عنوان الموضوع : صح ان سبب تاخر الزواج؟ لسعادتك
مقدم من طرف منتديات الضمير العربي

السلام عليكم

بنات ابي اسالكم سؤال
انا وحدة من البنات الي كانت تحلم لما تكبر بشخص مثالي تعيش معاه في رضا الله سبحانه وتعالى اجمل حياة
لكن مادريت الا وانا اكبر بالعمر يعني وصلت 25 وادري ان في بنات اكبر عني هنيه
وقبل كنت اتجاهل اسال نفسي هالسؤال بسبب الاحراج بس الحينه قمت اتشجع واسأل عن كل شي ..
حتى انا للحين ما حققت طموحي بسبب التخبطات الي مرت علي وخلتني ما افكر عدل ..
وجا في بالي هالموضوع صح ان سبب تأخر الزواج قد يكون بسبب مشكلة نفسية يعانيها الشخص ؟
علشان جذي ما يتوفق وما ايله نصيبه بسرعة عكس الناس المرتاحين والعاديين ..

وشكرا

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انا مقتنعة بشي واحد الشي الي دووم تتريه و تفكري فيه مايستوي و الشي الي ما تهتمي فيه تحصليه قدامج لا تهتمي لكلام الغير .. كل شي بتوفيق من رب العالمين بس.. الزواج شي مهم و الاهم ان حياتك ما تتوقف عليه .. انجحي في حياتج تعلمي و اشتغلي و اهتمي بعمرج و كل شي بيي لين عندج اهم شي صلاتج و ايمانج بربج .. الله يوفقج حبيبتي

__________________________________________________ __________

>>>> الرد الثاني :

المشاركة الأصلية كتبت بواسطة ريم العولقي
انا مقتنعة بشي واحد الشي الي دووم تتريه و تفكري فيه مايستوي و الشي الي ما تهتمي فيه تحصليه قدامج لا تهتمي لكلام الغير .. كل شي بتوفيق من رب العالمين بس.. الزواج شي مهم و الاهم ان حياتك ما تتوقف عليه .. انجحي في حياتج تعلمي و اشتغلي و اهتمي بعمرج و كل شي بيي لين عندج اهم شي صلاتج و ايمانج بربج .. الله يوفقج حبيبتي



صح كلامج مشكورة حبوبة

__________________________________________________ __________

>>>> الرد الثالث :
انا مع ريم العولقي ، و ربي يوفقج ^^

__________________________________________________ __________

>>>> الرد الرابع :
بس انا اظن ان هالشي صح بعد ..

__________________________________________________ __________

>>>> الرد الخامس :
كل ما فكرتي فالشي اللي تبينه بايجابيه بتوصلين له بكل الطرق وكل ما فكرتي فالشي بطريقه سلبيه ترا انتي يالسه تبعدين حلمج عنج وتحبطين عمرج بمبررات مالها معنى ... رب العالمين قال أنا عند ظن عبدي بي فاليظن عبدي ما شاء .. وهذا أكبر دليل على ان النفسيه تلعب دور فالشي اللي نبا نوصل له ومن هالأشياء هو الزواج .. فإذا أنا كنت أفكر وأقول ان شاء الله ربي بيرزقني بالزوج الصالح وأيلس اتخيل هالشي وأنا كلي ثقه فرب العالمين بارتاح نفسيا ومنها نفسيتي بتتغير وبحس ان ثقتي في ربي عمرها ما تخيب أكيد ربي بيحقق هالشي اللي أباه خصوصا إذا كملت ثقتي بربي بصلاتي ودعائي واستغفاري .. أما إذا تميت أقنع عمري بكلام الناس واني ما بعرس وغيري عرس وكيف بعرس ومتى بعرس فانتي جيه تكونين ظنيتي بالله ظن السوء ساعتها بتكونين أثرتي في نفسيتج وخليتي تفكيرج سلبي ومحدود فلا تتوقعين انج توصلين لمكان بما انج فقدتي أهم شي وهي الثقه برب العالمين ومنها ثقتج في نفسج ... نحن اللي نييب النفسيه النا لأن نفكر فالشي اللي نباه بطريقه سلبيه فما نقدر نحقق هدفنا ولا نقدر نعيش حياتنا مرتاحين ... نهاية كلامي الغاليه خلي ثقتج في ربج قبل كل شي لأن هالثقه هي اللي بتخلي نفسيتج عاليه وهي اللي بتشجعج توصلين للي تبينه مع الوقت وغير هذا هالثقه هي اللي بتقربج لرب العالمين اللي بيده يغير حياتنا للأحسن وبالطريقه اللي تضمن لنا السعاده ....