عنوان الموضوع : بنات ياني عريس أجنبي !!!! الحياة الزوجية
مقدم من طرف منتديات الضمير العربي
السلام عليكم بنات شخباركم عساكم بخير
اليوم حبيت آخذ رايكم في موضوع
انا مواطنه واتقدملي ( بعده مب رسمي) ريال مواصفاته :
كبير في السن 58 سنه
مسلم سني مطوع داعيه ويبني مساجد ويغسل موتى
اسمر
امريكي الجنسيه
رجل اعمال حاليا مفلس بس انا اتريا تنتعش اعماله
متزوج وعنده اعيال واحفاد بعد
بس وايد يحترمني ويقدرني
واتهمه أفكاري واحلامي
انا شخصيا موافقه عليه بس الأهل اكيييييييد بيرفضون:
هم ما ينلامون
بس هذي حياتي انا
محد ما يبا ولد بلاده وقريب من عمري بس
الشباب هالايام يخوفون
وانا كل اللي اباه رجل يحقق أحلامي
يحترمني ويدلعني ويساعدني انجح في الحياه
يعني بس يسعدني
والله يطول بعمره عادة
بنات بلييييييز أبا رايكم في الموضوع و انصحوني انا أختكم مع العلم اني انا إنسانه كل قراراتي عقليه مب عاطفيه أبدا
*
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
عادي لو اهلك موافقين الله يوفقك
بس بعدين بتفكرين بمصير عيالك اونهم يحملون الجنسية الاماراتية
فكري مليون مرة من كل الجهات والله يوفقك
__________________________________________________ __________
>>>> الرد الثاني :
من صدقج !!
__________________________________________________ __________
>>>> الرد الثالث :
اذا سمعتي مننا ..
ما راح يفيد لان الاهل قلتيلنا انهم بيرفضون ..
ف ما راح تستفيدي من النصايح دام الاهل اوريدي رافضين
بالنهايه ..ما نقدر نفرض على الاهل ..
في اهالي يقبلون رأي البنت ويشاورونها ..وفي اهالي العكس..
وانتي اهلج من هالنوع على ما اعتقد..
واذا انتظرتيه لما ينتعش مشروعاته بيكون عمره قد مضى ..
يا اختي ان شاء الله يجيلك واحد كذا يحترمك ويقدرك..احسن من انك تتزوجين واحد متزوج وتعورين قلب الزوجه الاولى ..
حطي نفسك مكاانها ..كيف شعوورك..بعد كل هالعشره بينها وبين زوجها .. بآخخر عمره يتزوج عاليها..
خليهم يكملون عمرهم بسعاده ..من غير زعل..
وان شاء الله بجيلك واحد كذا مثل اخلاقه وطيبته ..
بس ادعي واتوكلي على الله
__________________________________________________ __________
>>>> الرد الرابع :
بالتوفيق اختي بارك الله لكي
__________________________________________________ __________
>>>> الرد الخامس :
اختي قبل انه امريكي وقبل كل شي فكري بعمره وعمرج نقول انتي عمرج 30 وهو عمره 58 عقب 10 سنوات انتي بتكونين 40 وهو 68
نقول الاعمار بيد الله .. اذا الله كتبلج ويبتي عيال قولي شقايل بتربينهم .. يبون ريال يوم يكبروون ..هو وين بيكون فيه حيل يربي
وبعدين اصابع ايدج مب كلها سوى فيه من شبابنا وعيالنا اللي لين الحين فيهم خير وتمرة فيهم تربية اهلهم
انتي بس ادعي ربج واتوكلي عليه وبيرزقج باللي احسن منه
والاستخاره اختي.. استخيري ربج واساليه واطلبيه .. احسن من انج اتشاورين الناس
رد مع اقتباس
