عنوان الموضوع : سؤال.. للسعادة الزوجية
مقدم من طرف منتديات الضمير العربي
السلام عليكم بنات
شحالكن؟؟
ربيعتي تدور لها عن زوج مناسب يقتنعون فيه اهلها عن طريق خطابات
المشكله مب بالطريقه .. المشكله يوم تصدمني يوميا إنه نص الخطابات شحاتات و نصابات
إغلب الخطابات يشوفنها عسبه يوصفونها للريال وعقب يطلبون مبلغ لفتح ملف <<جنه داخله مستشفى خاص أو فتح ملف ليسن
أقل وحده تطلب 500 ويزييد وعقب يومين تلبسها الحرمه ولا ترد علي المكالمات أو المسجات لا وبعد تمسحها من البلاك بيري
ويوم تتصل من رقم غريب تقول عندي ظرف أو مسافره
ولا عادي تيب ناس يشوفون البنت بس تقعد تشحت من عندها فلوس .. ملابس.. اثاث اي شي.. وعلى هذي الحاله
السؤال هو: هل تعرفون خطابه تكون فعلا تيب عيال عرب و ما تكون نصابه ؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
دام هذه سوالفهم حق شو تبا خطابه بعد ؟
تشوف ربعها تشوف حد من الاهل والمعارف يربطون راسين بالحلال وايد جيه يسون ..
الزواج نصيب لا تدخل نفسها بهالدوامات توكل امرها لله وبيها نصيبها ان شاءالله
__________________________________________________ __________
>>>> الرد الثاني :
انا انصحها ماتدور ريل ونصيبها بييها
والخاطابات مانصح فهيم اكثرهم ماديات
ومايهمهم البنت وحاجتها غير همهم مصلحتهم
في وحده اسمها ام سعود منتشره وثقه
خل تشوفها والله يرزقها الزوج الصالح
__________________________________________________ __________
>>>> الرد الثالث :
صح في وحدة اسمها ام سعود طلعت مره مقابله في برنامج همس الحرير في بوظبي هذي اوكيه
__________________________________________________ __________
>>>> الرد الرابع :
عليكم بالاستغفار: {اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً}
__________________________________________________ __________
>>>> الرد الخامس :
لا تعتمد عليهن ابدا وتهتم بحياتها والنصيب بييها ان شاء الله لكنه الزمن غريب البنات يدورون الستر والرياييل مايبونه والخطابات نصابات هههه يارباه هل اضحك ام ابكي
رد مع اقتباس
