عنوان الموضوع : ابغي اعرس ادعولي بليز
مقدم من طرف منتديات الضمير العربي

مرحبا بنات,,,,
بدخل في الموضوع على طول بدون اي مقدمات,,

يا بنات انا مهموومة ومضاايقة واايد,, ابا اعرس,, خلاص وصلت حدي,,, الحمدلله انا مب ناقصني شي وما ايعيبني شي.. بس نصيبي ما ياني الين الحينه,,,
انا بنت عمري في العشرين وحلوة ونسبي وااايد ايشرف والحمدلله متعلمة وجامعية بس ما ياني نصيبي,,
انا ما ابا الا الحلال والستر من رب العالميين,,,
درب الحرام سهل بس خوفي من ربي يمنعني,,,

صدقوني يا بنات ما تم حد من معارفنا واهلنا الا وعرس.. حتى الي اصغر عني,, وانا تامة في بيت اهلي ,,

الحمدلله انا انسانه متدينة ومحافظة على الفروض وما ارضى بالحراام ابدا..

انا تعبت والله تعبت,,,
ودي اتكون لي حياتي الخاصة,,, وبيتي الخاص,, وعيالي اللي ناوية اربيهم على الدين والاخلاق,,,

الحمدلله انا مستانسة ويا اهلي,, ومرتااحة وياهم وموول ما قصرو فيي بس بعد حاجة البنت للزواج ذبحتني,

بليييز يا بنات ادعولي,, انا محتاجة الزواج وااااايد وااااايد

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
أسأل الله العظيم يا من بيده ملكوت السموات والأرض انه يرزقج بولد الحلال اللي يسعدج وتبشرينا

نصيحة أختي استغفري وايد وتصدقي وأبدا لا تهملين قراءة البقرة... والله بيسر لج كل اللي تتمنينه اذا فيه خير لج

ودايما ادعي وقولي: يا محب الحلال يسر لي الحلال ... من قلبج...

دعواتج

__________________________________________________ __________

>>>> الرد الثاني :
عسى الله يرزقج الزوج الصالح اللي تقر عينج فيه بالقريب يارب
كل بنت بهالدنيا بحاجة للزوج
وانا مابقول لج لا تو الناس وبعدج صغيره ، عادي هذه فطرة بالانسان وانتي يمكن لج رغبة اكثر عن غيرج بهالسن بالارتباط والاستقرار وفتن الدنيا كثيره ، حلو انه البنت تطلب العفاف والستر


بس انتي تقدرين تساعدين نفسج بهالموضوع والطريقه
بالدعاء كل وقت وكل ساعات اجابه شدي حيلج ولازم يكون عندج يقييين وتفائل انه الله بيجيب دعائج ولا تنحبطين

احس الدعاء هو اقوى سلاح والحمدلله انتي انسانه تخافين الله وملتزمه ومانسيتي رب العالمين فكيف تبينه ينساج ومايرزقج وهو يرزق حتى العاصيين اللي يغضبونه

الله رحيم وقريب مجيب الدعاء

ترى مب مهم متى تعرسين
المهم منو تاخذين

ياما بنات عرسو وهم صغار بس تطلقو او عايشات بعذاب


وعسى الله يرزقج الريال اللي يصونج ويراعيج

__________________________________________________ __________

>>>> الرد الثالث :
الله يرزقج بالزوج الصالح وبما انج متدينه اكيد تعرفين انه كل شي قسمة ونصيب وادعي ربج والله مابيخيبج ان شاء الله

__________________________________________________ __________

>>>> الرد الرابع :
الله يوفقج بالزوج الصالح الي تستاهلينه. بعدج صغيره حبيبتي لا تفكرين في الموضوع ورزقج بيجيج. اصبري وبيكون حظج أحسن من غيرج. لا تقارنين نفسج بأحد صدقيني انتي ماتدرين الناس ايش شايله من هموم ومشاكل , تفائلي وان شالله حظج بيكون حلو!

__________________________________________________ __________

>>>> الرد الخامس :

المشاركة الأصلية كتبت بواسطة بنت الشوامخ
عسى الله يرزقج الزوج الصالح اللي تقر عينج فيه بالقريب يارب
كل بنت بهالدنيا بحاجة للزوج
وانا مابقول لج لا تو الناس وبعدج صغيره ، عادي هذه فطرة بالانسان وانتي يمكن لج رغبة اكثر عن غيرج بهالسن بالارتباط والاستقرار وفتن الدنيا كثيره ، حلو انه البنت تطلب العفاف والستر


بس انتي تقدرين تساعدين نفسج بهالموضوع والطريقه
بالدعاء كل وقت وكل ساعات اجابه شدي حيلج ولازم يكون عندج يقييين وتفائل انه الله بيجيب دعائج ولا تنحبطين

احس الدعاء هو اقوى سلاح والحمدلله انتي انسانه تخافين الله وملتزمه ومانسيتي رب العالمين فكيف تبينه ينساج ومايرزقج وهو يرزق حتى العاصيين اللي يغضبونه

الله رحيم وقريب مجيب الدعاء

ترى مب مهم متى تعرسين
المهم منو تاخذين

ياما بنات عرسو وهم صغار بس تطلقو او عايشات بعذاب


وعسى الله يرزقج الريال اللي يصونج ويراعيج