عنوان الموضوع : هل من حقي لحياة سعيدة
مقدم من طرف منتديات الضمير العربي

السلام عليكم
ترددت وايد قبل لا انزل الموضوع
سالفتي أني مطلقة من اربع سنوات ومشكلتي اني وايد حساسة رومانسية احب اني احب أو انحب من بلغت الثلاثين الناس كلهم يعاملوني اني يعوز أوكي ادري اني عيوز بس هل العيوز ما تنحب هل العيوز المفروض انه ما في احد يسال عنها هل العيوز بس تراقب عيالها بدون إحساس الكل يعاملني بكره من العيلة ان خلاص المفروض ما نسال عنج
هل الإنسان العيوز الصح انه يعيش بروحه أنزين ليش يعلمونا ان الإنسان كاءن اجتماعي بصراحة جذب هل نحن مثل الحيوانات يا يكون مع عكس جنسه أو يهيم لوحده
لا احد يقلي عيالج عندج عيالي باجي لهم اربع سنين ويطلعون من حضانتي ولدي من الحين متعلق وايد في أبوه وها شيء طبيعي لانه ولد ريال صغير وبنتي تحب أبوها ومتعلقه فيه بس عايشة عندي يحبوني صح بس بيي اليوم اللي بعيش فيه بروحي مع الخدم
هل لي الحق اني احلم بشريك لحياتي ولا خلاص راحة علي

ما اعرف شو أقول ما اعرف كيف احجر ها القلب اللي عندي اقسيه
ما اعرف كيف أعيش حياتي بروحي بروحي بدون أي شخص فيها

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
بالعكس الـ٣٠ هي فتره الشباب والمفروض
تهتمين ف عمرج واتدلعين عمرج بنفسج
مطلقه ما عليه وعسى ان تكرهوا شيئا وهو
خير لكم، لكن ان ترييتي حد يحبج ويبين هالشي
بتركض الايام وانتي ما بتحصلين اللي تبينه والعمر
مره ما بيتكرر مرتين، عيشي حياتج وتقربي من الله
وبتلقين السعاده اللي تبينها حبيبتي، وبالنسبه للعيال
لا تحطين ف بالج انه ٤ سنين وبتروح الحضانه عنج
بالعكس انتي جي تبعدين عيالج عنج وانتي مالج ف هالدنيا
الا هالعيال ! لازم تزرعين فيهم حبج وتخلينهم يبادلونج المشاعر
ولو انهم ساروا عنج باجر بس بتمين ف قلوبهم ويمكن الله
كاتب انهم يعيشون وياج طول العمر، محد يعرف باجر شو بيستوي
وهاييل ٤ سنوات حرام تبعدينهم عنج من الحينه، تقربي منهم اكثر
وعطيهم الحنان والتربيه الصالحه عشان تجنين ثمارها باجر يوم
يكبرون وتحصلينهم حولج . .



الله يرزقج اللي تتمنينه اختي

__________________________________________________ __________

>>>> الرد الثاني :
الغاليــه انتي مب عيوز يعني بعمــر وايد بنــات مب متزوجات ويقولون نفس كلامج يمكــن على الاقل انتي اهون عندج عيال تهتمـــين فيهم ...
صح يحبونج ويحبون ابوهم لكــن هذا مب معناته انه بتكونين بروحج بعد كم سنــه ...الانســان ما يعرف قدره ويــن ونصيبه ويـــــــن ...
والله اعرف وحده عيالها كبار ومطلقه من زمان اكثر عن 20 سنه جريب عرست عادي وهي في عمر امي تقريبا ....شوفي كيف نصيبها ....
لا تخلين الوسواس يتحكم بأحاسيسج ومشاعرج ...
انتي قصدج انه الناس حكمت عليج انه خلاص مب من حقج تعرسين وتشوفين حياتج ....
انا اقولج غلطانه ..ترى الريال حتى يوم يطلق يسير يشوف حياته ..ماشي يمنع زواجج بالتفاهم مع طليقج ابو العيال ومع الشخص الي بيتقدم لج العيال فتره عندج وفتره عنده ...
الاشكاليه في الزواج ...فرص الزواج تقل ..واذا توفرت يكون مطلق او ارمل بعيال او بدون عيال ...
.
.
الله يرزقج ع قد نياتج بالزوج الصالح الي يحبج وتحبينه وترتاحين له ...

__________________________________________________ __________

>>>> الرد الثالث :
الغاليه الحياه ملها عمر والسعاده والزواج مالهم عمر .. كل عمر له مميزاته وسعادته ولذته العشرينات والثلاثينات والأربعينات وكل الأعمار من حق الانسان انه يعيش بسعاده ويحب وينحب وقبل كل هذا المهم انه يعيش لرضى رب العالمين وأي شي فيه طاعة الله ما يمنع نفسه عنها ... الناس تسوي اللي تبغيه المهم انتي شو تسوين .. لج حياتج ولج عمرج غلايه لا تهتمين لشي عيشي حياتج ولو ياج الأنسان اللي بيكون مستعد يكمل عمره وياج ما ترفضين عيشي حياتج والناس خليهم على صوب لأنهم ما بيغير من حياتج شي وما بيعجبهم شي لو شو سويتي أهم شي رضى رب العالمين عليج وبتشوفين حياتج أحلى ما يكون ... الله يوفقج في حياتج غلايه واستمتعي بأحلى أيام عمرج ترا العمر واحد واليوم اللي يروح ما ينعاد مره ثانيه

__________________________________________________ __________

>>>> الرد الرابع :
انتي في عز شبابج حبيبتي
وعسى الله يفرح قلبج بالانسان اللي يحبج ويصونج ويراعيج

مطلقه ارمله عانس عندج عيال او ماعندج كل هذا مايخصه
صدقيني مافي شي يوقف بويه النصيب اذا الله كاتبه


عيالج اذا حابين ابوهم وبكل حال اصلا بيطلعون من حضانتج ويروحون لابوهم
فهني انتي من حقج بعد تفكرين ف عمرج وتوافقين لو تقدم لج الشخص المناسب

ونفس الوقت اذا طليقج معرس شوفي حرمته
هل تحسين راح تعاملج عيالج اوكي ولا لا


واهم شي اذا عرستي ان شاء الله تاخذين شخص متقبل وجود عيالج في حياتج عشان مايحرمج منهم

وانتي في عز شبابج والله يرزقج الزوج الصالح عليج بالدعاء

__________________________________________________ __________

>>>> الرد الخامس :
حبيبتي تلاتين انتي لسا شابه ما شاء الله تدعي رب اللعالمين ييب لج نصيب احلى عن الي فات و ما دالك على الله بعسير