( قروب حور العين ) هـــــأآأآأم جــــدأآأ لسعادتك

[hamida]

عنوان الموضوع : ( قروب حور العين ) هـــــأآأآأم جــــدأآأ لسعادتك
مقدم من طرف منتديات الضمير العربي

السلام عليكم ورحمة الله وبركاته ..

شخباركن اخواتي.. امم اليوم حبيت أطرح موضوع وااايد مهم اللي هوو تأخر سن الزواج فالامارات وبشكل كبير جدآ .. ومنها لأسباب كثيره مثلا غلاء المهور او بعض البنات مايطلعون او حد يشوفهن من صديقاتهن او بنات جيرانهم او حتى الزيارات العائليه بسبب الخجل او للأمور شخصيه فيهن المهم عزيزاتي انا حبيت أطرح فكره واتمنى ان تعجب الكل
وهالفكره ماطرحتها الا بعد تفكير عميييق .. الفكره هي اني أسوي قروب خاص فقط للبنات والحريم .. وهالقروب يكون بس خاص ان مثلا لووحده تدور زوجه لأخوها لعمها لخالها او شخص من أهلها .. يعني البنت اللي تبحث عن زوجه لواحد من اهلها وتشوف مواصفات البنت اللي تناسبه طبعا من غير ماترسلون أي صور أو أرقامكن ولذالك للحفاظ على بناتنا وخواتنا .. واذا حبيتي مواصفاتها ممكن تزورينها فالبيت وتتعرفين على البنت او اهلها واذا ارتحتي لها ممكن تكون زيارتج الثانيه مع اهلج و الريال اللي يبي يتزوج ويتشاوفون فالنظره الشرعيه وبعد النظره الشرعيه طبعا صلاة الاستخاره وبعدها لكل الطرفين السؤال عن الثاني يعني اهل الريال يسألون عن البنت وأهلها واهل البنت يسألون عن الريال واهله ان حصل نصيب ليتمم الله على الطرفين بالسعاده والخير ان شاءالله وان ماحصل بعد نقول قسم ونصيب.. طبعا القروب هذا سويته لوجه الله ونتعاون باذن الله على فعل الخير .. والشي المهم والاهم طبعا القروب من غير ماتدفعون أي مبلغ او شي ثاني مثل نصب هالخطابات اللي طالعين لهن ف هالزمن .. يعني فقط القروب هذا راح يكون لوجه الله .. واحب اكرر واعيد من غير ماترسلون صوركن او شي خاص فيكن لأي أحد .. ذالك للحفاظ على البنات ومثل مانخاف على نفسنا لازم نخاف على بنات الناس .. وبالاخير أتمنى ان فكرتي عجبتكن .. واللي حابه اني أضيفها فالقروب ترسل بن كودها عالخاص .. واتمنى تعطوني افكار أكثر وتشاركوني فالموضوع ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حلوه الفكره

__________________________________________________ __________

>>>> الرد الثاني :

تسلمين حبيبتي على ردج الطيب نورتي

__________________________________________________ __________

>>>> الرد الثالث :

ما أتقبل ها لفكرة الناس ماتتقبل

__________________________________________________ __________

>>>> الرد الرابع :

تسلمين حبيبتي على ردج فديتج اللي حابه حياها الله واللي مش حابه بعد حياها الله يعني حتى لو ماصار نصيب على الاقل كسبن صداقتهن ف بعض واخوتهن ومحبتهن فالله .. والله جعل لكل شي ف هالدنيا سبب و قوله تعالى (وَجَعَلْنَاكُمْ شُعُوبًا وَقَبَائِلَ لِتَعَارَفُوا) صدق الله العظيم .. نورتي الغاليه

__________________________________________________ __________

>>>> الرد الخامس :

موفقه