عنوان الموضوع : أبغي أتخلص من هاالشك اللي ذابحني أشك طول الوقت لتربية الطفل
مقدم من طرف منتديات الضمير العربي

خواتي مشكلتي هي عدم إستقراري مع زوجي بسبب خياناته لي وبسبب ملاحقتي له والحين الشك ذابحني ذبح مب قادرة أتخلص منه هو اللي مسيطر علي طول الوقت حتى لو كان ريلي موجود في البيت أشك فيه لدرجة جنونية حياتي مالها أي طعم أبداً والسبب خيانته لي وإنها بعدها معاه على البي بي أم وكل ماأسأله عن هاالنك بالذات وإللي أنا متأكدة وواثقة مليون بالمية إنها هي يتم يلف ويدور ويحلف إنه لربيعه مب وحدة مب مصدقه صور الديبي تنحط له لأنه كلام حب وحرفه والبيسيات كلها بالأسود له كله غزل وشوق ويوم أراسل هاالنك يكلموني كأنه واحد مب وحدة على الرغم إني متأكدة إنها هي بالذات اللي ريلي يكلمها الحين كل مايطلع من البيت أستخف أتم أتصل له كل شوي وأتخبل إذا حصلت خط ثاني عنده أتم أصيح وأنوح وأحرق تيلفونه حراق ويطول شكثر ويوم يرد علي يسبني ونتضارب بتقولون لي طنشيه ماأقدر والله أطنشه وإذا طنشت وماإتصلت مايتصل مووول بالعكس يقولي إنه مرتاح مني ومستانس يوم ماأدق له هو يعرف إنه إتصالاتي له شك بس تفكيري كله عنده 24 ساعة كل شوي أقول الحين يالس يكلمها تدرون ليش لأني أحس إن العلاقة بينهم ماإنتهت لأني بعدني أشوفها وياه على البلاك بس ماعندي اي دليل وهو ينكر وايد أدعي في كل الأوقات وفي صلاتي خربت حياتي الله لابارك فيها نفسيتي تعبانه مب قادرة أسيطر على عمري ولو 5 دقايق وحتى لو شغلت نفسي بعد أرد أفكر مع إني وايد أستغفر وأقرأ الأذكار بس أحس ماشئ فايدة الشك والوسواس مسيطر علي مب رايمه أعيش حياتي صدقوني لو شغلت نفسي بقص على عمري تفتكرون أحتاج لطبيب نفسي يخلصني من هاالشئ اللي فيني ؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ما يحتاي طبيب نفسي الحل بإرادتج الشيطان قاعد يلعب في مخج

وبعدين اذا صدق يخونج لازم حد من اهله يعرف عشان يوقف عند حده

وبقولج شي شكج قاعد يخلي الريال يزيد من سوالفه .. الحل بايدج انتي محد يقدر يطلعج من اللي انتي فيه الا نفسج

او خبري حد من اهله عشان يطيح من عينه يمكن يصطلب

بالتوفيق

__________________________________________________ __________

>>>> الرد الثاني :
عليج بقراة سورة البقرة وبنيه الله يصلح حالج ويصلح حال ريلج
عيشي حياتج لا تفكرين في هذه الامور يعني لو ريلج ودرها ما بيكلم غيرها...... خلاص تقبلي هدا الشي وادعي ربج يصلح الحال
ولا اتمين تضغطين عليه وكل شوي تتصلين له هذا الشي بينفره منج
غيري من حياتج جددي طلعي سوي لعمرج جدول لزيارات اهلج وربيعاتج لا تخلين عمرج نفس المكان ونفس التفكير
والله يصلح حالكم يارب

__________________________________________________ __________

>>>> الرد الثالث :
شدخل الطبيب النفسي بالشك! خليكي قوية انتي ما فيكي شي إلا أوهام، وزوجك تقدرين تزبيطيه بنفسك، خلي على ثقة بالله ثم بنفسك ان الله ما رح يرضى اي شر يصيبك... احسني الظن

__________________________________________________ __________

>>>> الرد الرابع :
اذا وجوده في حياتج مرض ويسببلج هالأزمة والارهاق النفسي المتواصل
انتي قاعده ليش؟ شوه تنتظرين؟
اشحقه معيشه نفسج هالتعاسة؟ اشتري راحتج وافتكي
خلاص اذا هو مب راضي يتصلح ولا في فايده فيه
باليه عمرج ليش؟

__________________________________________________ __________

>>>> الرد الخامس :

المشاركة الأصلية كتبت بواسطة نبض الشارقة
عليج بقراة سورة البقرة وبنيه الله يصلح حالج ويصلح حال ريلج
عيشي حياتج لا تفكرين في هذه الامور يعني لو ريلج ودرها ما بيكلم غيرها...... خلاص تقبلي هدا الشي وادعي ربج يصلح الحال
ولا اتمين تضغطين عليه وكل شوي تتصلين له هذا الشي بينفره منج
غيري من حياتج جددي طلعي سوي لعمرج جدول لزيارات اهلج وربيعاتج لا تخلين عمرج نفس المكان ونفس التفكير
والله يصلح حالكم يارب