عنوان الموضوع : حامل وزوجي يخوني!! لتربية الطفل
مقدم من طرف منتديات الضمير العربي

سلام عليكم ورحمه الله وبركاته

خواتي انا متزوجه من 7 سنين وعندي طفلين وحامل بالثالث زوجي انسان يدعي انه ملتزم ويصلي كل فرض في المسيد ويصوم ويقرا القران ولكن للأسف يخوني دوم اما علاقات تلفونيه او مسجات ويمكن في الفراش ( الله اعلم) وكل ما اواجه ينكر ويغير الموضوع ويتهمني اني انبش اغراضه وتليفونه واني ما لي حق افتش تليفونه وبدل ما يعتذر يقلب الموضوع على راسي فوق تحت ومن ناحيه الحمدلله بشهاده الجميع انا اصغر منه بوايد وجميله وجامعيه حتى كنت من فتره اداوم وماسكه منصب طلب زوجي مني اني اترك وظيفتي واتفرغ له وللعيال واستقلت وفي الأخير يقول لي أصلا انتي استقلتي عشان انتي مب مال شغل ودوام مع اني طموحه واحب شغلي وناجحه والحمدلله بس فضلته هو وعيالي على وظيفتي

من ناحيه العلاقه الزوجيه الخاصه من اول ما تزوجنا هو وايد مقصر وياي وانا البس واكشخ له وهو يقول لي ما عندج سالفه حد يقول حق حرمته هالكلام ااتصدقون حتى ما اطلع برا البيت كله يالسه في البيت اجابله هو والعيال والاكل احطه بايدي وفي الأخير ينتقد كل شي
المهم من يومين انا بالصدفه شيكت موبايله شفت مسجات جنسيه مطرشنه حق وحده الصراحه انهرت ويلست اصيح ومن كثر الصدمه ياني الطلق وعطوني ادويه عشان يوقف الطلق لان بعدني في شهر السادس عورني قلبي انه مسوي روحه انسان شريف متدين وهو من تحت لين تحت ويوم انا ايي عداله وأقول له كلام مثير يعصب علي يقول عيب هالكلام انتي ماسخه ( الحين الحرمه يوم تتغزل في زوجها وتقول له كلام جنسي استوت ماصخه)
يوم شفت المسج الجنسي اللي مطرشنه صراحه يتني صدمه ما توقعت ريلي متدين ويطرش مسجات جنسيه وانا حرمته ما يعاشرني ويوم اطلب منه يقول لي بعدين بعدين او يقول لي ما عندج سالفه

خبروني الصراحه خواتي شو اسوي معاه تعبت وايد من امس من التفكير وانا لين الحين ما واجهته لان اعرف بتم يتهرب ويقلب الدنيا على راسي وانا روحي تعبانه وحامل وما ابغي اربي في السادس واتعب

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
خبروني خوااتي لو كنتوا بدالي بتفكرين اتيبين عيال منه مره ثانيه ولا بتكتفين اللي عندج والله يخليهم ان شاء الله

__________________________________________________ __________

>>>> الرد الثاني :
الله يهديه ويسخره لكم

__________________________________________________ __________

>>>> الرد الثالث :
لا حول ولا قوة الا بالله

الله يقومك بسلامة وبعدها وقفي أنجاب العيال يحتاجوا لآب قدوة

ثانيا أنصحك وبقوة تبحثي عن عمل وترجعي لترتيب حياتك واسترداد شخصيتك والآعتماد علي نفسك

ثالثا أنت شو مقررة الآستمرار مع زوج خائن مقصر بحقوقك أثبات الخيانة ليس صعب كون تمسكي أشياء أحتفظي فيها حتي لو أنكر عندك ما يثبت

شوفي الآيجابيات والسلبيات بحياتك وأيهم أكثر ولا أحد يستطيع أن يتخذا القرار غيرك


__________________________________________________ __________

>>>> الرد الرابع :
أختي انا مريت وأمر باللي انتي فيه الفرق ان انتي خليتي وظيفتج وهاي غلطة انا تغربت عن أهلي عشانه وكانت نفس النتيجة خيانة ثم خيانة وسفر و هجر. شي يكره الوحدة فحياتها المهم انا أشوف رأي الأخت الأحلام الملونة زين لانه عن تجربة ييب نتيجة بس على المدى الطويل الله يعينج ويقويج ويقومج بالسلامة

__________________________________________________ __________

>>>> الرد الخامس :
حاولي تردين دوامج.