عنوان الموضوع : !!! ريلي فشلني جدام أهله !!!!!!!!!!!!!!!!!
مقدم من طرف منتديات الضمير العربي

السلام عليكم خواتي

اشحالكن ؟؟؟؟؟؟؟؟

اولت البارحة انا وربيعتي الروح بالروح اتفقنا انه نعزم اهل رياييلنا عندنا طبعا كل وحده في بيتها وانا عن نفسي شفتها فرصة لانه خاله في زيارة لهم فقلت بعزمه عندي فالبيت المهم هي نفس الشي سوت العزيمة بس عالغدا وانا عالعشا واليوم اتصلت فيني عسب نعرف كل وحده شو صار معاها ؟ المهم سمعت صوتها تصيح وتعبانه قتلها خير بلاج؟ قالت ليتني ما سويت العزيمة انا تفاجأت من كلمتها وخبرتني هالموقف وقولولي اشرايكن فيه؟؟؟؟؟؟

تقول انها تمت تسوي بروحها فالمطبخ وهي حامل وخلت عيالها الصغار عند الخدامة وقعدت تسوي بروحها اكثر من صنف ( انا وياها كنا متفقين عالاكلات اللي بنسويها) وتقول لريلها انا بتعب عشان خاطر اهلك ويهون عشانك والله التعب كله بس شوي خايفة من الاكل اخافه ما يضبط قالها يجزيج الله كل خير المهم يا وقت الاكل وياو الضيوف وحطت الاكل وقعدوا طبعا لازم نسوي الشوربة فقام عمه يعلق على شوربتها قال شو هالخبصة؟؟؟؟؟ قالتله هاي شوربة فطر بالشعيرية ام شوي قاموا يعلقون على الباشميل والارز وهي ساكته وريلها """"""" ساكت """"""" ولا علق ولا شي وهم طبعا كل واحد ضحكته اعلى من الثاني تقول ما ادري هم طيبين بس مهما كان المفروض ما يقولون كذي وجان تقول اخته مسكينة ام فلان مب مركزة معانا" وهالكلمة وايد تقول لها لدرجة ان ربيعتي تقعدت" المهم شلت بعمرها ودشت الغرفة وهني حس زوجها ويا وراها قالها شفيج ويات خالتها قالت ماشي يييت باكل دوا وبظهرلكم "" بس لانهم في بيتها"""" وعقب الاكل حطلهم لهم سويت " بعد كنا انا وياها طالبين من برا""" جان يقول ريلها والله هالحلاوة حرمتي سوت قالت لا هذا من برا وهو سكت ... وعقب شكلهم حسوا انها زعلت هم سايرين قالولها والله الاكل حلو وتسلم يدج ومن هالكلام؟ وريلها قال تسلم ايديج يا ام فلان .... وهي طبعا ما ردت عليه وقعدت ترتب وتنظف البيت مع الخدامه واخر شي شلت عيالها دشت ترقد وقالت لريلها مشكور قالها على شو؟ وما ردت عليه قالها بلاج وعن العبط قولي قالتا نا مب عبيطة لو سمحت؟ ومرة ثانية تبا تاكل تسير بيت ابوك ولا اتييبلي طباخة اذا اكلي ما يعجبكم...... عالاقل قدروا اني حامل وتعبانه ومن الصبح واقفة على ريولي اسوي وبروحي اكيد بغلط شوي ؟؟؟؟ وعيالك لعوزوني كل شي داشين علي يصيحون والخدامه تعرفها باردة ؟؟؟؟ وهي طبعا تصييييييييييييح

رد عليها قال:
والله يوم انج ما تعرفين تطبخين ليش تعزمينهم؟؟؟؟؟؟؟؟؟؟؟؟؟؟؟؟؟؟؟؟؟ وليش تحطين نفسج في موقف محرج؟؟؟؟؟؟؟؟؟؟؟؟؟؟؟؟؟؟ تعرفين طبع اهلي يعلقون ويضحكون قالتلها يزاتي انا ابا احشمك جدام اهلك مب حلوة في حقكك انهم ما يدشون بيتك نادر؟؟؟ فانا قلت ليش ما اعزمهم وانت تحت اهلك فقلت مب من عوايد العرب اني ما اعزمهم في بيتك ابدا " للعلم هي نادر ما تسوي عزايم في بيتها" وسكت عنها وما رد وهي قعدت تصييييييح قالتله كثر الله من امثالك وهو الحبيب رقد

