عنوان الموضوع : تعليقات بو الشباب ... تزعلين ولا تردين عليه عالم الامومة
مقدم من طرف منتديات الضمير العربي


السلام عليكم




طبعا تخيلي وانا ادري في وايدات جي
ما يعرفون يردون ولا يقولون شي
ههههههههههههههههههههههههههه


انتي صابغة شعرج هاييج الصبغة الطر
و كل حد يسألج و يقولج من وين و جي
و ريلج يدخل عليج و يقولج شو ها الصبغة
والله ودج تعلقينه في المروحة و يمكن دافعة شي و شويات ع الصبغة



او يقولج انتي مكرشة يبغي لج رياضة
يمكن تكونين توج مربية او عندج يهال
والله ودج تعلقينه ها المرة صوب الكاراج و في الحر


و انتي رادة من عرس
و كاشخة و تبغينه يجوفج
و طاف يقولج برقد
هني خلاص ياك الموت يا تارك الصلاة


او انتي متمكيجة
و مكياجج ناعم و راقي و حلوو و خفيف
يقولج ليش حاطة مكياج
انتي بدون مكياج حلوة
و الخبلة تصدق
و تروح تفر كل مكياجها << اتمصخر هخخخخخخخ


مرات رمستهم تكون صح بس دفاشتهم شوي اتييب المرض
و مرات غلللللللللللط يعطونج انطباع ان ما يعيبهم شي
شو تردون عليهم

خلو الموضوع فرفوووشي و ردو بصراحة ما نبغي مجاملات
منو تسكت وما ترد
ومنو تصيح
ومنو ترد و تفشل ريلها


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ارد عليه طبعا خخخخ

اذا علق ع شكلي
بقوله من زينك ؟

__________________________________________________ __________

>>>> الرد الثاني :

اول يوم كنت عروس ما ارد مول
بس الحين ردي زاهب

يعني ع حسب الموقف
و عادي ترى ارد بفكاهه مب بضرابة و عصبية



مرة صبغت شعري اشقر
والله وايد روعه علي و خاطري في ها اللون
اول ما جاف شعري اونه منو قالج تصبغينه الاسود احلى
المهم اني قلت له: انا سابغة حق عمري مب حقك--- بحرف السين بعد اوني اتدلع



احيد مرة قال كلمة
ما اذكر عن التعدد و جي
قلت له انا بعد بعرس باخذ لي واحد صغير
والله ما لقيت الا لعبة عيالي في ويهي تشوهت


مرة قال لي طالعة لج حبة غريبة !
قلت من عيونك انت ابو الحسد


انا مرات عندي اسلوب اشككه في عمره!و احب اسوي ها الحركة

اقوله مثلا اسنانك مصفرة ولا احس فيها سوس
ولا ويهك مصفر و يبغي له تعديل
و عقب يتم يطالع عمره ساعه في المنظرة
اخليه يشك في عمره
و دوم يستشيرني في ها السوالف ما يروم علي ابدا




يعني في سوالف ردي عليه و تفلسفي
بالعكس من باب الفكاهة
بس لا تقولين بعرس بتنفلعين ههههههههه

__________________________________________________ __________

>>>> الرد الثالث :
اوووف الموضوع نرفزني
انا قبل كنت اصيح الصراحة يوم يعلق و جي
الحين فيه خير يقول كلمة بقطعه تقطع و بغسل شراعه و بحطه في الغسالة بعد

خاصة عن المتن يوم يعلق علي
قلت له انت لا تحمل ولا شي و فيك كرشة
يوم بتنزل كرشتك عقب رمسني ! هذا و انت تتحرك و تطلع 24 ساعه و تنكرف في الدوام
و مرات اقول له قرقش لي جيبك يا ملك جمال المكسيك خوسيه.. عسب اسوي شفط بس ابغي 50 الف
ومن سمع 50 الف انجلط خخخخخخخخخخخخخخخخخ حتى يمر شهور و ما يرمسني عن الموضوع

و يوم يرمس عن الجمال
فديتهم عيالي كلهم يشبهوني و حلوين ربي يخليهم
اقول :::فديت الانتاج بس كلهم حلوووين ع امهم
و انت بجوف منو بيشبهك خخخخ
الحين نادرا ما يعلق و مرات يبغي يعلق يسكت و ما يكمل
اقوله علق علق ترى ردي جاهز

__________________________________________________ __________

>>>> الرد الرابع :
صبغ الشعر عنده خط احمر يخرب الشعر ويخشنه دكتور الله يحفظه
المكياج يختاره لي ويقرا شو مكوناته وبعدين يخليني أحط ويقعد يمسح لا تكثري
ما اجادله وايد هو طبعه جيه الله يحفظه

__________________________________________________ __________

>>>> الرد الخامس :
انا دوم اخذ التعليقات بشكل ايجابي
لانج لو ماتهمينه ما بيقولج جيه ولا بيهتم فيج