عنوان الموضوع : الحب والزواج ؟ لتربية الطفل
مقدم من طرف منتديات الضمير العربي
السلام عليكم ورحمة لله وبركاته
يا اخواتي ساعدوني ابا شوركم بما انكم اكبر واكيد تعرفون اكثر عني
انا يوم نزل البيبي ع الاندرويد نزلته وكنت ابا تصير وياي لسته
وجان اطيح ع موقع يحطون بن كوداتهم و تييهم اضافات وانا ع نياتي
ماعرف بهالسوالف والله المهم اني حطيته وكتبت بس تبادل بيسيات
وضافوني وايد وكنت اطرش متحمسه اول شي وعقب فكرت قلت انا شسوي جان اقوم واحذفهم الا واحد مادري شسالفته المهم كان باقي
وهو هادي وحاله من حال نفسه وكل ماغيب يسال وكل مابدل شي مريضه مثلا سال وتشكر بالسلامه وجي ولين مرت الايام وعطيته ويه
وصرنا نتكلم وعقب فتره قال يحبني وكان يسالني اسئله غريبه مثل شو
مواصفات الريال اللي تبينها ؟ وجي المهم انا خذاني الشيطان وتميت
اتواصل وياه كتابي علي البيبي فقط المهم انه صارحني يحبني ويبا
يتزوجني وانا خفت من هالفكره لان هو يعرفني ومسولف وياي
اخاف اقوله تعال بنتزوج واتزوجه عقب اتوهق وابتلش ويتمم يشكك
او يفر رمسه وقمت وحذفته لكن نسيت انه وياي ع الكيك وانا مادشه
ف يوم سجلت دخول لقيته مطرش ورمسته حنيت لايامه وجي اعوذ بالله من ابليس يزين لج المعصيه .. بس انا مابا ارمسه ياخي وهو يصر يبا يتزوجني يا خواتي انا مابا اتم ع هالحال
والله مب زين اقطعه وارد اقطعه وارد شو ذنب اهلي ؟
بعدين انا جامعيه وهو ثانوي ويشتغل في شركة بس راتبه مب شي ويبا يشتغل في الشرطه انزين وهو عمره 24 وانا 19 وطلعنا من نفس المكان باثنينا بس هم بروحهم فريج ونحن بروحنا بعيد عن بعد شوي
انا مب عارفه شسوي اخاف اتجنبه واندم لانه زين احسه وجي ومرات اقول لا احسن تاخذين واحد ما تعرفينه والله ماعرفت حق عمري
بعدين توني سنه ثانيه انا يعني جدامي سنتين وهاي الثالثه دراسه
واحس صعب جي الا اذا اخر السنوات هيه وانا حالي حال اي بنت
ابا اتزوج بس مابا افر نفسي لتهلكه .. بصراحه هو يتكلم ويقول بس
محد يدري هالكلام يمكن يستوي يوم اعرس يمكن لا وبعدين احس اللي مب متعلم بكون تفكيره مب شي .. وبعد انا مابا واحد اقل عني احس مب حلو وانا ان شاء الله حاجزة بسير العمره قريب ومابا ارد ارمسه لاني بتوب من ذنوبي انا ومابا ارد اكلمه جي واستمر
بشو تنصحوني ؟ بليز اللي بتقول كلام يجرح توفره لنفسها
لاني انا يايه اخذ رايكم ونصايحكم ومابا حد يزيدني
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
احس عقلج يقوول اتركيه وقلبج يقوول خليج معاه
خليج مع عقلج شو تبين فييه مافيه شي غير الكلام الحلو وانه يهتم فيج كل حد يروم يسوي هالشي
وبعدين مافيه المواصفات الزينه لا شهاده ولا وظيفه كيف تبينه يصرف عليج !! وبعدين هل تتوقعين انه اهله ممكن يتقبلوونج !! شو تبين من زواج الحب والله ماشي احسن من الزواج التقليدي .. فكري في المستقبل ومصيرج خلي الحب على جنب وحطي فبالج اذا ممكن تزوجتي عن حب عادي عيالج او بناتج يسوون مثل ما سويتي
نصيحتي لج طبيه واقطعي علاقتج وان شالله ربي بيرزقج بالاحسن منه
تقبلي مروري والسموحه عالازعاج
__________________________________________________ __________
>>>> الرد الثاني :
__________________________________________________ __________
>>>> الرد الثالث :
اختي مش بسهولة تثقين ف واحد
اذا المعرسين يبالهم سنة او سنتين لين يفهمون بعض
فما بالج انتي وهو ؟!
__________________________________________________ __________
>>>> الرد الرابع :
رمستيه ع البي بي و يبغي يخطبج و يتزوجج
زين ما شاء الله !!
انا راي بكل صراحة اللي يبغي وحدة يروح ل باب بيتها بدون لف و دوران
او تتركينه بدون تفكير
__________________________________________________ __________
>>>> الرد الخامس :
باختصار حبيبتي ..
من ترك شيئ لله عوضه الله خيرا منه ...
اتركيه لوجه الله وشوفي كيف ربج بيعوضج ...
بس مب تتركينه وتخلينه عندج في البيبي او اي وسيلة ثانية ... اقطعيه حتى لو تغيرين حساباتج في كيك وتغيرين تلفونج وتغيرين كل شي ...
المهم صفي النية واقطعي كل الطرق اللي ممكن توصلج له وربي يوفقج
رد مع اقتباس
