عنوان الموضوع : 19 سنه و ياليتني أرد بنت وحتى لو فوق الــ35 سنه بس أرد بنت ..
مقدم من طرف منتديات الضمير العربي

السلام عليكم و رحمة الله و بركاته ..

أول مره أكتب موضوع ماعرف شلون أكتبه بصراحه ..

بس أنا عمري 19 سنه .. و مطلقه ,, الحمدلله يارب ع كل حال .. بس المشاكل إلي مريت فيها من طليقي و أمه حسبي الله عليهم و نعم الوكيل والله ي خواتي ما تتخيلونها .. إتهمو والدتي بالسرقه .. و إتهموني بالخبث و الحقد و إني طمعانه بفلوس ريلي مع إنه كان بخيل وياي .. و مايطلع فلوس غير بالقطاره ,, و يبوني أتنازل عن حقوقي .. و يبوني أرد لهم الذهب .. و مشاكل ف الشرطه و المحاكم لين يومكم .. حسبي الله عليهم وحده وين ما راحو .. كل ما ذكرتهم ماغير إني أتحسب عليهم .. و الظلم إلي صارلي و بعمري ,, ربي بيجازيهم عليه ..

أبي كل وحده بنوته بعدها مب متزوجه لاتقولين إنج عانس .. بالعكس إنتي ورده محد شافج و تسلى بمشاعرج و رماج عقبها
صدقيني بنت كبيره و عانس على قولة بعض الجهلاء ولا بنت صغيره و مطلقه و الكل يستنى منج الزلة .. و و إلي يطالعج بنظرات طمعانة ..

صدقيني نصيبج بيصيبج .. إشغلي وقتج قد ماتقدرين .. دشي دورات طبخ .. خياطه .. قرءان كريم .. معاهد ...
صدقيني إنتي أغلا من إنج تصتصغرين من عمرج و تحبطين ممن روحج ..

لو أرد كل شي خذيته من ريلي و أرد بنت مابقصر .. بس حلاة الشي إنه مره وحده ..

أبداً لا تقولين هاذي متزوجه يعني مرتاحه و مادري شو ,, مافي متزوجه ماتمر بمنغصات .. و مافي متزوجه ماودها ترجع بنت .. إلي تقولج حياتي كاملة و بيرفكت .. و زوجي و زوجي .. يابوي لاتصدقين .. الحياه مب زوج .. الحياه إستقرار و متى ماكنتي مستقره نفسياً و متوازنة عاطفياً بتعيشين حياه سعيده ومرتاحه ..

و أهممممم شي القرررررررب من رب العالميييييييييييييييييين ..



عيييييييييييييييييييييشي حيييييييييييييييييييياتج و خلي الزواج على ربج و أهلج و النصيب ..

ربي يحفظكم و يوفقكم يارب ..

صدى ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ربي يسعدج

__________________________________________________ __________

>>>> الرد الثاني :
الحمدلله رب العالمين

الزمن ما يرجع والانسان يتعلم من التجارب الى مر فيهاا

لا نزعلى هالتجربه زادتج قوة وقرب من الله

وادعى ربي دايم ربي اجرنى في مصيبتى

وخلف لى خيرا منهاا

__________________________________________________ __________

>>>> الرد الثالث :
حبيبتي والله الله يكون في عونج .الله يجعلها مغفرة للذنوب ان شاء الله.وربي يعوضك بزوج صالح يقدرك و يصونك. ذكرتيني باختي عمرها 20 سنة تزوجت 20 يوم ورجعها البيت والحين بعدها في المحاكم وياه.كان معقد و مريض وكان يحب وحدة وفيه بلاوي الله يستر.....ونحن ما كنا نعلم بهالشي.مسكينة تعبت نفسيا.مااقول الا حسبي الله على كل من يظلم بنات الناس

__________________________________________________ __________

>>>> الرد الرابع :
سبحان الله من دقايق بس كنت ارمس بيعتيه عن العرس وشعوري ومرات الوحده تحس بضيق بس ترد تستغفر وتتوكل على الله وبالصدفه الحينه قريت موضوعج اللي عطاني أمل وتفاؤل من يديد .. عسى ان تكرهوا شيئا وهو خير لكم الحمدلله على كل. حال والله يكتب لنا الخير وين ما كان

__________________________________________________ __________

>>>> الرد الخامس :
حبيبتي الله يعينج انا من سنج بس العرس حلو مب كل زوجه تتمنى ترد بنت في منهم هيه وفي منهم لا وانتي استفيدي من تجربتج والضربه اللي تعورج تعلمج مب كل الرياييييل نفس بعض كل حد غير والحمد لله لاتضايقي وكل شي مكتوب