عنوان الموضوع : ام ريلج تسب اهلج ادخلوا يالحكيمات
مقدم من طرف منتديات الضمير العربي
مرحا خواتي عندي موضوع من زمان حييت اطرحه لان الصراحه شاغل بالي نفترض لو انج متزوجه وتعالمج زين مع ام ريلج بس هي ما تحبج وتنغص عليج عيشتك وفي يوم من الايام غلطت عليج وحاولتي تكلمينها وهي تصارخ وتسب وياليت تسبج وبس بتييب طاري امج وابوج واتسبهم , اذا انتي في بيتهم حتى لو هي غلطانه عيالها بدافعون عنها وعادي بناتها بيمدون يدهم عليج اذا سبيتي امهم , هالحاله كيف الوحده بتتصرف ؟ لان احترم اهل الزوج الام والاب واجبه بس اكيد ما راح ابرهم لان البر لامي وابوي مب لناس مايستانسون الا اذا شافوني تعيسه
للعلم انا مب متزوجه بس هذا الموقف حصل لحد وابي اعرف شو التصرف الصح لان الزوج يمكن يقول امي وعادي انزين وامي انا؟لو امي تغلط علىامك اكيد ما راح ترضى فكيف تبغي الزوجه تسمع اهانة امها وابوها وتسكت ؟
طبعا مب كل العمات انا اقصد اللي يبون يخربون بيوت عيالهم لان في عمات ينحطون على الجرح يبرى
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
36 مشاهده ولا رد؟
__________________________________________________ __________
>>>> الرد الثاني :
الغالية كيف ماراح ابرهم ,,, تعرفين ان المعاملة الطيبة حتى لو للناس مأجوره عليها وتعرفين ان الواحد مابينفعه
شي بالدنيا غير الاجر وشو نبا من الدنيا غير الثواب والاجر ,,,
انا معاج في عمات يرفعون الضغط واسلوبهم عالزيرو بس ما أرد الاسأءة بالاساءة ,,, واحاديث رسولنا عليه السلام وايد
شو راح نستفيد اذا شدينا واهل الريل شدووو المفروض نكسب محبة الناس اذا كل اهل ريلج كارهينج ماراح تقدرين تعيشين مع ريلج
بعد ,,, واذا الكل حبوج صدقيني ريلج ماراح يتجرأ ويأذيج احتراما لاهله ومحبتهم ...
وبعدين ليش توصل للعمة انها تسب اهلي ,,, شو شافت مني ,,, صياعة مثلاا او بدون اخلاق اعوذ بالله او من هالكلام اللي ماينقال
مستحيل توصل لها الدرجة الا اذا سمحت لنفسي ان هالكلام ينقال ,, الواحد يحترم نفسه والكل غصبن عليه بيحترمونه
ومحد يتجرأ يغلط عالام والاب ,, هم تاج وهم سبب الاخلاق الزينة والتربية الصالحة
واذا الزوجة مب عايبنها العيشة مع العمة تطلع بيت بروحها ,,, افضل او تبتعد عن المشاكل ,,,وماتدخل بشي
__________________________________________________ __________
>>>> الرد الثالث :
والله لو يمرني هالموقف من ام ريل ولا اي حد من اهلي عياايز ولا شواب شباب ولا بنات ما يهمني العمر خير شر ويتجراء بسس
ويسب امي وابوي
اقسم بالله لامسح فيهم الارض
امي وابوي خط احمر الموت للي يقول عنهم اق
__________________________________________________ __________
>>>> الرد الرابع :
ما اعرف بشو انصحها بس الظاهر اهل زوجها اخلاقهم سيئه
ام الزوج تشتم اهلها وتقبح فيهم؟هاي ماتصدر الا من شخص سء
لن غالبا الامهات المحترمات ماتوصل فيهم الاساءة للشتم .
اعتقد اذا الاخت هاي تقرا ردي .. من غير المنطقي ان اساءتهم لج ولاهلج تمر الكرام
لازم الشخص يحترم الي قدامه .. سواء كبير صغير مايجوز شتم الوالدين
لو الزوج سكتت معناته ان انتي بتسمعين كلام اقبح واشد
عادي اسب امج وبتسكتين ؟طبعا لا
لكن سكوتج مارح يغير شي
انا اقول اول ماتسمعين حد يغلط عليج
قولي له وبثقه ما اسمح لكم تغلطون علي ماقولج اشتمي وسبي واقدحي لا
قولي لهم ما اسمح لكم تغلطون علي ولا علي اهلي وتكلمي قدام زوجج لو سكت الله يكون بعونج طالعيه وقولي له هالعيشه مع اهلك ماتناسبني واقرب مركز شرطة وافتحي بلاغ فيهم وخل الي مايتادب يتادب بالقانون
الله لايبلينا بناس اخلاقهم شينه
__________________________________________________ __________
>>>> الرد الخامس :
حرمة عوده تسب لين باجر الله يسامحها ..
ليش الوحده تلاسن عمتها .. تقول الله يسامحها
و تخلي تعاملها ودي و في وقت المناسبات بس ..
و اذا عايشه وياهم مصييييييييييييييييبه ..
رد مع اقتباس
