عنوان الموضوع : بصراحة هذا راي...انتوا شو رايكم؟
مقدم من طرف منتديات الضمير العربي

السلام عليكم ورحمه الله وبركاته

خواتي انا مثلكن ..متاخره عن الزواج ..بس بعد احس الحين صار سن الزواج الثلاثين لانه البنات معظمهن يعرسن في الثلاثين هالايام ههههه
لكن هذا مب موضوعي ..

اريد اقولكن اني صح اريد اكمل نص ديني و اتزوج مثلكن ولكن .......مهم جدا يكون هالزوج شخص مناسب بعد..

طبعا ما اتكلم عن التدين وانه يكون صالح مصلي و يخاف ربه (هذا اول الشروط قبل كل شي لازم نتاكد منها)

بس قصدي الشخصية....هل تناسبني او لا .....شكله هل في نظري اتقبله ولا لا....صح بتقولون الشكل مب مهم ..خواتي انا ما اقول ملك جمال..بس شخص شكله (مقبول بالنسبة لج انتي العرووووووس ) مب لازم يكون مر على لجنة تحكيم للجمال لا ..القبول شي مهم جدا .. يوم التقي فيه في النظره الشرعيه ارتاح له واااااايد و اقول هذا هو الشخص الي بكمل معاه نص ديني

الزبدة :
خواتي لا تستعيلن على العرس و لا تعرسن بس عشان العرس و الحفله و الكوشه و الكشخه

لا ....شوفي الريال هل يناسبج ولا بس المهم بيستوي اسمج معرسه وكان الله غفورا رحيما؟

شوفي هالمخلوق يناسبج ولا لا...فكري في هالريال الي بتعيشين معاه بقية عمرج..وشو الي يناسبج وشو الي ما يناسبج

انا عرفت عمري الحين ، اهم شي عندي الراحه النفسيه مع هالشخص..غير جذيه لا.. حتى لو تاخر سني اكثر من جذيه عن الزواج ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
لا حول ولا قوة الا بالله

ربي يوفق الجميع اختي

__________________________________________________ __________

>>>> الرد الثاني :
فديتج النظره الشرعية من السنة
قال الرسول صلى الله عليه وسلم "انظر إليها فإنه أحرى أن يؤدم بينكما"

وبعدين انا ما يلست اتشرط فديتج بعد ما تبين تظلمين الريال
يمكن لو ما ارتحتي معاه ما تسعدينه وغيرج يسعده اكثر
وبعدين مب قصدي بس الشكل ..لو شخص عصبي و يضرب اخذه المهم زوج؟ لا والله اهم شي راحة البال والتفاهم مب الظرابه

والاستخاره خطوة لا بد منها في الزواج وهالامر بديهي جدا

__________________________________________________ __________

>>>> الرد الثالث :
موفقات ان شاء الله

__________________________________________________ __________

>>>> الرد الرابع :
وعليكم السلام ورحمة الله وبركاته

كلامج صح ميه ميه,,ربي يووفقنا ويسعدنا ان شااااااااااااء الله قريبا قولكن امين,,

__________________________________________________ __________

>>>> الرد الخامس :
الصراحة كلامج صح المهم الراحة النفسية مب علشان العمر يطووف علينا يفوتنا قطار العمر لأنها لو تزوجت من شخص ما بيسعدها وما بيرحها وبيتحمل المسؤولية متى بتكون الراحة والسعادة حق الحرمة هذه أشوفها صعبة المفروض صلاة استخارة والوحدة تنتبه على نفسها مب أي ريال يستاهل يتزوجها الصراحة في رياييل مب مال زواج ياخذ وحدة زينة ويظلمها الحياة خبرات والذكية تعرف مصلحتها وطبعا مب كل رياييل نفس شيء في الصالح وفي الطالح