عنوان الموضوع : تعبانه من اكتآب بعد الولادة..ادعولي المومة و الطفل
مقدم من طرف منتديات الضمير العربي

خواتي ادعولي أن الله يخفف عني
اتدمرت من اكتآب بعد الولاده
رحت حق دكتور نفسي مجبوره لاني ما كنت ارقد ابد
عطوني حبوب اكتآب ومنوم عفستني أكثر وتعبتني
الحين نفسيتي اتدمرت أكثر وطول اليوم صياح
ابا ارد حق حياتي ابا ريلي وبنتي
نسيت الضحكه والله كله ساكته و متضايجه ومافي شي ييفرحني وما احس بالعيد وما اجابل بنتي ومتشته ومافيني تركيز
مع اني كنت انسانه اجتماعية و ذكية وطموحه واحب الحياه
افكر انفصل عشان ما أظلم ريلي ويايه اللي احبه بجنون بس الحين ماشي مشاعر صوبه ولا احس بطعم أي شي في الحياه
ادعوولي خواتي والله تعبانه وايد
احمدوا ربكم في. كل لحظه لأن الواحد ما يحس بالنعمة الا يوم يفقدها
أصعب شعور تحطين راسج ع المخدة تتجلبين ساعات ما تقدرين ترقدين وعادي تكملين أيام ما تسطليين ولا اييج الرقاد! الليل طويل والنهار طويل والحين عايشه ع الحبوب
الحمدلله حين نسعد والحمدلله حين نحزن والحمدلله حين نتألم و حين نرضى بالقدر

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حبيبتي انا بآخر وﻻدتي مريت بهذه الحالة

وبالفعل ايام صعبة وصادف معاي وفاة امي

وخذني زوجي العيادة وخبرتني الدكتورة


أن عندي نقص فيتامين دال وأخذت العلاج مع الرقية وسورة البقرة

والحمدلله مجرد رجعت الدوام بدأ يتلاشى

والحمد لله استولت احسن

سوي فحوصات وعليك بالدعاء والرقية وسورة البقرة

طلعت من البيت انت والبيبي وزوجك غيري جو

وان شاء الله فترة وبتعدي

__________________________________________________ __________

>>>> الرد الثاني :
تاكدي انها فترة وبتعدي.وخلي القران والعسل دواج.طبي هالادوية

__________________________________________________ __________

>>>> الرد الثالث :
يا الغالية صدقيني فترة و بتعدي أن شاءالله انا مع كل و لادة يصيبني و في ولادتي الثانية بالذات ياني اكتئاب شديد ترجيع مستمر عدم نوم صياح و حزن و كنت قيصرية والدة بعد و توام و عندي قبلهم بنت كان عمرها سنتين و محد ساعدني فيهم و تميت كم شهر على هالحآلة و عقب الحمدلله الله يريحج أن شاءالله لازم ريلج يوقف معاج

__________________________________________________ __________

>>>> الرد الرابع :
اويه انتي في النفاس و ما تصلين اكيد بتحسين بثقل و ضيقه ..
انا واااايد كنت اشتاق للصلاه
يمكن يلسه البيت و كله نونو و تغير جسمج كله له تاثير


الله يشافيج ان شالله

__________________________________________________ __________

>>>> الرد الخامس :
نصيحة افحصي عن فيتامين دال وارقي نفس والبيبي
دوم وخلج على وضوء دوم حتى لو نفاس توضي والله
يشفيج اختي ويخفف عنج