عنوان الموضوع : ♣ قصـص ,, فـوق الـثـلاثـين ♣ لحياة سعيدة
مقدم من طرف منتديات الضمير العربي

مدخل ,,

مآ أضيق العيش لولا فسحة الأمل

موضوعي هذا شي مب يديد ,, ويمكن سمعتوا مثل هالقصص وايد ,, لكن موضوعي هذا عشان يجدد الأمل ويبعد اليأس لكل صبيــة لا تزال في عمر النضج والجمال عمر الثلاثين فما فوق ولم تجد شريك الحياة ,,

قصصي هذه مش من الخيآل ,, قصصي هذي هي واقعي انا و واقع بعض من أعرفهن ,, فــ يلا تعآلن واستمتعن ^.^

♣ طفت الثلاثين وما عرست مب لنقص فيني لا الحمدلله لكن كان هذا اللي ربيه كاتبنه لي ,, وكنت راااااضية تماما ومقتنعة بنصيبي ولا عمري اشتكيت وقلت ليش وليش وليش ,, حبي لربي خلاني أحب نصيبي ,, وكان عندي يقين وثقة بأن الله دائما يكتب الخير حتى لو فشلت في أمر كنت أقول لعله خير ان شاء الله ,,

وطفت الــ 35 وأبدا ماشوف عمري كبيرة أو انه شي طافني ,, انخطب لكن مايصير نصيب ,, وكنت دوم ادعي الله انه يارب لو لي نصيب أتزوج فارزقني النصيب الطيب ولو مالي نصيب فالزواج فارزقني الرضا والقناعة وان اشكر نعمتك ,, والحمدللــــــه الذي لانشكر سواه ,, عرست رجل فاضل مابطلب غيره لو خيروني من يد ويديد وربيه اتفضل علي بنعمه حملت من أول شهر ورزقني نور عيني أحمد عسى ربيه يباركلي فيه يارب ,,

♣ ربيعت اختي العوده يوم عرفناها كانت فالثلاثين لكن نصيبها ماوصل ,, كانت دوم تدعي ربها مثلها مثل هالبنات ,, وكنت دوم اقولها ثقي بربج وبيعطيج ,, وصلت الأربعين ,, وتواصل الدعاء ,, وفي سن الـ 45 اتزوجت ,, والحمدلله زوجها رائع ومحترم وخلوق ,,

♣ وحدة من أهلنا ,, أيضا وصلت الثلاثين ثم الـ 35 وماعرست ,, ما كانت تقول شي عن وضعها لكن هي مثلها مثل غيرها تبا الزوج الصالح والذرية الصالحة ,, والحمدلله عرست وهي فعمر 36 ومن كم يوم ربت ويابت احلى بنوتة فالعالم الله يخليها لاهلها يارب ,,

اعتذر على الإطالة لكن خلاصة موضوعي هو لا تتركين لليأس مجال انه يدخل قلبج وتزعلين ربج منج ,, لنه اللي خلقج أكيد ما بينساج ,,

مخرج ,,

أكثر الأمور التي لا تحقق هي تلك التي نفكر بها كثيرا ,, فلا تفكروا ودعوا الأمر لخالقكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
عسى الله يرزق ختيه الزوج الصالح ويرزقج ويرزق الجميع سواء ثلاثينية او حتى خمسينية

مادري عن هالمرحلة اي شي

الا اني قريت وجفت برامج ان احلى سن واحلى مرحلة عمريه هي الـ 30 واحس صدق هالشي

واااايد اتمنى اكبر وأعقل وانضج

واغلب بلدان العالم يفكرن بالزواج بعد سن الـ 30 ماعدا العرب والخليييج خااااصة مسوين ازمة لهالشي

خصوصا انهم يعيبون البنت ويتغاضون عن الرجل مع انه هووو الاخس شكلا <-- خفي علينا يافصحى

__________________________________________________ __________

>>>> الرد الثاني :
اللهم أرزق كل مسلمة الزوج الصالح والذرية الحسنه

__________________________________________________ __________

>>>> الرد الثالث :
اتذكرر مره قريت قصه بنت سعوديه سبحان الله تزوجت فوق 30 وتقول زوجها جدااا خلووووق وحبوووب

سبحان الله كثير من بنات يتزوجون وهم صغااار 20 سنه ومايعرفون مسوليه وسبحان الله تصير مشاااكل وماتقدر تسيطر على وضع...

كل شي تاخر او تجدم لحكمه مايعلمها الا الله...

الله ايسر لي ولجميع البنات الزوج الصاااالح ياااااارب

__________________________________________________ __________

>>>> الرد الرابع :
اليوم الزوج في سن الثلاثين شي عادي وسار الزواج يتاخر والزواج فوق سن العشرين ناجح اكثر

__________________________________________________ __________

>>>> الرد الخامس :
بخبركم قصص من اهلنـــا ...

وحده تزوجت وهي صغيره بعمر 17 لواحد من اهلها ...كنا صغار وقتها ...وتمت قراب 8 سنوات ..بدون عيال وصارت مشاكل وانفصلت ...قعدت اكثر عن 7 او 8 سنوات بدون زواج ...ومن 3 سنوات تزوجت الحمدلله ....ونفس الشي بعد وحده وصلت 32 وتزوجت ....ومن معارفنا واايد الي تزوجن بعمر 35 وال 40 ...احس هل الشي صار عادي ...
وايد في ريايل بعمر 30 وفوق بدون زواج ...المشكله وين ؟ في الاختيار ....يعني واحد مثلا بعمر 35 وفوق ...يتزوج وحده بعمر 19 و 20 ...وفي واايد بنات بعمره او اصغر عنه شوي بس محد يلتفت لهن ...هنيه المشكله ..وقبل كان الزواج يتم بسهوله ...لانه الناس كانت عايشه عيشه العايله والفريج الواحد ...هل الزمن محد يعرف ان كان في هل البيت بنات اصلا ...وفي النهايه النصيب ...والنيه الصافيه ...لانه على نياتكم ترزقون ...