وتقولي والله يا ام صالح هالانسان وايد يحب اهله صحيح مقدرني وكل شي بس وقت مثل هذا ابدا ما يوقف معاي يسكت على طول واذا على اهله يفج حلجه ويدافع عنهم كم مرة قالي اياها اهلي ومواقفه ادل ع اني ولا شي ويوم تصارحه يقولها هذا مفهومج انتي وانا ما يخصني فيه؟؟؟؟؟ وتقول تعبت نفسيا وهي حامل والدكتورة منعتها من التعب النفسي عشان الطفل ..... تقول ما ادري شو سويت بحياتي الله بلاني بريال باااااارد ومتعلق باهله ليش تزوج عيل
تخيلوا ما يخلص امورها الا بالزن والحن تراكض وراه عسب بطاقات الهوية والضمان يقولها اوكي وينسى ومناك يخلص امور واشغال اخوانه وابوه وخواته " واخوه الثاني فالدوام في سنة حسنة تشوفينه" فالكل معتمد عليه قالت اوكي انت ولدهم وانا ما بفرق بينكم بس مب عحسابي
تقول هل انا غلطت اني قدرته اكثر من اللازم واكثر من موقف مر بينا عمره ما بين انه شاريني ؟ ويوم هي تستسمح منه يسكت ويووم يبا يسولف عادي وغيره يقولها انا ماروم عفراقج وتقوله ليش عيل تسوي معاي كذي؟ يقولها انتي عنيدة وانا بس ابا اكسر عنادج ولو صدق ما رمستيني او زعلتي بيرج من شعرج وبييبج عندي
( وتقول انا دايما ارفع قدره جدام اهلي ليش يسوي فيني كذي).......

والحين شو المفروض تسوي ؟؟؟؟؟؟؟؟؟؟؟؟؟؟؟؟؟؟ وهي خايفة تقول لو طبيته ما بيصدق ويوم الجمعه بيروح عند اهله بيتغدا واكيد بيطبها " هم كل يمعة يروحون بيت ابوه يتغدون بس هالمرة هي ما بتروح لان العيال مرضى" فتقول انا متاكدة انه بيروح ولا بيسأل عني ؟؟؟؟؟؟وتقول ما اريد ارمسه عشان ما يقول رمستني بس لان اجازة وهذا يوم طلعتها
فمحتارة تبا تقوله ما تهمني الاجازات ولا الطلعات

شو نسوي فالموضووووووع اقترحن علي بلييييييييييييييز؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يهديه

يمكن طلع الشيء منه لا ارادي كل شيء جايز حبوبه

بس بعد مب حلوه منه يحليلها الحرمه

وتصير وايد الواحد يا ان يطلع الاكل مالح او غيره

عموما خليها تصبر شوي وتتغلى يمكن يحس ان هو الغلطان وي يعتذر منها

السموحه أختي

__________________________________________________ __________

>>>> الرد الثاني :
تسويلهم فلافل وبيتزا



هو قال لها ليش تعزمهم

اما بقولها : ليش عرستي

__________________________________________________ __________

>>>> الرد الثالث :
قصايد

انا قلت لها نفس الرمسة وان شاءالله تصبر

جمر بارد
ما فهمت قصدج؟؟؟؟؟؟؟؟؟؟ يعني اللوم عليها لانها ما تعرف تطبخ ولا شو قصدج؟

__________________________________________________ __________

>>>> الرد الرابع :
انا احس انها مكبرة الموضوع يعني سالفه عاديه

وصراحه هيه غلطانه دامها حامل وتعبانه ما بعزمهم هذا مب موقته

بخليها مرة ثانية وانا بخير وصحه

والريال اكيد ما بيرد علي اهله ...

انا مب معرسه بس اذا اخواني ردو على كل كلمه نقولها حق حريمهم ما بيعجبني ...

وهيه يوم راح يمدحها بالسويت ليش تروح وتقول لا هذا من بره بعد هيه فشلته ؟؟

الله يسر امور الكل

__________________________________________________ __________

>>>> الرد الخامس :
حبيبتي لاتزعلين هذه الامور كثيرا ما تحدث للمتزوجين اخذي الامور بكل بساطه
سنشوي هذا بو العيال لازم نتحمله
الله يهديه لج ويزيد المحبه بينكم