عنوان الموضوع : كيف بتتصرفين في هالموقف ..! بليز ضروري المومة و الطفل
مقدم من طرف منتديات الضمير العربي
السلام عليكم ورحمة الله وبركاته ..
اشحالكم خواتي ..؟؟
بغيت مشورتكن ؛؛ ريلي بيسافر مع ابوه تركيا للعلاج في مستشفى العيون لمده اسبوع تقريبا ؛؛ ويبا ياخذنا انا واليهال معاه ؛؛ وطبعا انا ودي اسير واغير جو ؛؛ بس خايفه ولدي يأذيني ..!!
عمره 4 شهور ومن النوع الصياااح ؛؛ مب عارفه كيف اتصرف معاه ؛؛ حاولت اعطيه حليب صناعي قلت يمكن يشبع ويهدا ويرقد بدل هالحشره لكن بدووووون فايده ؛؛ جربت وايد انواع من الحليب بيبيلاك ؛؛ ابتاميل والحين افكر في نان لكن بدوووون فايده مايشرب؛؛ غيرت المراضع واشتريت اشكال والوان بعد بدون فايده ؛؛
ودي اسير بس احاتي ولدي من البرد هناكي وكيف بيكون الوضع؛؛ اخاف اتلعوز بصياحه بالمطار والطياره ومانتهنى بالطلعه خصوصا ماياخذ صناعي ...
عندي 3 ايام اقرر ؛؛ وبرجع احاول اعطيه المرضعه .. لكن في حاب ماتقبلها ؟؟؟؟؟؟
شورن عليه خواتي خاطري اسير ..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انزين شوفي انتي اشفطي حليب قبل كل طلعة علشان الرضعة ،،، و في الفندق
قبل لا تطلعين رضعيه بعد ،،، جربي حليب 25 جولد ،
،، و ما بتخسرين خذي استشارة طبيبة بالنسبة للحليب ،،،
خذي له لبس يدفيه و سوفت بلاي عسب يلتهي بها ،،،
__________________________________________________ __________
>>>> الرد الثاني :
المشاركة الأصلية كتبت بواسطة @miss pink@
انزين شوفي انتي اشفطي حليب قبل كل طلعة علشان الرضعة ،،، و في الفندق
قبل لا تطلعين رضعيه بعد ،،، جربي حليب 25 جولد ،
،، و ما بتخسرين خذي استشارة طبيبة بالنسبة للحليب ،،،
خذي له لبس يدفيه و سوفت بلاي عسب يلتهي بها ،،،
نسلمين فدديتج ؛؛ وبالنسبه للحليب اي اجربه بإستشارة الدكتور ما اجرب شي من نفسي .. وحليب صدري قليل يعني لو شفطت له يطلع طشووونه مايشبعه للاسف ..!
__________________________________________________ __________
>>>> الرد الثالث :
الغاليه جربي حليب nanny care
انا بنتي على طول تقبلته
وعالسفر عادي سافري وشلي وياج الاغراض اللي يحبها ولا تنسين الملابس الشتويه والأدويه
مثل الأدول والتحاميل وهالسوالف لا سمح الله ارتفعت حرارته ولا شي تكونين مستعده لها الشي
وما تحاتين
حاولي قبل لا تطلعون من أي مكان ترضعينه لين يشبع تقريبا
لا تخليه اهوا يصيح عشان يرضع لا كل ساعتين او ثلاث رضعيه
إن شاء الله تستانسين بالطلعه وما يلعوزج وايد والله يشافي عمج
موفقه الغاليه
__________________________________________________ __________
>>>> الرد الرابع :
الغاليه جربي حليب nanny care
انا بنتي على طول تقبلته
وعالسفر عادي سافري وشلي وياج الاغراض اللي يحبها ولا تنسين الملابس الشتويه والأدويه
مثل الأدول والتحاميل وهالسوالف لا سمح الله ارتفعت حرارته ولا شي تكونين مستعده لها الشي
وما تحاتين
حاولي قبل لا تطلعون من أي مكان ترضعينه لين يشبع تقريبا
لا تخليه اهوا يصيح عشان يرضع لا كل ساعتين او ثلاث رضعيه
إن شاء الله تستانسين بالطلعه وما يلعوزج وايد والله يشافي عمج
موفقه الغاليه
فديت قلبج تسلميين ع الرد ..
ممم طبعا تقريبا عندي اغلب العاب الاطفال ؛؛ تعجبه فتره ويمل منها ويصيح ..
من وين بلاقي العاب تناسب سنه وفيها اضاءات واصوات تشد انتباهه وتلهييه ،، وتكون لعبه صغيره خفيفه تنفع اشلها كل مكان ..!
__________________________________________________ __________
>>>> الرد الخامس :
هونيها وتهون حبيتي والخوات ماقصروا .. ودرب السلامه ياربي الله يعافي عمج ..
رد مع اقتباس
