عنوان الموضوع : في غرفتي..... شي غريب لتربية الطفل
مقدم من طرف منتديات الضمير العربي

في غرفتي .... شي غريب

السلام عليكم ورحمة الله وبركاته...

اول شي اتمنى المشرفات ما ينقلون موضوعي لقسم ثاني لانه ها اكثر قسم في مشاركات تقريبا
والموضوع ما يخصه في النظافه وجي..

بنات انا من فتره تقريبا من قبل رمضان ..فجأة كل يوم تقريبا اشم ريحه كريهة في غرفتي.. ها الوقت اكون يالسه في الغرفة ع النت ها الريحه تطلع فجأه ما اعرف مصدرها ابدا تستمر فتره جي في حدود الساعه او اكثر اشوي وتختفي
من شو هالريحه او شو مصدرها ما اعرف الصراحه وها الشي اللي مخبل بي تدرون ليش
لانه غرفتي نظيفه جدا جدا كل يوم انا اللي انظفها بنفسي ما عندنا شغاله في البيت .. اغير المفرش واغسل الشراشف و اغير لبس المخدات بشكل اسبوعي واعطر الفراش بعطر الفراش وادخنه بعد.. ومستحيل مستحيل اقعد اكل في الغرفه
اكنس الغرفه وامسح السراميك بمنظف السيراميك وبعدين بالديتول .. و طبعا امسح الغبار وبعدين ابخر بشكل يومي وانوع بعد يعني مره عود.. مره دخون مره لبان او لبان معطر
الكبت نظيف ماشاء الله بروحي اكوي الملابس وابخر الكبت بعد..مممم شو بعد تحت السرير نظيف يلق ماشاءالله الغرفه بشكل عام نظيفه وها اللي مخبل فيني.. شو هالريحه الغربيه والكريهة؟؟؟ من اشمها انقز من مكاني ادور في كل الغرفه احاول اعرف من وين بالضبط..

شو تفسيركم للموضوع فيدوني بليز!!!!!!!!!!!!!!!!!!!!!!!!!!!!!!

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
سماد ، يوم اي حد يحط سماد في البيوت الي حولينا ، البيت كله تصير ريحته فار ميت حزة المغرب ، و بعدين تبدا تختفي

__________________________________________________ __________

>>>> الرد الثاني :
مع العلم ان نحن ساكنين في فله

لكن مادري كيف الروايح الخايسه تنتشر بهالشكل

__________________________________________________ __________

>>>> الرد الثالث :
يمكن فار ورا الكبتات صغير او طيطار ميت ومعفن

__________________________________________________ __________

>>>> الرد الرابع :
ما اعتقد سماد..

ام رشودي فديتج.. اذا فار او طيطار بتم الريحه طول الوقت لين اشيل الشي الميت صح؟؟؟

بس الريحة تظهر فجأءه وقت محدد وتختفي.. يعني العصر ماشي ريحه موليه .. ولا المغرب ولا العشاء
بس هالوقت اللي ذكرته .. تطلع فجأءه قمت اخاف الصراحه,, اتم اشوي في حدود الساعه وتختفي بس

هيه نسيت اقولكم بعد اللي لاحظته قبل رمضان بالضبط الساعه اربع الاربع الفجر كانت تطلع الريحه.. كل يوم من اشمها عيني ع الساعه واتكون في نفس الوقت تقريبا... اما الحينه لا بعد الساعه وحده الفليل!!!!!!!!!!!!

بتخبل من هالسالفه

__________________________________________________ __________

>>>> الرد الخامس :
ماعندي رد