عنوان الموضوع : و لا مره انخطبت رسمي !! اهتزت ثقتي بنفسي شوي ...
مقدم من طرف منتديات الضمير العربي
السلام عليكم خواتي ،،،
بصراحه اول مره افضفض لحد و اقول الي في خاطري ، انا يا بنات عمري 23 و بدش 24 شهر 6
بصراحه ولا مره انخطبت رسمي او حد تقدملي رسمي ... كل الي طلبوني حتى الحين 4 بس مجرد اتصال رمسوا الوالده و امي تشاور ابوي و ابوي يردهم ..و انا ما كنت مقتنعه في ولا واحد فيهم عشان ما تقولون ابوج ليش يقطع رزقج ..
و مره من المرات قبل فتره قصيره ياووني ناس دالينهم علينا و امي قالت بنشوفهم ليش لا ..ياووا بيتنا الام و بناتها عشان يشوفوني .. و بصراحه ما ردوا خبر خخخخخخخخ طبعا ما عجبتهم و هالشي براحتهم..بس عقب هالوقف مستحيل ارضى اطلع لناس غرب لاني مب سلعه يعانونها بمزاجهم و يروحوون !!
من الآخر بنات انا مب ميته عالعرس لهالدرجه لاني مشغوله بدوامي و دراستي و اطلع مع ربيعاتي دوم الحمد الله... بس ابا احس لو شوي اني مطلوبه!! خخخخ او عالاقل لي أمل فالمستقبل خخخخ ...
و مرات افكر بيني و بين نفسي و اشوف بنات ماشاءالله ملكات جمال و اكبر مني و مب معرسات !! فما بالكم انا الي مقبوله و جمالي جدا عادي ..
فالنهايه كل وحده نصيبها مكتوب و الارزاق بيد الله سبحانه ...
حبيت افضفض شوي و ابا اقرا آرائكم و تفاعلكم معاي خواتي .. و الله ييسر امور الجميع ان شاءالله
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
لا تحاتي حبيبتي ...
انتي بعدج صغيرة و المستقبل جدامج ...
و لا تقولين جمالي عادي قولي انا ملكة جمال زرعي الثقة فيج ...
لا تقولين محد يبغاني او انا ما عجبهم قولي هم ما يقدرون علي انا مستواي اعلى
رفعي معنوياتج .. بس مب لـ درجة انج تستصغري الناس سوري على هالكلمة خخخ ^^
انا بقولج شو اللي يستوي الحين عندنا في الكلية مثلا ... انا عمري 19 ثاني سنة في الكلية ،
صديقاتي اللي في عمري بعضهم تزوجوا و الله يوفقهم ويسعدهم ...،
بس الصدمة تشوفين بنات اعمارهم 17 و 18 حوامل ..
انا برأيي هذا غلط لان البنت توها طالعة من المدرسة و من مرحلة طيش
تدخل عش الزوجية مرة وحدة غللللللللللط ...
عسب جي اقولج انتي اكبر عنهم شوي بس تفهمين مفتحة
و صدقيني الف واحد يتمناج ،،،،،،،،
كككككككل بنت لها شي يميزها حتى لو كانت كبيرة او بشعة ااو او او .... الخ
دونت ووري الغالية تابعي حياتج و انتي مطمنة .. سوري طولت عليج ..
__________________________________________________ __________
>>>> الرد الثاني :
اختي انا ف عمرج ولا مرة حد اتقدملي بس عادي عندي
لان هالشي والرزق بيد الله
وربي يوفقج ويسعدتج فدنياج وآخرتج
اللهم اجمعين
__________________________________________________ __________
>>>> الرد الثالث :
اختي انتي بعدج صغيره و الخير يااااي فالطريق بس اتفائلي و خلي املج و ثقتج بالله انه هو الرزاق لا الجمال و لا المال و الحسب و النسب بس اصبري و كثري من الدعاء باخر الليل و ان شاااء نسمع اخبار حلوه عنج و كل الصبايا باقرب وقت
__________________________________________________ __________
>>>> الرد الرابع :
حبوبه بعدج صغيره !! ليش السلبيه والتشاؤم من الحين
انا 33 ولا مره تقدم لي شخص رسمي . والحمدلله ما اهتز فيه شي
ممكن فكرت اني اكبر لكن مستحيل تخلين شي مثل هذا يدمرج
اذا خليتي الضعف والافكار السلبيه تسيطر عليج تراج بتغرقين فالهموم
حطي في بالج ان هذا نصيب هذا مكتوب من الله سبحانه
والانسان ما يعرف الخير له وين ومتى
__________________________________________________ __________
>>>> الرد الخامس :
رد مع اقتباس
