عنوان الموضوع : حد غير بيرشحني عروس؟ لسعادة الزوجية
مقدم من طرف منتديات الضمير العربي

السلام عليكم و الرحمه


شحالكن؟!


حبيت افتح موضوع شوي معوّر راسي و شوي مسبب لي ازمه

من سجلت فالمنتدى هنيه و كتبت عن ان خاطريه اعرس من قبل لا يكون هالقسم موجود و صلتني اكثر من رساله على الخاص

بعضها كان باسلوب حلو و كانن يبني كعروس لحد من العايله بس في رساله صاحبتها جدا حرقة لي قلبي.

اولا طرشت لي رساله و قالت لي اعرف عن نفسي بشكل عام عطيتها على قد سؤالها

بعدين شرحت لي عن حد من اهلها و انها تريد له عروس و عطتني مواصفاته

استغربت من الرساله و قلت لها ها نت و الواحد ما يضمنه و من هالكلام. بس هيه اصرّت بانها شافت مني كل خير و الحمد لله

و قالت لي الحين رمضان الكل مشغول و على العيد بنزوركم!!

انا كنت مستغرررررررربه رسالتها و فنفس الوقت كنت مستانسه لان كان رمضان و كان على الاقل موضوع خطوبه انفتح و هالشي عطاني دافع اني ادعي ربي اكثر و اكثر

طبعا الي صار انها بسسسس قالت لي بنزوركم و لا هيه تعرف نحن منوه بالضبط و لا حتى سألت عن رقم اهليه هههههههه

طرشت لها رد و قلت لها بالتوفيق و الله يرزقه بنت الحلال الي يستاهلها. بعد العيد او خلال العيد ما اذكر، بس طرشت لها مسج عشان تستوعب ان مجرد فضفضتيه في موضوع باني اريد اعرس ما يعطيها اي حق بانها تلعب بمشاعريه و لا انها تعشمني بشي هيه مش مقتنعه فيه من الاساس

هذا بغض النظر اذا كنت اصلا انا مقتنعه و لا لا


اتمنى من البنوتات الي معانا انهم ما يطالعونا بعين الشفقه و اذا عيبتج مواضيع بنت من البنات و حبيتي تجسين نبضها و ترشيحها كعروس جربي تتعرفين عليها اول و اقري ردودها و مواضيعها و سوالفها

انا اول ما دورت في ردود الاخت الي كلمتني ارتحت لاسلوبها و لكن لقيتها كاتبه عن هذا الشاب موضوع و كان شي خلاني اتردد و بدال لا اقول لها لا قلت لها النت و محد يضمنه و قلت لها ممكن اقول لج اني انسانه قمه فالروعه و اخر شي قريبج هذا ينصدم يعني راعيت شعورها و طلعت الغلط انه احتمال طلع مني

بس هيه سوت العكس و ما راعت شعوري


الرزق بيد رب العالمين و الله سبحانه و تعالى حث العباد على الاخذ بالاسباب و السعي فيها و لكن هالموضوع ما نقدر نسعى فيه بحكم العادات و التقاليد و نظرة الناس لهالشي

انا كنت اتمنى اتعرف على بنات معينات و نسولف و نغير جو مع بعض بس ما بحط هالشي عشان وحده فيهن ترشحني لا بالعكس بنسولف و عادي و ادري انه بعض البنات يرتاحون لبعض و يرشحون بعض لاخوان بعض و هالشي يوصلوا له من بعد يمكن شهوور و هن يسولف و يعرفن بعض

مش بدون سابق انذار و اول مره اشوف النك وع طول اريدج لخالي!


اسمحوا لي الموضوع منرفزني لاني فهمت من اسلوبها و انها ولا مره كلمتني انها تريد بس "تواسيني" و انا بصراحه الحمد لله عايشه حياتي و عندي رب رزاق اتوكل عليه






ع فكره الي تريد تعرف اي شي عني تسال ما بقول لا

امزح فديتكن بس حبيت افضفض لا اكثر و لا اقل

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
وعليكم السلام و الرحمة ،،

حبيبتي والله .. طنشششي مثل هـ البنات ..
في بنات بصراحة أسلوبهم في التعامل غريب عجيب !!!
انا بالنسبة لي .. مش عيب الفضفضة ولا الكلام ..
وبالعكس كلنا خوات نسولف ونفتح قلوبنا لـ بعض ..

الله يووفقك يآرب ويرزقك من حيث لا تحتسسسسسبي يآرب ..

__________________________________________________ __________

>>>> الرد الثاني :
أهلين ونأت قلبي ايشحالك على قواتكم و يسعدني ان اكون صديقتك الاكترونية المهم ما علينا بغيت أسالك أنا استغرب لما اسمع ان فيه بنات عندكم طولو ما تزوجو مع أنكم تكشفون يعني لو اي شاب شاف وحدة و عجبته طرش اخته او امه لها و تتم التفاهم بينهم او هو يلحقها لبيتها و بعدين يطرش اهله و يتقدم لأهلها اما حنا الأغلبية نغطي يعني الزواج عندنا اصعب منكم ممكن وحدة توضحلي

__________________________________________________ __________

>>>> الرد الثالث :
أختي , لا تضايقي , وطنشي , يمكن فعلاً قصدها خير ويمكن تسرعت وكلمتج بدون تفكير وبعدين أكتشفت أنه مرتبط أو خاطب أو قالت له وقال ما يبغي يتزوج أو أكشفت متأخر أنه ما يناسبج, ماعليه سبحان الله ما تعرفي شو اللي صار,وأكيد خير لج, توكلي على الله وإحسن الظن بربج وإن شاء الله يرزقك الزوج الصالح اللي يستحقج. آمين.

__________________________________________________ __________

>>>> الرد الرابع :
آآه طنشي فديتج طنشي ادري هالاسلوب يخلي الوحده تعيش بالاحلام وواهام بس الله كريم

يآآرب ارزقنا بزوج الصالح عاجلآآ غير آجلا يآآآآآآآرب

يآآرب عجل ولاتؤجل

يآآرب اكتب لي في هذه ايامي القادمة فرحة تغير مجرى حيآتي للابد

اللهم آآآآآآآمييين
آآآآمين
آآآآمين

__________________________________________________ __________

>>>> الرد الخامس :
الغلا ونّات قلب ..
أأيدج في الموضوع، ويا ناس ويا بنات ويا حريم ويا عالم نحن مب محتاجين تزيدونا هموم وتلعبون بمشاعرنا، يينه نفضفض وتشاركونا أحاسيسنا ونسمع ونقرأ منكم الكلمة الطيبة اللي تخلينا نستانس ونحس براحة نفسية إنكم واقفين معانا، نحن ما طلبنا منكم تخطبونه وترشحون لنا حد من الأهل وترسلون رسايل خاصة ونبدأ النقاش وعقب ................................

الله يهدينا وإياكم الأخت ونات قلب كفت ووفت وفيها الخير وما كتبت هالشي إلا لأن في شي حز فخاطرها والحمدلله نحن "كووووول" لكن وجب التنبيه والتنويه ومشكورين عالإهتمام في الموضوع والله يرفع من قدركم والله يرزقكم ويرزقنا على قد نياتنا وندري إن فيكم الخير ويمكن حاولتوا تسعون في الموضوع لكن رب العالمين ما راد عالعموم أولا وأخيرا يزاكم الله خير والله يبشركم بالجنة