عنوان الموضوع : مجرد فضفضة والله كريم لتربية الطفل
مقدم من طرف منتديات الضمير العربي

السلام عليكم

عندي اخو كان اقرب اخواني لي ، ومن كثر ما هو قريب مني زوجته لأفضل صديقة عندي ، ومرت اول كم من سنة من زواجهم وهم عايشين احلى عيشة الكل يحسدهم عليهاا ، بس قبل كم من سنة تغير كل شي وتبدل حال اخوي ، قبل كان ماشاءالله من كثر ما هو حاله زين حتى اهلي مب مقصر عليهم ، قام الحينه يقصر حتى على زوجته ، سياييره باعاها ، حتى درهم ما كان عنده ، وعقب اكتشفنا المصيبة ان على علاقة بوحدة من هالجنسية اللي ما تتسمى ، لا تلوموني لو قلتلكم اني قمت اكره هالجنسية ، ادري البعض منهم مالهم ذنب وناس حشيمين ، بس الفئة الخايسة اللي في بلادنا شوهت صورتهم ، من 3 سنين وحال اخوي متغير ، هيه الريال مسحور وانغسل قلبه حتى من اهله ، بعد ما كان الكل يحبه ، صار الحينه عار ، بعد ما كان خدوم صار ما فيه خير ، بعد ماكان صاحب مسؤولية صار سفيه ، بعد ماكان يعطي غيره بدون مقابل قام يمد ايده للي يسوا واللي ما يسوا ، عندنا مليون جنسية عربية واجنبية في بلادنا حتى لو كانوا عيال بلادنا ياخذون منهم بس ما تغيروا ، ليش هالجنسية بالذات ؟؟؟ ليش صاروا الحريم يخافون على رياييلهم منهم ؟؟ ليش ضاقت عليهم الدنيا ياخذون ريال متزوج ؟؟ بتقولون الريال هو السبب ، انا وياكم بس لو القهاوي صارت خطر عليهم عيل وين يرورحون ؟؟؟ من كم من يوم وحدة منزلة موضوع خايفة من ريلها يسافر هالبلد ليش ؟؟ لو قالها امريكا او اوروبا بتخاف ؟؟؟
انتوا مب وياي ف البيت ،، ما تشوفون دموع امي كل يوم
ما تشوفون حرقة قلبها على ولدهاا
3 سنين ونحن دموعنا ما جفت من الحزن
لو يانا تلفون او رن التلفون نخاف نسمع شي عن اخوي
ماقول غير حسبي الله عليهم ، عسى حوبة امي وكل ام وكل زوجة انحرق قلبهاا ما تعداهم
الله يرد كيدهم بنحرهم
وطبعا زوجة اخوي الله يعينهاا ومب مقصرة فيه
ويحبها وليومكم هذا يحبهاا
تدرون مرة اخوي شو كان يقول لي ، يقول يوم ادخل بيتي او لما ايي عندكم احس بضيقة وجنه حد يمنعني
وانا ما اقصد كل بنات هالجنسية لأن شي منهم ينحطون ع الراس
ادعوا ان الله يفج عوق اخوي ويفكه منهاا
انا قلت ما بشتكي لحد لأن الله سبحانه كفيل بعباده
والنعم بالله وللحينه عندي أمل ان بنرتاح قريب
بس مجرد فضفضة والله كريم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يفرج همكم و يرجع اخوج مثل قبل واحسن
والله لا يبلي حد مثل هالبلاء يارب.

__________________________________________________ __________

>>>> الرد الثاني :
حسبي الله ونعم الوكيل

__________________________________________________ __________

>>>> الرد الثالث :
الله يهديه ويفرج عليكم
مثل ما قلتي هالفئة ما تسيء الا لنفسها وما تمثل بلد كامل
الله يهديه ويرجع لحرمته ولاهله

__________________________________________________ __________

>>>> الرد الرابع :
الله يفرج عنه يارب و يريح قلوبكم. بصراحه الوضع صار مخيف

__________________________________________________ __________

>>>> الرد الخامس :
وربما نازلة يضيق بها الفتى وعند الله منه المخرج