سبحان الله كل زوجين يجعل الله بينهم مودة ورحمة
ورب العالمين قال الخبيثات للخبيثين والخبيثون للخبيثات والطيبات للطيبين والطيبون للطيبات
فاذا اجتمع طيب مع خبيثة او العكس تتحول حياتهم جحيييييييم وكللللللله مشاكل
بعض الاحيان يكونون الزوجين مرتاحين مع بعض لكن الظروف تجبرهم على الانفصال سواء ظروف اجتماعية او مادية
طلاقي من الاول بسبب عدم وجود سبب واحد يخليني اعيش معاه كزوجة
اذا فكرت اتنازل عن شي،، اشياء ثانية لا
لا انا قادرة اعيش شبابي معاه
ولا هو كريم معاي
ولا اخلاقه ولا معاملته طيبة معاي
ولا هو تاركني اتعلم او اشتغل او اسوق او اتسوق او حتى اتكلم بالتلفون مع صديقات او جيران
شكاك حتى وقت بغيت اتحنى للعيد يبت محنية للبيت قالي يمكن هذي عندها شذوذ!!
وهو مايحتاج من ناحية الاخلاق
يتحرش بمختلف الجنسيات وين ماروح معاه جدام عيني لدرجة انهم يتحروني ربيعته واشكثر اللي يسلمن عليه من كل الجنسيات ( اثيوبيات وهنديات وسوريات........ ماخلى جنسية الله ياخذه)
تزوجني قطوة مغمضة ويسمعني كلام يشيب الشعر وعقدني من الناس من سوالفه
كنت ياطلع من عقلي والا ديني
اخترت ديني و بكل هدوووووووووء طلبت يوديني بيت اهلي بعد ماسكرت شنطي وهو يطير ويحل مايعرف شو السبب!!!
ظليت في بيت اهلي فترة معلقة رافض الطلاق وانا بروحي اراكض في الموضوع
واخيراً بعد ماقربت اكمل سنة في بيت اهلي رضى يحضر المحكمة وتخلصت من الهم
والوالد وزع هرييييييس والكل فرح لي
مع ان ماحد وقف معاي غير امي والكل حيادي ماتدخل
وكملت دراستي وسقت وتزوجت وخلفت
رد مع اقتباس
