عنوان الموضوع : مقهووورة من كلمة عانس لسعادة الزوجية
مقدم من طرف منتديات الضمير العربي
خواتي اليوووم صار لنا بالدوام موووقف لا نحسد عليه
عندنا وحده من بنااات مكتبنا مووول مب لطيفة وتفر رمسات وترمس عن الناس بغيابهم باختصااار مافيها خير ومب مريحه
واليوم صادف ان وحده من بنات مكتبنا يايه من بعد اجازة زواج شيء طبيعي كلنا حواليها وهاا شو سويتي وهالسوالف ... وكل اللي بالحجرة معرسات باستثنااء وحده بس عمرها 28 سنة
اشوووي والا تنط هاااايج اللي موول ما اندانيها وتقووول اخبركن
اللي مو معرس يسمونه عزابي واللي مو معرسه شوو يسمونها عانس
كان انط واقوولها لا في اللغة العربية عزباء كان تقوول بس عندنا عانس ... انزين سؤال ثاني كم هو سن العنوووسة فوق العشرين صح ( على اساس ان هي معرسه صغيره وايد) كان انقوولها لا يالله يالله 40 سنة كان تقووول لا انا برايي اللي تتعدى العشرين وما عرست عااااانس
طبعا الرمسه كلها كانت حق هاييج اللي مو معرسه واهي قافطه حليلها ونحن شعمنا اللي لسانها طويل وغيرنا السالفه وكل ما تحاول ترمس نعتبرها مو موجوده
الصراحة غمضتني ربيعتنااااااا حليلهااااااا ومقهوووة حيل عشانهاااااا
ليش في بنات جذي وقحات يفرن رمسات ما يثمنوها ما تخاف باجر الله يبليها وتطلق والا يبلي بناتها وما يعرسن
استغفر الله
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله كريم ..
الله كريم
ربج أكرم بعبيده من عبيده <-- سبحاانه
__________________________________________________ __________
>>>> الرد الثاني :
لا اله الا الله محمد رسوول الله
ان شااء الله بيرزقهاا بالريل الصاالح
وتفكيرهاا داون زميلتكم
الله رزقهاا بالريل وهي صغيره ويمكن عقب فترة تتطلق
مااتعرف بااجر شو بيصير لهاا
بس لازم تحترم الي حوالينهاا
البنت شوو ذنبهاا انه مااعرست
<<<=== الله يرزقهاا بالزوج الصاالح ويوفقهاا واتكوون سعيده في حيااتهااا يااربي <<== دعووة من خااطري ويعلهاا التوفيق
والله يوفقج اختي وفعلا كنتي اخت داافعتي عنهاا ومااسكتي عن هالشي
__________________________________________________ __________
>>>> الرد الثالث :
الله يرزق اربيعتكم بالزوج الصالح والله يجمعني باللي في بــآلي... آميــــــــــن...
والله يهدي اربيعتكم ^.^
__________________________________________________ __________
>>>> الرد الرابع :
الله يرزقها وياخذ بثارها ومب عيب الوحده تتعدى الـ20 ماتزوجت لاان كل انسان بهالدنيا مكتوب له نصيبه باللوح المحفوظ قبل ماينخلق ..ف ليش الواحد يضيق صدره وهالمريضه الي معكم بالمكتب الله يشفيها اذا تدق على الي ماتزوجو وتخزهم بحكيها قوليلها الله يمهل ولا يهمل..
تقبلي مروري
سوسو
__________________________________________________ __________
>>>> الرد الخامس :
وينننننننننننننننها هاااتيها صوبي ...
مب جنهــ قويــــــــــــه شوي عن الازم مب حلوه ابــــــــــــد ....
ماشي احترام لمشاعر الغير ...
ويعني عرست البنت او ما عرست مالهم حق يسمونها اصلا عاااانس ....ماادري منوه اخترع هل الكلمة اصلا ً ...مجرد كلمـــة تجمل وضع البنت الي طافها قطار الزواج ....والله اعرف بنات طوفو 30 وعرسو ...ومطلقات بعيالهن وعرسن ...وارامل بعد نفس الشي ...كل شي قسمة ونصيب ....
وبعدين انا صدق مقهورة ...مع اني مب كبيره بس يوم قالت سن العشرين ...تذكرت عمري ...اللحين انا اعتبر عااانس بعد فهل العمر ...22 سنــــــــهــ ؟؟؟!!!
اختي اسمحي لــي انتو عاطينها ويهه زيادة ...المفروض يوم تشوفون هااي تصرفاتها يا تنصحونها او تسووون لها اكبر طااف انتو لين متى بتموون تسكتونها ويهه تعق رمسات ...باجر بترمس عنكم ....
والسموحه منج بس انقهرت وااايد وما احب هل النوعية من الحريم ...
رد مع اقتباس
