عنوان الموضوع : ريلي بيعرس لتربية طفلك
مقدم من طرف منتديات الضمير العربي

خواتي بخبركم بسالفتي وعطوني رايكم
انا متزوجه من 4 سنين وعندي بنت والحين حاامل والحمدلله ..حياتنا انا وريلي ماشيه ع احسن حاال والحمدلله ما مقصر وياي ف شي من جميع النواحي والا انا مقصره وياه ف شي.. من فتره راجع من تايلند وصدمني بخبر انه يبغي يتزوج تايلنديه مسلمه وانه يبا يسكنها معاي ف نفس البيت ..طبعا انا للحين احس اني مب مصدقه وع بالي انه يسولف وياي هو دايما يقولي انه بيعرس ويضحك بس هالمره قالي اتكلم جد ..وقالي شو رايج.. انا ما عرفت شو اقول يعني فوق انه بيتزوج بيسكنها وياي ف بيت واحد ..وانا قلت ليه اذا بتزوجها ما عندي مشكله بس انها تسكن وياي ف نفس البيت هذي مستحيل ..وقلت ليه اذا دخلت انا اطلع وقالي اونه انا اباج مب مستغني عنج بس ما اقدر اسكنها بروحها وهي ف بلاد غريبه ومن هالكلام انا طبعا ما اقتنعت ابد والفكره مب راضيه تدخل راسي ..اخر شي قالي سوي اللي يريحج واذا بتسيري بيت اهلج انا ما عندي مشكله.. مب عارفه شو اسووي والله ايلس والا اسير بيت اهلي وما حابه اكلم حد من اهلي الحين ..شور عليي. .والسموحه طولت عليكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله ييسر امورج اختي

ان شاء الله البنات يفيدوج

ما حبيت اطلع بدون ما ادعيلج ^^

__________________________________________________ __________

>>>> الرد الثاني :
احس نفسي منصدمه من هالكلام , ليش الرجال يسون هالشي دام ما في تقصير ودام في اسرة واولاد !!!
كان الله بعونك اختي , ونصيحتي لا تخربين بيتك عندك اولاد ولك حياة فيها الزين وفيها الشين , حاولي معاه بالسياسة يسكنها بيت بروحها
والله يهديه لك

__________________________________________________ __________

>>>> الرد الثالث :
الله يسر امورج اختي مااعرف شو اجولج

__________________________________________________ __________

>>>> الرد الرابع :
مشكورات خواتي ع الردود.. ما اظن انه يقتنع يسكنها بروحها لانه اليوم قالي كلمه ما عرفت شو اقول من بعدها.. قالي البيت بيتي واقدر ايبها واسكنها بدون ما اخذ رايج

__________________________________________________ __________

>>>> الرد الخامس :
اختي سيري بيت اهلج لين تهدا النفوس
ويمكن يحس بقيمتج وغلاتج وقدرج
وحاولي تدعين ربج فالليل وتناجينه


وان شالله يارب مايعرس عليج