عنوان الموضوع : بتوديها عند شيخ ..والسبب ..؟! لتربية الطفل
مقدم من طرف منتديات الضمير العربي

صباح الخير يا بنوتات و حريمات

من شوي كنا نسولف أنا و خالتي و بنت خالتي .. سوالف ما بعد منتصف الليل في المطبخ كالعاده ..(المقرمشات الليله شر لابد منه في بيتهم )
و بنت خالتي عمرها تقريبا 27 سنه ,جامعيه , موظفه أدب و أخلاق و جمال و عزوبيه ..صار لها 3 أيام ترد من الدوام و فيها شي مقطوع او مكسور اليوم الاول , نعال جديد (عزكم الله) انقطعت خيوطه مره وحده , اليوم الثاني نفس الشي صار بس نعال ثاني و بعد جديد , و اليوم الثالث شيلتها المهم .. هي كانت تتكلم عن المواقف اللي تصير لها في الدوام , و أمها قالت لها
أنا لازم أوديج عند شيخ (مطوع) يقرأ عليك , أكيد في واحد عاشق عليك (سامحونا عالكلمة ) بس أنا أنقل نص الكلام و هذا اللي مأخر نصيبج ..أنا فتحت عيوني قلت لها : لا خالو .. بنتج ما فيها شي , أعوذ بالله من الشيطان الرجيم و البنت ما اشتكت من شي و لا فيها أعراض شي الحمدلله . ضحكت خالتي و ردت تقول : لا لا مب قصدي هذاك الشي , قصدي حد من الناس , يعني بشر يا بنيتي هههههههه
تميت أفكر و استغربت انا سمعت عن ان عشق ال..ن ممكن يعطل النصيب بس عمري ما سمعت ان عشق البشر يسوي نفس الشي !!!!
أنا و بنت خالتي قلنا أكيد خالوه غلطانه فخلينا نتأكد من خواتنا في المنتدى يمكن حد عنده فكره .
بغض النظر عن موضوع الزواج يعني نحنا مب موضوعنا تأخر الزواج أو تقديمه لأن هذا كله بيد الله سبحانه و تعالى ,بس فضولنا انصب على جملة (عشق البشر) حسيناها غريبه و ما خطر فبالنا انها ممكن تأثر على الأشخاص بطريقه سلبيه !! يعني مب لدرجه تستعدي تدخل شيخ أو مطوع ...
أدري الموضوع مب وايد مهم بس تدرون سوالف طاولة الطعام
حبينا تشاركونا لو حد فيكم عنده خلفيه عن الموضوع ... و مشكورييييييييييييين مقدما
في حفظ الله

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انا قريت ف منتدى بعد انه لوو حد عاششقنج بيووقف النصيب بس جذب

شو ها نحن مسلمين نحن نؤمن انه النصيب من رب العالمين و ينكتب قبل ب 40 يووم و مااا يخصه ف عشق !!

اذا جي عيل ماحد عرس تدرين شبابنا من شافوا مزيونه عشوقها =) و ماشاء الله بنااتنا كل وحده تشاااور القمر و تنزح مكااااانه > فرت القصيييد =)


يتراوالي خزعبلاااااااااااااااااات في خزعبلاااااااااااااااات

النصيب من رب العالمين

__________________________________________________ __________

>>>> الرد الثاني :
مثل ماقالت الاخت كل شئ قسمه ونصيب
وكل شئ مقدر ومكتوب مايخصه العشق أبـدآ
النصيب بيد الله سبحانه وتعالى فقـــــــــــــــــــــــــط

__________________________________________________ __________

>>>> الرد الثالث :
مادري بس اتوقع مافيها شي لو سارت عند الشيخ
يعني قرات القرآن مايخصه اذا الواحد فيه سحر ولا عين وهالامور

يعني عادي اي حد يسير ويقرون عليه

وموضوع الزواج من الله بس بعد ليش لا مااحس الموضوع فيه شي

موفقه^^

__________________________________________________ __________

>>>> الرد الرابع :

المشاركة الأصلية كتبت بواسطة سكره الامارات
انا قريت ف منتدى بعد انه لوو حد عاششقنج بيووقف النصيب بس جذب

شو ها نحن مسلمين نحن نؤمن انه النصيب من رب العالمين و ينكتب قبل ب 40 يووم و مااا يخصه ف عشق !!

اذا جي عيل ماحد عرس تدرين شبابنا من شافوا مزيونه عشوقها =) و ماشاء الله بنااتنا كل وحده تشاااور القمر و تنزح مكااااانه > فرت القصيييد =)


يتراوالي خزعبلاااااااااااااااااات في خزعبلاااااااااااااااات

النصيب من رب العالمين



سكر الامارات و الله انك سكر و كلامك عسل و شي أكيد ان النصيب من الله سبحانه و تعالى هذا شي ما نختلف عليه و انا ذكرت هالكلام في موضوعي بس خالتي تقول نفس مافي سحر يسبب تعطيل الأمور بغض النظر كان زواج او غيره فعى كلامها نفس الشي يصير في عشق البشر و العشق يفرق عن المحبه أو الاعجاب ,و باسم الله على شبابنا اعجاب من اول نظره بس ما وصلوا المراحل المتأخره ههههههه الله يهديهم و يهدي الجميع .
احم احم و صح كل وحده من بناتنا مب تشاور القمر ,الا تفره بعييييد
وانا معاج يتراوالي خزعبلات . مشكوره على المرور الحلو

__________________________________________________ __________

>>>> الرد الخامس :
غريبه انا بد اول مره اسمع عن عشق البشر ؟؟؟
خبرينا بالتطورات عاده