشو سوو اخوانج وشو سوا ابوج, يمكن هو جي لانه هو انحرم من حنان الاب ومثل ما قلتي ابوهم ماكان يسويلهم شي. واذا رمس عن اخوانج قوليله باسلوب حلو انج ما تحبين حد يتكلم عن اخوانج بهالطريقة واكيد بيقدر شعورج ان شا الله. الله يهديه.
تراه اهو يشوف جدامه ما اقوله انا شو المستوي معهم لاننا دايم بيت اهلي مع بعض
__________________________________________________ __________
>>>> الرد الرابع :
الله يعيينج بس المفزوض تقوليله يا حبيبي انته شو تبابهم خلهم يوم ابوي بيتعب بيقولهم. اهم شي انت لا تركز وايد ف تصرفات اهلي.
__________________________________________________ __________
>>>> الرد الخامس :
حاولي ما اتييبين طاري اخوانج ترى سبحان الله مرات تطلع السوالف
عادي مرات اللي عندي يعلق عليهم
اول مرة اسكت
ثاني مرة اقوله شو اسوي يعني !
لو زودها شو يخصك فيهم ههههههههههههههه ويهه يحترق
دام الحرمة ما تدخل ف اهل الزوج ولا تعلق عليهم ---> المفروض الريــــــال يكون نفس الشي ما يدخل ولا يعق كلام ماله داعي
رد مع اقتباس
