السلام عليكم و رحمة الله وبركاته
اشحالكم خواتــــي ..؟
أدري دخلتو بقلوبكم الطيبه تواسوني و تطيبون خاطري ..
أدري سيدات الامارات دوووم عسولات ..
هييييييه يا زمن كنت بس مطلقه !!..
والحين يوم اشوف كل بنت تنزل موضوع انا عمري 29 .. 30 .. 31 .. الخ وتقول انها عانس اكتشفت اني اتحداهم فالعنوسه 
تصدقون عمري ما حسيت بكلمة مطلقة أو عانس
عمرها ما يت ببالي .. إلا حزة الأوراق الثبوتيه .. غير جي مالها معنى عندي ..
بشخصيه الله حباني اياها ولله الحمد .. ماخليت احد يطالعني بنظره دونيه ..
دوم على تواصل واحضر كل واجب .. عزيمه .. عرس .. لمة حريم .. ليش تعتقدون ؟؟
+لأنه واجب وتلبية للدعوه
+ لأني أقدر انطط بين سوالف البنوتات و بين سوالف الحريم ولا حد يقول "ويه شو مقعدج بينهم "
+ لأني مب معيوبه عشان انخش بالبيت 
+ ولأنهم ناس أعرفهم ويهموني وأهم من كل هذا ما أباهم ينسوني 
+ ولأني ما اريد أموت ولا يحضرلي أحد ويقرأ علي .. حلو الواحد يخطط حق آخرته .. ترا ما بينفعني أحد عقب غيرهم اذا ما عندي ولد صالح .. يعني حبتين مصلحه
ترا يا قطواتي الحبوبات
.. مب كل البنات تتزوج .. يعني لا تحطون ببالكم ان مكتوب ان كووووول البنات لازم تتزوج .. وان في شي غلط في سنة حياتي لأني ما تزوجت ..
انزين انا وحده ربيعاتها من الطفوله في بيوتهم مع ازواجهم .. وتعرفون فلانه و علانه المتزوجه عندها سوالف وأكشن أكثر مني لأني انا ماعندي احداث ..
وقتها كانت شهادتي على قدي .. وبيزاتي على قدي ^^ .. قمت اشتغلت بالبيت عشان ما أكون مقطوعه عن العالم
ولله الحمد توفقت .. و زبونه داخله و زبونه طالعه و زبونه عازمتني لمناسباتها و زبونه تبا تسويلي دعاية و زبونه مب عاجبها العجب >_<
المهم .. صاروا ربيعاتي يتصلون و انا اتصدر السوالف خخخ لا "مب فاضيه مب فاضيه عندي زبونه
" ^^ حليلاتهم وايد احبهم
انزين احوالي تحسنت والحمدلله .. وعلاقاتي أحسن .. ومعرس ياي و معرس رايح .. وأصلي الاستخاره و عمري ما أقول لأ للمعرس الزين ..
قال رسول الله صلى الله عليه وسلم: "إذا أتاكم من ترضون خلقه ودينه فزوجوه إلا تفعلوا تكن فتنة في الأرض وفساد عريض"
بس شوفوا حكمة الله .. "لازم تعرفين يا بيسونه ان مب كل البنات لازم يتزوجون " .. فاقتنعت وكنت على هالمنوال سنين ..
الحين كملت دراستي .. وان شاء الله أشتغل .. وصار عندي جيش ربيعات حبوبات من عمري و أصغر مني و أكبر مني^^..
سألوني كذا مره "اذا تقدملك عريس الحين بتوافقين؟ "
دوم جوابي : " أكيييييد .. ولازم يصرف علي و يدللني .. وما يحوجني للشغل^^.."
يمكن ما يكون انسان مثالي .. يمكن لأن مافي انسان مثالي اصلاً .. تخيلوا كل شي مثالي في الحياة .. تخيلوا بس .. ليش ما تتخيلين
!!؟.. تخيلتي!؟..
تعتقدين شو بتكون لازمة الحياة .. بنكون منظمين مثل المدرسة .. حتى المدرسه مب مثاليه .. بنكون آلات مثالية الصنع
..
لازم في شغلات تضايقنا في الشخص الآخر مهما كان اخ اخت صديقه او حتى شريك حياتج .. هالشغلات الله أوجدها عشان نبذل ويكون في حوار بين الاشخاص وناخذ بالأسباب ..
.
فيلسوفة صح .. من يوم يومي يقولون فيلسوفة زماني 
طولت عليكم .. صدق يقولون لي يوم تكتبين لازم تألفين كتاب 
.. في يوم من الايام بسويها ^^ ..
حبيت جيه اضيف شي خفيف يجول بخاطري .. ^_^
اذا انتي اخترتي كنيتج ( مطلقه - عانس ) لا تلومين الناس يوم ينادونج فيها
انا اخترت لنفسي أكون مبدعه بشغلي شو ماكان وتصميمي و بمفاجآتي و بدراستي ..
صدقوني وبلا غرور وبفضل الله .. يلقبوني "مبدعه" ..
.
احيانا يتفلسفون ويلقبوني "مخترعه" مادري بكسر الميم و الا ضمها ^^
رد مع اقتباس
