عنوان الموضوع : قصص حقيقيه وتجارب بنات وآقعيه القصه 2 " كونتر رقم 6"
مقدم من طرف منتديات الضمير العربي
القصه 2
( كونتر رقم 6 )
مريم موظفه تداوم في كونتر 6 , وهو من كونترات جهه معينه ، كآنت تكثر من الكلام مع المتعاملين واحيانا تتعمد تغازل بعض الموظفين وتدّعي انه من باب التسليه لا اكثر ..
محمد متعامل رزق بنت آيه من الجمال وهذا بعد 7 سنوات انتظار وكان جداً مستانس بالبنت كان يطالع السما ويطالعها ، متعلق فيها ومتعلقه فيه لدرجة مايقدر ينام بدون ماتكون بنته بينه وبين زوجته ، وهي ماتقدر تنام الا ع صدر ابوها حسب كلامه
ماكان محمد يتوقع ان دخلته لهذي الجهه ممكن انه تدهور حياته ولو كان يدري يمكن ماكان قصدهآ
في يوم م الايام زار هالجهه .. خذ محمد الرقم وانتظر دوره
لين يا دوره عند كونتر رقم 6
محمد : لو سمحتي ابا اسوي بطاقه لبنتي
مريم : عطني الاوراق و صورتين للبنت
عطاها محمد الاوراق ..
طالعت صورة البنت وقالت
: "يااااا الله فديت الشعر"
ابتسم محمد ..
مرت 6 شهور على هذا الموضوع وفي يوم من الايام دخل محمد على موظفين الكونترات مثل المينون ، غترته على كتفه و طاقيته ع راسه و عقاله على الطاقيه
يمر على الموظفين واحد واحد ويسالهم وين الموظفه اللي كانت هني وين الموظفه "مريم الفلاني"
الكل يقوله انها ماعادت تداوم و الكل مستغرب ليش ومحمد يوميا يمر عليهم على امل انه ممكن يلتقي ب مريم مره ثانيه
يدخل محمد مع الموظفين ويتم ينتظر واحيانا يطلع بعد مايطلعون وقت انتهاء الدوام او يروح ويرجع مايترك قاعة لانتظار الا ف اوقات الصلاه
لين رد عليه واحد من الموظفين
بعد ماسال الاداره عن مريم وقالو له انها حصلت دوام ثاني وانتقلت من الجهه
يلس محمد على الكراسي يبكي ويقول " يعني ماشي امل " وتوجه له الموظف ويلس عداله وخط ايده ع ركبة محمد والايد الثانيه ع كتفه
الموظف " خير ياخوي ، انت كل يوم تيي كلنا مستغربين كلنا نبى نعرف ممكن اعرف شو سالفتك اشوفك كل يوم تتعنى وتيي شفيها مريم؟؟؟ "
محمد " دمرت حياتي "
الموظف " خير ممكن اعرف اذا تحب اعتبرني خويّك"
محمد " انا عندي بنت يبتها بعد عملية تلقيح انا سنين ما اييب عيال ييت اخلص معاملة بنتي الصغيرره اللي لا انا اقدر اعيش بدونها ولا هي تقدر تفارقني انا قبل لا اشوف مريم كنت عايش بسلام"
الموظف "نزين"
محمد "مريم اول ماشافت صورتها قالت فديت الشعر وبطلت عيونها وتمت تخلص اوراقها وتشوف الصوره "
الموظف " وعقب ��"
محمد " بنتي طاحت نفس اليوم وبتنا فالمستشفى ليله كامله فحوصات وغيره وقالو سرطان بدت تتعالج من اول ساعه شعرها طاح البنت مب في وعيها فالمستشفى. اكثر شي يالمها فروة راسها اللي صارت كانها جلد محترق مع انها ماحترقت وتذكرت كلام مريم وخبرت زوجي وطلبت مني اقصد مريم وقصدت مريم ابا اقولها يمكن يكون عين من دون قصد اول ماخلصت المعامله اتصلوبي ان البنت طاحت غشيانه "
الموظف لاحول ولاقوة الا بالله
محمد " البنت هذي لازم احصلها اذا ماردت حياتي مابترد "
الموظف " للاسف اخ محمد علاقتها فينا كانت سطحيه و الظاهر غيرت رقمها بس مجرد مانعرف شي عنها بتصل فيك عطني رقمك"
مرت سنه ومحمد يوميا يمر ع القسم يمكن يشوفها صدفه وبعد
سنه قطع عن الييه
الموظف خبر ربعه " ماتلاحظون محمد ماقام ايي"
وحده من الموظفات " اتصل فيه اطمن عليه"
الموظف مسك موبايله واتصل ب محمد يطمن عليه و ليش ماقام
ايي قاله " بنتي نوف توفت عطاك عمرها وماشوف له داعي ايي خلاص انتهت قصتنا زميلتكم الله يسامحها ..
توفت نوف وامها تخبلت وماصارت تعرف اي حد بعد ما فقدت
نوف صابتها حاله هستيريه "
الموظف عزاه وسكر الخط ..
خبر زملاءه الموظفين وعم الحزن ف المكان ..
العين حق .. اذكروا الله كم من حياه انتهت صحه
تدهورت بيوت هدمت و السبب العين ..
الله يحفظكم
اتريوني
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
لا حول ولا قوة الا بالله العين حق الله يحفظنا ويحفظكم
__________________________________________________ __________
>>>> الرد الثاني :
__________________________________________________ __________
>>>> الرد الثالث :
يالله !!!!!! شي جدا مخيف ومؤلم .. !!!الله يرحمها ويصبر والدينها ياربي .. !!!
__________________________________________________ __________
>>>> الرد الرابع :
دايما" رقو عيالكم وكثرو من الأدعية
اللهم أني أستودعك ذريتي في مكان غابت عنه عيني وعينك لم تغب يا الله وذرية أخواني وأخواتي وذرية أقاربي وجيراني وأصدقائي وزملائي واحبابي وجميع المسلمين والمسلمات من شر كل نفسٍ أنسٍ وجان ومن أهل الحرام والفسق والفجور ومن شر الأسواق والضياع والخطف ومن جميع الأمراض والأسقام واحفظهم من الحوادث وشر الطرق اللهم إنا نستودعك إياهم من هموم ومصائب وكوارث الدنيا ومن شر الغرق والحديد والطريق والحريق يامن ﻻتضيع عنده الودائع اللهم آمين اللهم آمين اللهم آمين
__________________________________________________ __________
>>>> الرد الخامس :
يوم هو واثق جي ان بنته يتها عين من هالموضفه
ليش عيل اتريا ست اشهور وياهم مثل المينون يدور عليها ؟
المفروض بحزتها
رد مع اقتباس
