عنوان الموضوع : ساعدوني بتجاربكم رعاية الاطفال
مقدم من طرف منتديات الضمير العربي
مرحبا بنات عندي استفسار باجر بيون ناس يشوفوني واذا عيبتهم بيخطبوني كيف اتصرف هل اسلم واطلع او اتم يالسة مع العلم اني وايد قافطة استحي اتم وبعد شو البس من راسي لين ساسي نحن ما نلبس شيله في البيت بس ما عرف نظام اهل المعرس
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انتوا كيف عندكم البنت تيلس و لا لاء
لان هالعادات وايد تاثر
اذكر انا دشيت بجلابيه فيها شغل خفيف و كنت موب لابسه وقايه و لا شي فاتحه شعري
تخيلوا تكلموا علي لين ما قالوا بس و عبالهم اني وحده فري ما يخصه العادات بين العوايل غير
هل هم نفسكم و لا غير
انتي احتياطا البسي مغربيه مادام مافي ريال وياكم
لا تلبسين الشيله ..
وتمكيجي على الخفيف وراقي ..
وسلمي و تعرفي عليهم وعقب جي ربع ساعه استاذني عاد يمكن يقولوج تمي نبا نسالج
ومنهم بيترخصون اصلا بسرعه لانها شوفه موب قص مهر
__________________________________________________ __________
>>>> الرد الثاني :
تكشخي عادي ..والبسي جلابية او مغربية خفيفة ..
ولا تطلعين من البداايه هههه ..يلسي في غرفتج وخلهم يسولفون ويا اهلج عقب اطلعي ويلسي شوي مال قووم عشر دقايق وردي ..بيسالونج اسالة مثلا وين تدرسين وين تداومين وكم عمرج يتعرفوون عليج وبسس
__________________________________________________ __________
>>>> الرد الثالث :
الله يوفقج لكل ماهو خير لج
__________________________________________________ __________
>>>> الرد الرابع :
نفس اللي قالوه فوق
يوم يدخلون البيت يتضيفون وتقعد وياهم الوالده
انتي دشي عليهم وسلمي عقب فترة من قعدتهم
وخليج عاديه لا تكثرين مكياج اشيا خفيفه جحال يعني
لبسي جلابيه مغربية او مخوره شي بسيط
وما يحتاي شيله عادي افتحي شعرج
واقعدي شوي وخليج ساكته بس جاوبي اذا سألوج
وعقب ترخصي واطلعي لا اطولين فالقعدة هي بس شوفة وشوية سوالف!
__________________________________________________ __________
>>>> الرد الخامس :
الله يكتب لج اللي فيه الخير
أول شي صلي استخارة واذا مب طاهرة عادي ادعي دعاء الاستخارة وخلي امج تصلي استخارة عنج
قبل ماتدخلين عليهم اقري على نفسج الحمد والكرسي والاخلاص والمعوذات عقب دخلي
عشان ما يأثر فيج لا سحر ولا عين
ومايسير الا اللي فيه خير لج
بالنسبة للبس، بسيط يصلح للأستقبال ممكن تنورة وبلوزة او مخورة مكياج خفيييييف ما يبين خاصة الروج حطي لون طبيعي وحمرة الخدود اذا ماتبين تستغنين عنها اختاري لون خفيف بدون لمعة وبكمية بسييييطة... أصلاً بروحه ويهج بيحمر
بالنسبة لقعدتج معاهم:
حسب عمرج اذا بداية العشرين وأصغر (يعني بعدج طالبة) لاتستقبلينهم.. بعد ما أمج تضيّفهم هي بنفسها بتناديج اذا هم سألوا عنج، قعدي معاهم شوي لين يخلصون أسألتهم اذا بيسألون يعني قعدة مال عشر دقايق عقب امج تقولج شوفي دراستج او شوفي خواتج (اتفقي مع امج) أستأذني منهن قولي: ارخصوا لي، او اسمحولي...
أما لو كنتي موظفة او متخرجة وقاعدة في البيت.. لا عادي قعدي معاهم مع امج وقومي بالواجب من ناحية الضيافة والاستقبال
بالنسبة للشعر لا تفلينه.. سوي عقص او ربطة ذيل حصان نازلة
جذي يبين طوله بدون ماتكونين مبالغة حقهم فالة الشعر وتبينين لهم عاد "شوفوا شعري"
ماتدرين بالنفسيات
خلج عادية وهادية ولا تكثرين كلام اذا تكلمتي
اللي فيه الخير الله يجدمه لج
رد مع اقتباس
