عنوان الموضوع : شو ناويه تسوين بحياتج؟ لسعادتك
مقدم من طرف منتديات الضمير العربي
السلام عليكم و رحمة الله و بركاته
اخواتي حبايب قلبي مثل ما الكل يشوف فهالمنتدى تأخر زواج و طلاق و ارامل
الخلاصه انتي بتعيشين حياتج حتى يحين رزق الله لج لحالج يعني انتي اروحج ولية امرج (و اهلج بعد يشاركوج هذا الشي)
كيف ناويه تخططين لحياتج؟ و كيف ناويه تعيشيها؟ كيف بتكون اهدافج؟
تكملين دراسة؟ تشتغلين؟ تاخضين دورات؟ تبدين مشروع؟
شفت موضوع حياتي بإرادتي و لقيته مفيد لترتيب الاهداف و قاعده اتابعه من بعيد لبعيد
https://forum.uaewomen.net/showthread.php?t=964323
و موضوع اخر اسمه الجرد بس مالقيت رابطه
انا مش قاعده اقول انسوا نصيبكم و يالله سووا طاف فبليز محد يفهمني غلط
و مش قااااعده اقووووول ان حياتج بدون زوج انتهت!
الي قاعده اقوله لحد ما ايي النصيب شو بتسوين؟ ممكن يكون الاسبوع هذا او على العيد نصيبج
او ممكن بعد سنه و سنتين
كيف بتتعاملين مع حياتج؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بحط صورتي وبكتب ...
wanted
اتمصخر طبعا انا عمري 24 الطريق بعده جدامــــي وع قولة اختي القطاار فات بس انا ماعندي شي اسمه قطار زواج ..شي مترو واحد في البلاد خواتي المتزوجات تزوجن في عمر اقل من 24 بقيت انا ووحده من خواتي ..
بس انا حياتي ما وقفتها ع نصيب ..بالعكـــس درســـت وتخرجت والله عوضني بأمور كثيره ...شغل وراتب ...حياتي كانت ايام الدراسه حلوه لاني تعلمت وايد اشياء من الكليه وبرزت في امور كثيره ...حاليا اشغل نفسي بالشغل (تدريس ) ما اقول اني ابد ما افكر في العرس ...كل بنت تحب تعيش وتكون اسره مستقره وبيت وعيال وزوج يحترمها ويصونها ...
الي ناويه اسويه في حياتي ...اول شي اتقرب من ربي اكثر ...الحمدلله مواضبه ع الصلاوات والدعاء ..بس ابا ادخل في اعمال تطوعيه ...وناويه ان شاء الله اخذ لي كورس انجليزي ابا اجدد لغتي ...امي تشجعني ادرس ماستر . وفعلا قدمت بس سبحان الله ربي ما راد لي وفعلا حاليا امر بظروف صعبه قلت لو انا ادرس اللحين بتعب اكثر ...ان شاء الله بدرس ماستر يوم الله بيكتب لي ...وطبعا خااااااطري اسوي لي جدول ع الاقل يوم في الاسبوع اسير الجم او احظر دوره مكياج ..بسوي ان شاء الله جريب اتريا وضع شغلي يتحسن ...
والحمدلله رب العالمين ..
لاني مؤمنه بكلام ربي ..وعلى نياتكم ترزقون ...وبشر الصابرين ...كل وحده نيتها زينه ربي بيرزقها على قد نياتها ...شو فايدة اتزوج بسرعه يمكن يكون الريال مب زين ...كل وحده تحط هل الكلام في قلبها وتعيد وتزيد ...انه من توكل ع الله فهو حسبه ...ربي ما اخر شي إلا لانه فيه حكمه وخير ...
__________________________________________________ __________
>>>> الرد الثاني :
اختي ونات قلب بصراحه موضوعج حلووو ..
وانا بعد مليت من كثر ما افكر في موضوع الزواج بس قررت اني اشغل عمري بأي شي .. وسويت لي جدول والحمدلله ماشيه عليه واللي ربنا كاتبنه بيصير ان شاءالله ..
اولاً اداوم وارد ومن الدوام اخذ لي قيلوله لين العصر ..
انش اصلي العصر والبس واروح النادي لين 5 ونص ..
ارد البيت ايلس مع اهلي ان كانوا موجودين لانه محد فالبيت الا ( امي واختي وانا )
مرات ايلس عالنت او اطلع اخلص مشاويري او ازور حد من اهلي ..
وارقد من وقت لاني انش الساعه 3 ونص اصلي واقرا قران واستغفر وادعي ليين صلاة الفير وارد ارقد لين وقت الدوام ..
وبس ها يومي كله .. وناويه ان شاءالله ادخل دورات انجلش وميك اب وكمبيوتر يعني اطور من نفسي لين تتعدل اموري الماليه واكمل دراستي ان شاءالله ..
__________________________________________________ __________
>>>> الرد الثالث :
بالتوفيق خواتي
__________________________________________________ __________
>>>> الرد الرابع :
لين احين ولاشي انصحوني
__________________________________________________ __________
>>>> الرد الخامس :
حلو موضوعج ^^
و ع حسب البنت اذا مستعيله ع العرس و تفكر فيه وايد ,, و ع حسب اللي عادي عندها و راضيه بنصيبها متى بيي
عن نفسي اشوف اختي الكبيرة عمرها تحت ال 35 و ما معرسه بس اشوفها ما تفكر بالعرس خير شر ^^
و منظمه وقتها ما بين دوامها و قعدتها ويانا و ما بين الطلعات و الجيم ^^
يعني احس الزواج اخر همها
انا فرحانه لها لانها عايشه حياتها و مستانسه ,, بس بعد ابى افرح لها فعرسها ,, خصوصا انه خواتي 2 اصغر منها و عرسوا و هم صغار ^^
و انا شخصيا ما فكرت اسوي شي خخخخخخخخخ
لاني موقفه كورس فالكلية و ما اعرف متى بكمل و ما اعرف شو بصير فالمستقبل
و الله يرزقني و يرزق كل بنت تتمنى تتزوج بالزوج الصالح
رد مع اقتباس
