عنوان الموضوع : معتقدات خاطئة للشباب و المقبلين على الزواج رعاية الاطفال
مقدم من طرف منتديات الضمير العربي

السلام عليكم ورحمة الله وبركاته

بنات كيف رتبتوا شنطة شهر العسل؟
شو اهم شي آخذه؟
وشو اللي لازم مااخذه (يعني غلط اخذه فالمطار)؟

صدق تاخذون بس 2 بنطلون جنس وما تغسلونه؟
اللي عندها لسته بالاغراض مسوتنها من قبل اطرش لي اياها عالخاص ..
ويزاها الله خير

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ضحكتني كلمه وماااااتقسلونه
لا ياحبي البنات يقصدن إنهن مايغسلن في السفرة منو بيتفيق كم يوم بتيلسين شلي قمصان علي عدد الأيام وزيدي قمصان والبناطيل مب لازم بعدد القمصان ٤ او٥ بس لن بتردين تلبسينهن عادي

__________________________________________________ __________

>>>> الرد الثاني :
كثرى من المﻻبس الداخليه
وخذى اغراضج ومنظفاتج الخاصه
ومﻻبس ونعال مريحة للمشي

__________________________________________________ __________

>>>> الرد الثالث :
خذي لج عبي زيادة لان عباتين مابتكفيج لان طول اليوم بتطلعون سياحة وبتمرون مطاعم فريحتنا بتكون اكل انا الصراحة عبايتين ماكفتني ع اسبوع بس. وشلي وياج مكينة شعر ..وسشوارج لما تغسلي شعرج تجففيه ..واهم شي نعال مريحة او جوتي للطلعات انا كنت ماخدة كعب وماقدرت امشي هاللي اذكره خخخخ.

__________________________________________________ __________

>>>> الرد الرابع :
كثري من الملابس الداخلية وبناطلين ونعول مريحه

__________________________________________________ __________

>>>> الرد الخامس :
خذي أحلى الملابس عندج لأن الريل وايد يدقق ف أول الأيام ولا تكثرين ميك اب خليه يشوفج ع طبيعتج..

الله يوفقج عيشي هالايام لحظه ب لحظه واستمتعي فيها لانها بتكون أحلى أيام ومابا تنسينها أبد