عنوان الموضوع : تعبت لتربية طفلك
مقدم من طرف منتديات الضمير العربي

السلام عليكم ورحمه الله وبركاته
انا مب راعيه النك بس دشيت من نكها لان ماقدر أسجل وانتظر التفعيل خواتي بغيت شوركن
اكتشفت الخيانه قبل فترة وهو يكلمها يمكن اكثر سنه او سنتين اكتشفت الموضوع عن طريق الانستقرام وواجهته بشهر 9 صارت ضرابه كبيرة وكنت بنفصل قال شو اللي يرضيج وغير اكاونته بس بعد ضافته ماكنت اعرف نكها الا عقب ماغير وكله تطرش له صور مثل زوجوني الحب بعقل وصور سكس ومادري شو عقب أظن ان تضاربوا وهو قال لي ان انفصل عنها ماصدقته مع ان أشوفها كله تطرش له أغاني عتاب وشعر عن حالها ومادري شو انا عصبت المشكلة يوم قلت له يقول شو تبين فيها زباله وانا مارد عليها طاف سكت مع ان قلبي ناغزني لدرجه خالتها المعرسه تكلمه في الواتس واعترف انها خالتها ومعرسه وقلت له ماله لزمه تتواصل وياها وغصبت هو بغى يهديني وعقب عصب وقال حتى الرقاد طيرتيه ماتقولين تعبان صارخا فيه عيل خالتها باجر هي وبترد لها يرد تخسي وسكت ورقد وانا حتى رقاد ماياني متغصصه أفكر خلاص انفصل عنه والقهر أفكر اهزبها بس مابا انزل مستواي لهالناس وأفكر انفصل وأفكر وأفكر ميه شي برأسي تعبت

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ماعندج سالفة تهدين بيتج بسبة هاي اللي مضيعة وقتها وتقضي فراغها تتسلى ويا الشباب الله يهديها ..
اذكري الله واستهدي بالله ..طنشيه وتمي استغفري وصلي القيام وادعي ربج الله يبعدها عن ريلج ..واقري البقرة كل ..
لاتهدني بيتج بسبب نزوة من ريلج يتسلى وياها وماذي مشروع ..انتي الاساس اهتمي فعمرج وشرغي عمرج ولاتضايجي عمرج ..كم بنعيش فالدنيا ..
وعليج فها الدعاء
https://forum.uaewomen.net/showthread.php?t=1112476

__________________________________________________ __________

>>>> الرد الثاني :
اذا هو يشوفها زباله ليش مسوي لها سالفة
سبحان الله دنيا عجيبة صار جدا عادي يرمس حرمة غريبة لو لعبة ناسي انه هذا شي يفقده بركة في حياته و ممكن يبتلي في أهله و بناته مثل ما هو يلعب بأعراض الناس حتى لو برضى البنت نفسها
الله يهديييييهم

__________________________________________________ __________

>>>> الرد الثالث :
اذا عندج الايراده ع الانفصال تراج ماخذه القرار ...

__________________________________________________ __________

>>>> الرد الرابع :
لا تستعيلين عالانفصال،، السالفة ما تسوى ،ما تعرفين كم علاقتهم متطورة يمكن مب لدرجة الزنا،،،، بس حطي الاوبشن جدامه عشان هو يعرف كم هو غلطان بحقج،،، على عموم مب لازم انستغرام،، لا يغير حسابه ولا شي،، الافضل يكنسله
أنا مب عارفة شو سالفة هالناس سواء بنات أو أولاد صغار او كبار من شافوا تقنية هبوا فيها هبة عالفاضي،،، ترى هو سلاح ذو حدين ممكن نستخدمه للنصايح والاكلات والرياضة و و قصدي الأشياء الطيبة،،بس ماشالله شعبنا على طول يفكرون في سوالف قلة الأدب وماشالله كثروا عنا عيال الحرام اللي ما يخافون يخربون بيوت الناس،، وماشي شي اسمه خصوصية،، يحطون صوررر كلل شييي،، ثياب وماكياج وشعر وجوتي والاكل والكوفي باختصار التفاهة في القمة،،، واللي يزيد الطين بلة اللايك،،، شو الهدف انج تعرضين حياتج الخاصة عالناس،، شو الهدف؟؟؟؟


الريال ليش يبا انستغرام،، بتقولين عنده بزنس،، وايد رياييل كانوا ولا زالوا يكمون شغلهم بدون انستغرام،، شو شغله الانستغرام في حياته غير إنح يفتح له بيبان أنتوا يا ناس في غنى عنها
خليه يثبت حسن نواياه،، ويحذف الحساب أو يلغيه من الانستغرام،،،،حطي له شروط لو صح يبا يكمل معاج،، على الأقل جوابه عليج بيقربج من القرار اللي تبينه سواء تكملين معاه أو تنفصلين،،، بس قصدي حطي جدامه اختبارات وشوفي نيته

الله يوفقج حبيبتي

__________________________________________________ __________

>>>> الرد الخامس :
خواتي مب سالفه انستقرام وبس يعني شو الفائدة يحذف اكاونته وهي موجودة في كل مكان واتس وبي بي وسناب وغيره لدرجه طلع وياها

انا اللي مصدومه منه ان خالتها ويعرفها وتكتب له في الواتس والقهر معرسه كيف ترضى لو زوجها ما بترضى بهالشي يعني اللي أفكر فيه شو نوعيه هالعلاقه لدرجه خالتها في الموضوع وخالتها ماظن انها كبيره في العمر على تصرفها

انا من الفير ماتكلمت وياه احس بجرح منه صعب اني اتجاوزه مب طايقه حتى اسمع صوته ... ودام هي جي لزقه مب مخليه شعر مب مطرشتنه وحتى أغاني من غير العتاب يبين ان علاقتها قويه فيه وانا وين كنت ... كل ماقول له ي فلان احسك متغير علي احس في حد مأخذ بالك يقول انتي مرض وشو ابا في البنات انا ريال مب متفيج لهالسوالف وغيره وغيره واخرتها كله جذب بجذب .... حد من خوانه اللي بعمره يعرفونها وضايفينها يعني شو افهم .... قررت أتكلم وياه الحين مع ان ادري بيجذب بس احس خلاص مب قادرة تعبت من الخاطر منه