عنوان الموضوع : مشكله صديقتى مع ريلها
مقدم من طرف منتديات الضمير العربي

سلام ياحلوين

انى لى صديقه من دوله خليجيه واتزوجت من الامارات والبنت تخاف ربها ومتدينه

وريلها عصبى ويحب يهاوش لانه بعد ماعندها اهل هنى يتجرا عليها وهى يحليها تسكت وتخد موقف بس ماتقدر تروح بيت اهلها


تهاوشو وهو كان معصب وايد وقالها اسكتى ولا بعطيك بالنعال تصدقون

فديتها تمت تصيح وانصدمت وماعرفت ترد دخلت غرفتها تبى تتصل وتحجز وتسافر لاهلها يوم خدت عباءه يقولها لا تخدينها هى من بيزاتى تمت تصيح حيل ماتعرف شو تسوى ولا عبرها ولا فكر يراضيها حتى انا تميت اهديها مسكينه هى ماتعرف شو تسوى وياه منو عنده حل مع العلم وايد تحملته وايد انا شفت بعيونى كانت مع اهله ملاك رغم انهم اذوها وايد وكانت تصبر عشان الاجر وها اخر الصبر بدال ما يجازيها يهينها حسبى الله ونعم الوكيل

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يصبرها ويهديه لها
اشوف لازم تسير عند اهلها حتى يعرف قيمتها وما ترجع معاه الا لو قدم العهود لها ولأهلها انه ما بيأذيها مره ثانيه وبيراعيها في غربتها , او بتم في بيت اهلها ابرك من هالبهدله
هذا ريلها من النوع الي لو ما سكتت كان اعطاها بالنعال فعلاااا
مب كافي تاركه اهلها وكل حياتها وجايه عنده!

__________________________________________________ __________

>>>> الرد الثاني :
تصرفها غلط
دام انه اهلها بعيد وصعبه تروح لهم ف هو عارفه بحركتها هذي مارح تروح ومب على كل شي ربعت ولبست عباتها وصاحت وقالت بسير الا اذا انها شايفه الحياه وياه مستحيله وهو مايحبها وخلاص نفدت كل محاولاتها
والله يوم يقوللها بفلوسي بقوله ياخذها وغصب عنك سواء بفلوسك او غيرها هذي مالتيه مب مالتك شي يخصنيه مالك حايه فيه ولاتتجرأ تاخذه
ومب على اي كلمه فرها راحت تصيح تقدر تأدبه وتخليه يصلب لسانه باسلوب ثاني انا ما اقدر اعطيها حلول لانه مب عارفه اساسا كيف علاقته بريلها وهو كيف شخصيته وهيه كيف

__________________________________________________ __________

>>>> الرد الثالث :
وينكم بنات

__________________________________________________ __________

>>>> الرد الرابع :
اختي تروح تشتكيه المحكمه وتخبرهم....قسم الاستشارات الاسريه .....الدنيا مب فوضه.....وتتصل بهلها وتقول لهم يعاملها شين....او تخبر سفارتها!

لازم تطلع من عنده .......عيب الرجل يوم يهين المراه!

__________________________________________________ __________

>>>> الرد الخامس :

المشاركة الأصلية كتبت بواسطة شعاع امل
اختي تروح تشتكيه المحكمه وتخبرهم....قسم الاستشارات الاسريه .....الدنيا مب فوضه.....وتتصل بهلها وتقول لهم يعاملها شين....او تخبر سفارتها!

لازم تطلع من عنده .......عيب الرجل يوم يهين المراه!



اختى ماتقدر لانه مهب هين بيبهدلها ساعه الغضب يقلب عدو واولادها بيخدهم هى حاتيهم لانه قاسى مب ريال طيب وسنع

واظن من خلال معرفتى بطبعه مابيسكت بيقول هى اهانه ولازم انتقم